شما مب منتبهه لسوالف ريم ويزوي و قاعده تطالع عبود الي ماسك تلفونه ومبتسم
شما : يلا عيل نترخص منكم نحن بنسير عند ميره البيت
خالها بو عبدالله : افا شما شعنه تروحن من الحين يلسن
يزوي : السموحه منكم خالي والله بس ميره محد عندها
بو عبدالله : مسموحه حبيبتي يلا انتبهن لعماركن
سلمن ع خالاتهن و طلعن
طلع عبدالله بسرعه ورا شما : شممميييمممم شما
شما : هلا عبدالله
عبدالله : عبدالله ؟؟؟؟ وهلا ؟
شما : شو تباني اقولك
عبدالله وهو حاس انها زعلانه : شفيج جي ترمسيني منو مزعلنج
شما : تراني مب متفيجتلك بروح البيت لا توقفني فالشمس
عبدالله : زين زين شموه ماعليه نتفاهم عقب
شما ويزوي يتضاربن منو الي يسوق
ريم : لا انتي ولا هي خلاص انا الي بسوق
شما : يا عمي خلاص شقيتونا
يزوي: الحينننننن نوقف ساعه فالشمس عشان نتضارب منو الي يسوق ؟ بالله عليج شما هاي ضرابه ؟
شما : ياخي خلاص خليني اسوق و بعزمكم ع كوفي العصر
يزوي : يلا كل شي لعيون الكوفي يهون
شما وهي تسوق ومشغله أغاني ومنطربه : لوووووو تدور الكون كله ما بتلقى مثل طيبي
ريم : ايهههههه شما ويت ويت وقفي ع صوب بندق ل شواخ عشان تيي ويانا
شما وقفت ع صوب و دقو لشواخ
شواخ : الووووو
شما ويزوي وريم : هلا هلا
شواخ : وين انتو بسم الله
شما مطت التلفون من ايد ريم : شواخ بنخطف عليج وبنسير بيتنا عند ميروه
شواخ : يلا أصلا انا فالصاله الي برا وبييب غدا ل ميروه
شما : خيبه مادري كيف نسيتها
شواخ : رمستني من شوي واصلا انا جي ولا جي كنت بيي عندكم ويا خالد اخويه
شما : يعني نخطف عليج ولا بتسيرين ويا اخوج ؟
شواخ : اذا انتو صوب بيتنا خطفو عليّه
شما : زين طلعي الحين يايين
بندو عنها و هم يفكرون شو الي بيسوونه فالبيت
ريم : بندش هاذاك البرنامج نسيت اسمه والله فعاليات
ome tv قصدها
شما : بس تم
شلو شيخه وياهم وسارو البيت على طول
