شروق الآدم ( دولا مجانين )

part 1

نبدأ بأول مشاهدنا
فى حي من الأحياء المتوسطة فى مدينة الشرقية تشرق الشمس بأشعتها الذهبية لتخبر الناس بيوم جديد يكون بالنسبة للبعض يوم تفاؤل وخير وبالنسبة للآخر فلا ... لتدلف الشمس لمنزل متوسط متوسط الحجم لعائلة متوسطة .. وهو منزل المحاسب جمال وزوجته وابنته..... لتستيقظ بطلتنا كعادتها كل يوم
الام وهى تهز ابنتها بغضب : انتى يا بت قومى يلا اخلصى ..... قومي قامت عليكى حيطه مهو من السهر على النت والموبايلات والروايات إلا كلت دماغك
شروق وهى تستيقظ بخضة : عااا ياماما حرام عليكى والله قريب هتقطعيلى الخلف...ومالك بس يا ماما برواياتى ..هيه عملتلك حاجه ..وكله الا بطلي حبيبى ده خط أحمر الا هيقربله هشرحه ده هييجى ياخدنى على حصانه الابيض
الام بغضب : يكشى تتوكسى على قامتك افلحي انت بس فى تعليمك واتعلمى حاجة تبقى تعمليهالوه عشان ياكولها ولا هتبقى تطفحيه رواياتك
شروق بطلتنا ذات العينين البنى الفاتح والبشرة البيضاء ليست بنقيه جدا يملآها بعض النمش وشعر بنى يملآها بعض الخصلات الحمراء نوعا ما يصل إلى ما بعد ظهرها ويغطيه حجابها.. ذات جسد متناسق يجمع بين الانوثة والنحافة أو ما يعرف بالكرفي
شروق بمرح : اه هيبقى ياكل رواياتى حلوه كده ......بس تعرفى ان انا اصلا متكسحه ..ورجلى خلاص بقيت عايزه صيانه ...متعرفيش اغيرهم فين بالله عليكى ..لترى أن والدتها قامت بتجاهلها...لتكمل وهى تعتدل فى جلستها وكأنه لم يحدث شئ  ...تعرفى يا ماما انا شوفت بوست امبارح بيوصفنى اطلع من البيت ورده مفتحه ارجع بطه مكسحه وشكلى هشيل السنه المهببه ديه كنتوا عملتوا فيا خير وجوزتونى منا كنت جبتلى عيلين واترزعت فى البيت جمب جوزى ابو عيالى قرة عينى..... اه انت فين يا قرة عينى يا حبيبى تعالى خد قرة عينك من الهم إلا هيه فيه

الام بغضب : طيب قومى يالمضة يلا اخلصى..... انتى اصلا مش نافعانى بحاجه قولنا ثانوى وبتذاكر جينا فى الجامعه ومش مكسوفة على دمك ومش بتعملى حاجه بردوه
شروق بمرح : سبينى يا امى فى حالى..... انا بتقطع من جوايا ونسيت طعم الفرح ..... هو عشان انا كيوته ولطيفه وهادية الدنيا جاية عليا ليه
الام بغضب : دانا إلا هقطعك يا بنت الجزمة قومى يلا اخلصى ابوكى عايز يمشى على شغله قال كيوته وهادية قال .....ده انتى ست المصايب مش عارفة يعينى مين الا امه داعية علية عشان يتبلي بيكى
شروق وهى تخرج لسانها لوالدتها : هيتبلى باحلى مصيبة.....
الام : طيب يلا قومى اتلحلحى كده ....ولا اناديلك ابوكى ييجى يصحيكى
شروق وهى تجرى من على السرير : طيب قايمه اهو ياماما حد قالك اصلا أن انا نايمه ولا هنام تاني .....موركيش غير كل شويه تشتكى للراجل.....لحد ما شويه وهيطفش منك ..... محدش مقدر موهيبتى فى البيت ده ياعدوين النجاح .....
الام بضحك : والله عيله جبانه
شروق وهى تتجه ناحيه المطبخ لوالدتها بعدما غسلت وجهها.....
لتردف بمرح: عامله فطار ايه ياجميل
الام بغيط: ماهو ده الا فالحه فيه تاكلى وتنامى لما عملتى زى البقرة الحلوب ....والله هسيبلكم البيت وتولعوا انتى وابوكى فى بعض
شروق بضحك : يا ماما مبتزهقيش كل يوم نفس الكلام ..الاسطوانة اتحرقت خلاص ..ثم ذهبت شروق باتجاه الصالون وقامت بتجهيز مائدة الطعام..ليدلف والدها بعد قليل من الوقت ويذهب ويجلس على المقعد المخصص له وييدا فى تناول افطاره
لتردف شروق بمرح : صباحوا يا جمال منور يا اسطى اخبارك يا جدع ....عاش من شافك
إلاب بضحك : مات من شافك ياحبيبتى....و فى حد يقول لابوه يا جمال حاف كده
شروق بمرح : ايزى مااان لتجلس وتضع يدها فوق راسها لتردف بحسره : ...سيبنى فى حالى يا جمال دانا ست غلبانه وبجرى على يتامه
الأب: ومين ابو اليتامه يا اختى
شروق بضحك: فى القبر يا اخ ......تعرف انا اصلا مقروفه من أولاد الكلب دوله ....دول زهقونى مودينا مستشفى تدريب واحنا لسه فى اولى ادعى معايا يا حبيبى شل يكفيك شر المرض يابنى
الاب بضحك : ايه هو ماصوره واتفتحت انتى هتشحتى يابت ولا ايه ....
شروق وهى ترفع يدها من أجل الدعاء : بس ادعى معايا بس ....لتوجه انظارها لوالدها وتقول .....يلا قول ورايا .... يارب الجامعه تولع وتولع بجاز وسخ وكمان كل الجامعات تولع وكل المرضى تشفى عشان منلاقيش شغل ونقعد فى البيت
الأب وهو يقف مستعدا للانطلاق إلى عمله : طيب قومى يا مجنونه يلا عشان تمشى على جامعتك

""""""""""""""""""""""""""""""
قامت شروق بارتداء ثيابها والتى زادتها جمالا فوق جمالها والمكونة من دريسز بالون الزهرى يمر من منتصفة عند الخصر حزام باللون الاسود .. جعلها رائعة الجمال ... ومازادها جمالا هو ذلك الحجاب باللون الاسود الذى كانت تغطى بها شعرها الاحمر الطويل ....
شروق وهى تخرج من الشقة بعدما ارتدت ملابسها...... : ماما انا ماشية عايزه حاجه يا ست الكل
الام بأمر : خلى بالك من نفسك وخلى بالك وانتى بتعدى الطريق
شروق بتذمر : يا ماما والله حافظة الاسطوانة دى تحبى اسمعهالك
الام بغضب : بتترقى عليا يا لمضة انتي .. اسمعى الكلام بدل مفيش جامعه تانى
شروق بمرح : اهو احسن برضوه دى كلية معقدة يرضيك يجبولى عقدة وتولى بيا على المستشفيات عشان يعالجونى
قولتلكم جوزونى وقعدونى ماسمعتوش الكلام ....بابا شكله كان محموق اوى ساعتيها وقال ايه.... لا لازم تكملى تعليمك..مش كان لازم ياخد رأى البقرة إلا هتتعلم
الام بغضب : اه يا بنت الجذمة غورى ياقليلة الادب من وشى ....لتجرى شروق قبل ان تلحق بها امها بالمركوب ( الشبشب )
لتخرج من البناية التي تسكن فيها ثم تستقل سيارة أجرة وتنطلق إلى الجامعه ....ليصدح صوت هاتفها برنته المزعجه
شروق وهى تجيب بغضب : ايه يابت صرعتينى ميكونش رايحين الجنة وانا معرفش لترد شهد على الجهة الأخرى....وهى صديقة شروق من الجامعه : انتى فين ياكلبة انتى ده كله تأخير
شروق : انا فى المواصلات ....انتى فين بقى انا خلاص قربت اهو
شهد بغضب : فى كافتيريا الجامعه هتلاقينى مستنياكى هناك فى نفس المكان زى كل يوم
شروق : اشتا يا قمرايتى ...خلاص قربت اوصل اهو