بعد سوالف دامت لنص ساعه تقريبا دخلت العنود واختها موزه وقامو يحضنون ريم ومشتاقين لها
العنود : والله مشتاقين لكم
ام ريم : حبيبتي انتي اهم شي انكم بخير الحين
خالد : ريم بسالج ف أي جامعه انتي ؟
ريم : جامعه *******
خالد : ماشاءالله ترا بدخلها
سكتت ريم لانها ماعرفت شتقول و تستحي منه
ام خالد : يلا عيل نترخص منكم نحن
ام ريم : افا ما طولتو
ام خالد : والله تعبانين عاد وانتو اول ناس نفكر نزورهم اليوم
ودعو بعض وام خالد وبناتها ردو البيت
ريم ف داخلها " انا ليش ارجف يوم خالد يرمسني "
قطعت افكارها أمها و هي تزقرها : ريم ريم
ريم : هلا امي
ام ريم : عبود يترياج برا يقول يباج تحوطين وياه
"عند خالد"
خالد : عنود وينج
عنود : هلا شو تبا
خالد : ريم مخطوبه او تحب حد ؟
عنود تغمزله : هاااا تحبها
خالد : هي واباها بالحلال بس ماعرف لو هي تبادلني نفس المشاعر ولا لا
عنود : الي اعرفه انها ما تحب حد
خالد : خلاص تمام
سارت عنود تدق لريم
ريم : الو
عنود : ريم ترا خلود اخويه يحبج واذا قالج انه يحبج لا تعطينه ويه
