ريم مصدومه : هاه؟
العنود : الي سمعتيه
ريم بندت المكالمه و ايدها ترجف
سارت تكتب ل بنات خوالها فالقروب : تخيلو خالد يحبني
شما : منو خالدددددد
ريم : الي خواته عنود و موزه
شما : يععععععع
" عنود كانت تحب عبدالله "
ريم : اعرف شو الي ف بالج شموه بس والله اني مصدومه
شما : دقيلي بسرعه
دقت ريم ل شما : الووووو
شما : كيف عرفتي انه يحبج
ريم : خيبه داخله فالموضوع على طول
شما : جب كيف عرفتي
ريم : عنود قالت لي
شما : ماعلينا انتي شو تحسين ؟
ريم : مادري يمكن معجبه فيه بس كنت ارجف واتوتر يوم اكلمه
شما : لااااا تكفين مب الي فبالييييي
ريم : لالا ما احس اني احبه
شما : انزين عبود كان وياكم يوم عنود هناك ؟
ريم : تخيلي يوم عرف انهم يايين شرد وانا اتحرا ما يدري انهم بيوون
شما : ههههههههههههههههههه تربيتييي
ريم :شو مسويه فيه اعترفي
شما : باي باي بندي يدق لي
ريم : سيري زقي انتي وياه وبندت
عبدالله : الو شموه
شما : هلا
عبدالله : فاضيه ؟
شما : هيه قول
عبدالله : قلتي ل امي انج موافقه ؟
شما : باجر بقولها عشان يمرن 3 أيام احس فشله اقولها على طول
عبدالله : اوكي ترا أنا بشل ريم وبطلع بتطلعين ويانا ؟
شما :لا عاد مب كليوم أصلا انا شوي و بروح الصالون
عبدالله : خلاص تمام يلا عيل انتبهي لنفسج
شما : بايييي
بندت عنهوسارت تلبس عباتها وتزقراختها
أم شما : رايحينالصالون ؟
شما : هيه امي ما بنطول
ام شما : الله يحفظكن , خالاتكن بيين يتعشنعندنا فليل
شما : زين قلتيلي عيلبخطف الجمعيه باخذأغراض
ام شما : زين بطرشلج شونبا
طلعت شما هي و اختها وركبو السياره
يزوي : حرام ما شلينا ميره ويانا
شما : قالت ما تبا الصالون بس قالتلي اخطفعليها عقب بنشلها ويانا الجمعيه
يزوي : اوكيه خلاص
وصلوالصالون وكان فاضي مبزحمه
يزوي : بتصبغين شعرج؟
شما : هيه احس حماس اول مره اصبغه
يزوي :بسوي شعري ويفي وبركب اظافر بس
شما : تمام
راحت شما تصبغ شعرها وما طولت وايد لان شعرها قصير أصلا
يزوي خلصت كل شي وكانت تتريا اختها تخلص
* طلعو منالصالون وعدلو نفسيتهم *
ميره تدق ل يزوي : خلصتو؟
يزوي : هيه طلعي الحين شوي و بنوصلالبيت
ميره : يلا انا برا
خطفو وشلو ميره و سارو الجمعيه
ميره : بسير اييبأغراض الموهيتو
شما : انا بسوي سندويجات
ميره : عيل انا بسوي باستا
