( عند ام سلطان )
ام سلطان بعدها منصدمه من ولدها شو الي غير رايه فجاه ؟ بس ما اهتمت وسارت دوامها بحكم انه دوامها يبدا عقب دوامات عيالها ب ساعتين تقريبا .. وصلت الدوام بعد ما كلت ف بيتها وماخلت شي فخاطرها اخيرا التقت ف ربيعتها الي بحسبة اختها ( ام عبدالرحمن (
ام عبدالرحمن : صباح الخير علومج ام سلطان .. بدت تاخذهم السوالف وهم يشتغلون لين وصلو ل موضوع الخطبه و الشوفه الشرعيه و ام سلطان قالت ل ام عبدالرحمن لو يقدرون يقدمون موعد الشوفه يعني بيكون عقبها ب يوم مب ب يومين
ام عبدالرحمن : بنتي ما بتقول لا عادي فالج طيب بنخليها باجر افا عليج اختي الغاليه
ام سلطان : ما تقصرين فديت روحج .. دقت لسلطان و خبرته انه الشوفه بتكون باجر و سلطان قلبه نغزه مايدري شو السبب بس تجاهل هالموضوع وقالها انزين امي البنت حلوه ؟ انتي شفتيها ؟
ام سلطان ابتسمت وابتعدت عن ربيعتها : البنت عاديه يعني مب وايد حلوه ولا انها شينه خلاص لا تسال بتشوفها باجر .. سلطان ارتاح وبند عن امه وبدا يكمل دوامه ويخلص الاوراق الي عليه
(عند شما وريم فالسياره )
ريم : شما .. اليوم نبا نخلص كل شي ما نبا نطلع من دبي الا وانتي مخلصه كل الاشياء المهمه والباقي اطلبيه اونلاين تمام ؟
شما : هيه عارفه كل شي اباه .. كل شي مسجلتنه فالفون خلينا ننزل بسرعه ما نبا نضيع وقت ..مسكينه ريم وايد بتتعبين اليوم الله يعينج
ريم وهي تطبطب ع شما : حبيبتي انتي عادي كل شي لعيون حبيبة اخوي يهون .. تعبج راحه يروحي
شما تعصب وتلف عليها : اف سكتي لا تيبين طاريه يقهر
ريم تبتسم : غبيه .. تراج يالسه تتجهزين عشان ملجتكم استانسي حبيبج بيكون حلالج وخلت عمرها زعلانه .. والله اني مسكينه انا محد يحبني حمدالله والشكر
شما تضحك ع ريم الدراما : نصيبج بيي لين عندج صبري بس .. قعدو يتمشون وشما ما خلت شي ما اشترته عشان ما تضطر ترجع تمسك خط لين دبي مره ثانيه , خلصو اشغالهم كلها و الشمس غربت ف قررو انهم يخلصون عالسريع وبعدها يتعشون ويرجعون العين ..
( عند سلطان )
قبل ساعات .. رجع البيت العصروراح خذ له شاور دافي بعد يومه الطويل الي كان عباره عن اوراق وشغل مكثف خلص الشاور وبدا ينشف شعره الي يا على ويهه وهو يفكر ب ( مهره ) الي بيشوفها باجر متحمس يشوف هل هي حلوه ولا عاديه نفس ما قالت امه ..
خذ تلفونه واتصل ل اقرب الناس له ( اخوه علي ) .. الو علي وينك ؟
علي : هلا سلطان , موجود عند الشباب .. ليش بغيت شي ؟
سلطان : تعال عندي البيت بس لا تبند السياره اول ما توصل دق لي
علي : خلاص زين يلا دقايق وانا عند الباب
عقب 10 دقايق تقريبا وصل عند باب البيت .. دق ل سلطان و يا سلطان بسرعه وركبو السياره
علي : وين تبانا نسير ؟
علي : اول شي بناخذ لنا قهوه ابا اصحصح .. عقب بنسير الحلاق باجر عندي شوفه شرعيه !
علي مستغرب : هاه ؟ شوفه شرعيه .. انا اخر من يعلم !
سلطان : يا ولد الحلال امي صدعتني الا تباني اخذ بنت ربيعتها وانا احب نوره وانته تدري !
علي منصدم : منو بنت ربيعتها .. وليش امي بتغصبك عليها .. بيني و بينك على طاري نوره والله هذي انا مب مرتاح لها احس وراها مصيبه وانا اخوك .
سلطان ما يعرف يتكلم : مم مم مصيبه ؟ مصيبة شو !
علي : انته تقول انه اسلوبها خايس .. يعني شو تباها اذا اسلوبها خايس وترمسك متى ما ذلف اخوها
سلطان : ماعلينا
علي : والبنت الي بتشوفها باجر .. هل بترضى انه زوجها على علاقه مع وحده غيرها ويطلع وياها ؟؟
سلطان : اصلا امي قالتلي انها تدري بعلاقتي ويا نوره عشان جي غصبتني ع بنت ربيعتها .. وانا عناد ف امي بتم احب نوره لين اموت
( عند عبدالله )
عبدالله وصل غرفته من عقب ما رجع من عند ربعه وهو منهد حيله .. اوه نسيت ارمس شما ! يارب انها مب زعلانه للحين .. مسك تلفونه وقعد يتصل ويوصلها انه حد يدق بس تتجاهل , عبدالله ف داخله : انزين يمكن ما تتجاهلني.. يمكن قاعده تاكل او شي , ضرب يبهته يوم تذكر انه اخته وياها .. بدق ل ريم انا متاكد انه بعدها عند شما
عبدالله وهو يدعي انه ريم تكون عدال شما : هلا ريم .. شما وين ؟
ريم حطت ميوت وتسال شما .. شو اقوله ؟
شما : مادري صرفيه جذبي اي شي
عبدالله : ريم تسمعيني ؟
ريم ارتبكت وفجت الميوت : هي هي اسمعك
عبدالله : شما وين انزين
ريم : عدالي .. ما تبا تكلمك
عبدالله : حطي حطي سبيكر خليها تسمعني
ريم تحط سبيكر : حطيت
عبدالله : شما حبيبتي .. زعلانه ؟
شما تحط ايدها ع ويها مستحيه من ريم
عبدالله : شمااااا اكلمج انا بس عاد
شما : مب زعلانه .. ما تهمني
عبدالله فزت ف خاطره لو انه يدري انها تجذب : تمام يلا باي
تم يالس ع فونه و هو يتريا اي اشعار منها .. مل و هو يتريا ف قام يلعب سوني ويا ربعه عشان يغير من نفسيته شوي
( عند ميره )
مرت ساعات وهي تدرس ل اخر امتحان فاينل .. اخيرا اخيرا بتخرج !
دق لها محمد ولد خالها : يا هلا
ميره : مابغيت تدق .. خير ليش داق الحين
محمد : افا! ابند يعني
ميره : ما قلت جي بس وايد طولت تراك اليوم ما رمستني
محمد : اسف ياخي والله قلتلج كلحد اليوم كان فبيتنا .. الا انتو اشتقنالكم من زمان ما شفناكم
ميره : نحن ما نيي الا فالعيد والمناسبات .. و ابوك ايي عند امي دوم الا انته ما تي وياها
محمد : ما اتخيل ايي وياه عاد
ميره : ماعلينا درست الي ما كنت فاهمنه ؟
محمد : هيه ولد عمي الي ياكل الكتاب اكللللل كان هنيه اوف كيف فهمني .. شرحه احلا عن شرحج
ميره ابتسمت من صراحته : جب
محمد : ملينا من موضوع الدراسه .. خلينا نسولفففف
ميره : حبيبي انا مب فاضتلك بسير اتسبح وعقبها بتعشى وبرقد
محمد : تمام يلا بينا باجر عيل
( عند سلطان )
وصل البيت وسار يتسبح بعد ما خلص من الحلاق .. سمع انه حد يدق له لكن ما اهتم وكمل يتسبح ع راحته .. طلع من الحمام بعد دقايق من الهواجيس سار صوب سريره يبا يشوف من الي كان يدق له .. طلعت نوره , خلا التلفون مكانه وراح يتلبس ويتعطر بعدها مسك التلفون واتصل فيها
رد عليه شخص غريب وصوت ريال: منو انت !
سلطان مل من كثر ما انه نوره ما تباه يخطبها : انا حبيبها , اذا انت اخوها انا مستعد ايي بيتك باجر واخطب اختك !
الشخص الغريب : انا زوجها !!!!!!!!!!!!!!!!!!
