قامت اليوم الثاني وهالمره نشت متاخروحجزت لها موعد فالصالون حقها هي واختها
يزوي : متى الموعد بيكون
شما : ع الساعه 6 ونص
فبيت ريم
ام ريم : ريموه جهزي السويت بسرعه وحطيه فالثلاجه
ريم تصارخ من المطبخ : اوكيه امي يلا دقايق بس
سارت ريم تحط السويت فالثلاجه وتربع فوق تبا تتسبح
عبدالله اخوها : خيبه تخيبج شوفيج تربعين
ريم : سير تجهز الله يفشلك بييونا ناس
عبدالله : بطلع أصلا انا
ريم ف داخلها : الله يعينج يا شموه
سارت ريم تتسبح وتتمكيج عقبها نزلت تحت و شاله وياها البخور
ام ريم : عمتج ام خالد بتيي هي و بناتها
ريم : وينها وصلت ؟
ام ريم : سيري يلسي فالميلس لين ما اتدخن
سارت ريم الميلس وانصدمت يوم شافت ام خالد لانه خالد وياها بعد
ام خالد : تعالي حبيبتي ريم
ريم لفت تعدل شيلتها بسرعه : السموحه عموه عبالي بعدكم
ام خالد تبوس ريم : فديتج والله متولهين عليكم عاد
ريم : حمدالله عالسلامه خالد
خالد : الله يسلمج
(((خالد ولد عمة ريم ما عنده اخوان الا خواته العنود و موزه *كان مسافر علاج 3 سنين فامريكا*
دخلت ام ريم : يا مرحبا الساع ب ام خالد توا ما نور البيت
ام خالد : النور نورج فديتج
قامت ام ريم تحضن خالد والدموع فعينها (كانت مربتنه بعد ما توفى ريلها)
خالد : دموعج غاليه ي امي
قعدو يسولفون وكان خالد يقول ل ام ريم عن حياته فامريكا
ريم : عموه وين العنود وموزه ؟
ام خالد : العنود متولهه عالبلاد قالت بتحوط شويه وبتاخذ لها كوفي هي واختها وعقب بييون
