•ထိတွေ့ခဲ့ခြင်းဟာအနိုင်ယူလိုစိတ်ကြောင့်မဟုတ်ပဲ မင်းနဲ့နီးစပ်နိုင်လိမ့်မယ်လို့ခပ်တုံးတုံးထင်ခဲ့မိတာကြောင့်ပါကွာ....•
"တောက်ခ်!"
အာဏာစက်ပြင်းတဲ့အလျောက်
တောက်ခေါက်သံဟာလည်းအဆောင်တော်တစ်ခုလုံးသို့
တုန်ခါမြည်ဟီးသွား၏။
အထိန်းတော်တွေအစေခံတွေကတော့
အကြောင်းသိလို့အသံပင်မထွက်ရဲ
အပ်ကျသံကြားရတဲ့အထိတိတ်ဆိတ်နေသည်။
ဟျွန်းဂျင်ရဲ့အိပ်မက်တွေမကောင်းလှ
ထိုမြို့ရိုးနားကကောင်လေးနဲ့တွေ့မိပြီးပြန်လာထဲက
မယ်မယ့်ကိုသာအိပ်မက်ထဲပြန်မက်နေမိ၏။
တော်ရုံမဖြုံဒူပေဒါပေခံတဲ့မင်းသားလေးဆိုသော်
ညားမိခင်နဲ့ပက်သက်လာရင်တော့စိတ်ကအတော်ပင်ဆတ်သည်။
ထိုကောင်လေးကိုပြန်တွေ့မိချင်သား ဘယ်မှာနေမှန်း
ဘယ်သူဘယ်ဝါမှန်းလဲမသိရ၍
ရှာပုံတော်မင်းသားကြီးဖြစ်ရပြန်ဦးမည်။
"ရေချိုးဆောင်အသင့်ပြင်!"
တစ်ကိုယ်ရည်သန့်ရှင်းရေးကိုတော့
အနောက်တိုင်းကလာတဲ့အကောင်းတကာ့
အကောင်းဆုံးပန်းရနံ့တွေနဲ့အမွှေးရည်တွေကို
စိတ်ကြိုက်ဖြန်းစွတ်ပြီးအဆုံးသတ်လိုက်သည်။
တော်ဝင်မျိုးရိုးမှန်းမသိသာအောင်
ပြင်ဆင်ထားသော်လည်း ချောမောလှတဲ့အသွင်အပြင်
ခပ်ထက်ထက်မေးရိုး မှမကသေး နှုတ်ခမ်းထူထူအိအိက
မိခင်စီကအမွေရထားသဖြင့်
ပန်းနုရောင်ရှရှလေးထင်းနေသည်။
ထိုသည်ကားပုံမှန်သူဌေးကုန်သည်လေး
အလားသန့်ပြန့်စေပြန်သည်။
ကြောရှင်းလှတဲ့အကောင်းဆုံးပိုးသားအပြာရင့်ရောင်ကို
အပူပေးထားသော်ကြောင့်ဝတ်ရသည်မှာ
သက်တောင့်သက်သာရှိလှပြန်သည်။
ပြင်ဆင်ပြီးသည်နှင့်တပ်မှူးလေးကိုခေါ်ကာ
မနေ့ကထိုအထူးအဆန်းလေးအားတွေ့ခဲ့သည့်
မြို့ရိုးသို့ဦးတည်လိုက်၏။
မကြာပါ မြို့ရိုးအနားကနည်းနည်းလှမ်းသည့်နေရာတွင်
ထိုလူကလေးအားငုတ်တုတ်လေးထိုင်နေသည့်
အနေအထားဖြင့်တွေ့ရ၏။
