•انصدم عبدالله لانه اول مره تمسك ايده
شما : عبود اسمعني
عبدالله : ماسويتي شي والله بس غيري يباج وانا موجود ليش؟
شما : انزين اخطبني
عبدالله : ها الي تبينه بس ؟
شما والدموع فعينها : هيه ها الي اباه اني أكون قربك
عبدالله : تم و مابا اشوف دموعج تعالي داخل
سارت وأول ما وصلت عندهم فجت ايده
يلس عبدالله و كان جدام ام راشد
عبدالله : عموه انا بخذها
ام شما : الشور عند شميم انا مالي حايه
شما استحت وسحبت عمرها وسارت غرفة ريم
شما فقروب بنات خوالها :تعالن فوق بسرعه
ين وهن يترابعن فوق و فطسن ضحك
شما : ايه والله استحيت جان اشرد
يزوي : انتي وين سرتي يوم عبود طلع
شما : سرت ارمسه عبالي زعل و قال بخطبج
ريم : الله وناسه شموه بتسكنين عندنا ههههههههههههههههههههه
شما : خيبه اهدي اهدي بعدني ما قلت اني موافقه
ريم : جب اخويه الف بنت تتمناه غصبا عنج بتوافقين
شما : ما قلت اني مب موافقه ترا والله اني احبه وكنت اباه ايي يخطبني من زمان بس أخاف
شوي والا حد يدق الباب و حطن البنات شيلهن ف روسهن
ريم : منو ؟؟؟ادخل
دش عبدالله و عينه ما تخوز عن شما
شما : شفيك تطالعني ؟
عبدالله : اتاملج لا يكون مب عايبنج ؟
شما : ههههههههههههه توكل توكل
ريم : بدو بدو طيور الحب
عبدالله وشما : بس جب
هنيه دشت عايشه بنت خالهن علي و عاقه شيلتها
عايشه : اوه ههههه هاي عبدالله
عبدالله : حطي شيلتج ع راسج انزين
عايشه : عادي يوم بنتزوج بعقها
الوضع صار صمتتتتتتتت
شما تقربت من عبدالله وطلعو برا
طبعا شما كانت تسمع عايشه من ورا الباب
عايشه بصدمه : ريم شوفيها هاي ماسكه ايد اخوج ولا انا اتخيل؟
ريم : هيه تراهم حبايب من زمان و اليوم خطبها
