ရွှေပေါင်လုံးကြီးကို ဖက်ထားမယ်

chapter~>9

unicode

ကုပိုင်သည် နန်လီချန်၏ကိစ္စရပ်များကို စုံစမ်းရန် အလွတ်တမ်း စုံထောက်တစ်ဦးကို ငှားရမ်းခဲ့ပြီး ၎င်းကို သတိထား၍ လုပ်ဆောင်ခဲ့သည်။ ဤအကြောင်းအရာတွေကို နျဲ့ချင်းချန်အား သူ သိခွင့်မပြုနိုင်ပေ။

ကုပိုင်က ပိုက်ဆံအများကြီး အသုံးပြုခဲ့တဲ့အတွက် အလွတ်တမ်းစုံထောက်ရဲ့စွမ်း‌ဆောင်ရည်က သဘာဝကျကျပင် မြင့်မားလေသည်။ တစ်ပတ်မပြည့်ခင်မှာပဲ နန်လီချန်ကို အိတ်သွန်ဖာမှောက် စစ်ဆေးနိုင်ခဲ့သည်။

နန်လီချန်က အသက် ၂၇နှစ်ရှိပြီဖြစ်ပြီး Sမြို့နယ် ကုဟဲရွာမှ ဖြစ်တယ်။ သူအမေက အရွယ်မတိုင်မီ ကွယ်လွန်သွားပြီး သူ့မိသားစုက ဆင်းရဲတယ်။ သူ ငယ်စဥ်ကတည်းက ဖေဖေနဲ့အတူ မြို့ကြီးတစ်မြို့ကိုလာပြီး အသက်မွေးခဲ့တယ်။

ပထမတော့ အဆင်ပြေ‌ခဲ့တယ်။ သူ့အဖေက ပညာမတတ်ပေမယ့် သူတို့သားအဖနှစ်ယောက်ရဲ့ဘဝကို အာမခံချက်ပေးနိုင်လောက်အောင် ခွန်အားတွေ ရှိပါသေးတယ်။

ကံမကောင်းစွာနဲ့ပဲ သူ့အသက် 15 နှစ်မှာ သူ့အဖေက ပြင်းထန်တဲ့ ကျောက်ကပ်ရောဂါကို ခံစားခဲ့ရတယ်။သူ အသက်ရှင်ဖို့အတွက် ဆေးဝါးနဲ့ ‌ဆေးအထောက်အပံ့တွေအပေါ် မှီခိုနေရတယ်။ ဒါတွေအားလုံးက ငွေအမြောက်အမြား လိုအပ်လေတယ်။

သူ့အဖေရဲ့ကုသစရိတ်နဲ့ သူ့ဘဝအတွက် နန်လီချန်ဟာ အလုပ်တွေ အများကြီး လုပ်ခဲ့ရတယ်။ ဒါပေမယ့် သူက ပညာရေးမပြည့်စုံတာကြောင့် သူ လုပ်ခဲ့တဲ့ သာမာန်အလုပ်တွေရဲ့လစာက သိပ်မများလှဘူး။ သူတို့နှစ်ယောက်ဟာ ခက်ခဲကြမ်းတမ်းတဲ့ဘဝနဲ့ နေထိုင်ခဲ့ရတယ်။

ဒီလိုနဲ့ သိပ်မကြာခင်မှာပဲ သူ့ရဲ့ ထူးခြားတဲ့ရုပ်ရည်နဲ့ အကြံအစည်တွေကို အားကိုးပြီး ချမ်းသာတဲ့မိန်းမကြီးတစ်ယောက်ဆီမှာ အချစ်‌တော်အနေနဲ့ သူ့ကိုယ်သူ ရောင်းစားလိုက်တော့တယ်။

အဲဒီ၅နှစ် ၆နှစ်အတွင်းမှာ သူက အထက်တန်းလွှာ အသိုင်းအဝိုင်းကြားမှာ ဝင်ဆံ့လာခဲ့တယ်။