عند عبدالله و ربعه
سلطان : شباب والله تعبت أبا اعرس خلاص أبا امسك عيالي
حمد : ياخوي قول ل امك تخطبلك و فكنا
سلطان : امي تباني اخذ بنت ربيعتها وانا شفتها البنت حلوه و كل شي بس ما اباها
حمد : ليش
سلطان : مادري بس ما احس اني اباها
" سلطان امه غاصبتنه يأخذ هالبنت ولا ما بتكون راضيه عليه "
عبدالله : لازم تطيع شور امك ولا ما بتتوفق
سلطان : زين بشوفها باجر برمسها خلاص أبا اعرس مستعيل مره
حمد : زين تسوي بعد أبا اتعشى عيش و لحم ف عرسك
عبدالله : بعرس قبله و بحقق امنيتك حمود
حمد : صدق ؟
عبدالله : هيه خاطب بنت عمتيه
ربعه كلهم : الله يوفقكم
بيت ام شما
ريم : شما تعالي نسير غرفتج نقعد نسولف
يزوي : عيب بنيلس لين ما يتعشون و عقب بنسير
شما : اوكيه بس اقولكم وين ميره هالحماره24 ساعه ف غرفتها
يزوي : باقي لها اخر فاينل واتوقع قاعده تدرس
شما : اوه صح نسيت
ريم : عقلج ابداااا مب فمكانه من يوم خطبج عبود
شما عصبت : اقولج سيري زقي ذليتوني انتو
ريم تضحك : شو ياجججج استهبل كلتيني عنبوه
شما : صدق ذليتوني بس جب
يزوي : اقولكم تتذكرون عبدالرحمن و رشود عيال عمي؟
شما : غباااررر شو ياب الطاري
ريم : هيه شفيهم
يزوي : سمعت امي تقول انهم بيردون عقب أسبوعين تقريبا يوم بنبدا الجماعه هم بيردون من لندن
شما : عاد تدرون والله أبا اسافر لندن وادرس هناك
يزوي : سيرو انتي وعبود
شما : ما بتشتاقين لي ؟؟
يزوي : بشتاق لج اكيد بس انتي شاطره وتبين تدرسين طب سيري طلبي بعثه
شما بحماس : تعالو بدق ل عبود وبقوله
ريم : عبود عند ربعه
شما : هو ما يباني اخلي شي فخاطريه بدق و بقوله
ريم : يلا يلا دقي و حطي سبيكر
شما تدق ل عبدالله : الو عبود
عبدالله : هلا حبيبي شو فخاطرج
شما : أبا اقولك عن شي بس ماعرف لو بتطيع
عبدالله يقوم من عند ربعه : قولي ياروحي تدرين اني ما بردج
شما : يوم بنتروج أبا اسافر لندن و ادرس طب ها اقسى احلامي
عبدالله : حبيبي ما عندي مشكله انا بس لازم نشاور أهلنا
