معليش عالسحبه بس يا جماعه انا انسانه عيازه مره
فبيت سلطان الي امه غاصبتنه ياخذ بنت ربيعتها
سلطان مسك التلفون و هو عارف انه علاقته ويا البنت الي يقول انها حبيبته ما بتكون للابد وعارف انه بعد حبه لها نهايتهم مب لبعض دقلها و هو متوتر شوي : هلا بالغلا كله هلا بحبيبتي
حبيبته (نوره ) قامت فورا من المكان الي هي قاعده فيه و بصوت خافت قاعده تقول : انا كم مره اقولك لا تدق لي فجاه ؟ وبعدين سلطان تبا اخوي يشك فيني ولا شو ؟؟
سلطان حس بندم لانه عارف ردها القاسي : خلاص حبيبتي انا اسف و حقج علي ما راح اتصل فيج الا بعلمج اوكي حبيبتي؟
نوره : تمام يلا يلا باي بند
سلطان : الله يحفظج .. بند و هو حاس بضيقه يلقاها منها ولا من امه الي تباه ياخذ بنت ربيعتها ( مهره ) اههخ يا امي اهخ لا اني متهني بحبيبتي ولا انج بتراضيني بالحركه
نوره وهي تتلفت تحاول تشوف لو زوجها ولا حد من خواته سمعو الكلام الي قالته لحبيبها الي عباله انها قاعده مع اهلها و اخوها : انا متى بفتك منه هذا ياربيييييي
(( عند عبدالله ))
فالحمام يتسبح وهو يفكر بحبيبته الي عارف قدره عندها يالس يقول فخاطره : يا حظي اذا حبيبتي الي بتكون ساكنه عندي وبتطبخ لي من ايدها و بنمسك عيالنا قاطع تفكيره صوت حد يدق باب غرفته .. قام ينشف جسمه وشعره بسرعه وفتح الباب يشوف من الي يدق
طلعت الي قاعده تدق الباب اخته ريم : عبود امي تقولك ودها بيت ام شموه عندهم موضوع و ترا شما تحت بسير وياها دبي ناخذ اغراض للعرس
عبدالله ابتسم على طول يوم سمع اسمها : حبيبتي فالبيت و محد يقول لي؟؟؟؟ بسير اسلم عليها و طلع بسرعه .. سحبته اخته وهي تقوله : اصصصصص يالخفيف الله يفشلك صبر صبر شو فيك انهبلت انزل تحت و خل عمرك متفاجئ انك شفتها خلك ثقيل شوي سلم عليها و روح على طول
عبدالله : انا مهبول وانا خفيف وانا كل شي اشتتتققتت لها خليني اسير اشوفها قومي انا مستحيل اكون ثقيل جدامها ما اقدر ما اقدر صعب
ريم : كيفك روح يوم حبيبتك تنصدم تعال قول لي ريموه اختي الغاليه ترا حبيبتي تغيرت
عبدالله رفع حواجبه : تحسييينن ؟ يلا بجرب استوي ثقيل و بتجاهل وجودها بعد ,, نزل عبدالله من غرفته وهو ماسك تلفونه ودق لربيعه عشان يلهيه بعد .. هلا باخوي الغالييي شحالك عمر ؟ قاطعته شما و هي تقول ل ريم : يلا ريموه نروح عشان ما نتاخر
عبدالله بند المكالمه من عند ربيعه بسرعه : احم السلام عليكم
شما : وعليكم السلام
عبدالله : اوه حبيبتي هني ؟ من متى
صدمته شما ومسكت اخته وتوجهو للسياره بدون اي ردة فعل
