ام شما تدق ل ام ريم وتحطه سبيكر : سلام عليج الغاليه
ام ريم : مرحبا الساع
ام شما : عاد انا قايله لشما تخلي ريم تقولج تيين بس نست الله يهديها
ام ريم : ليش منو عندكم أصلا
ام شما : خواتي عندي تعالي عندنا
ام ريم : ماعليه زين بشوف عبدالله لو فالبيت
ام شما : شما بتييج لو عبدالله مب موجود
ام ريم : زين بدقلها لو ما لقيته
" عند ام ريم "
وين بلقاه عاد هالولد الحين
ام ريم تتصل ل عبدالله : عبود ابويه وينك
عبدالله : هنيه صوب البيت امي شي فخاطرج ؟
ام ريم : اباك عقب نص ساعه تيي توديني بيت ام شما
عبدالله انشاءالله الحين بيي البيت
بندت عنه وسارت تطلع لها المخور وتتدخن ووصل عبدالله البيت
عبدالله : ها امي جاهزه ؟
ام ريم : هيه سير شغل السياره
عبدالله يشغل السياره ويفج ل امه الباب
عبدالله : امي ريم قالتلج انه شما موافقه ؟
ام ريم : هيه حبيبي قالتلي و متى تبون الملجه؟
عبدالله : مادري انتي ساليها
ام ريم : زين ابويه
" وصلها بيت ام شما و نزل وياها يسلم ع ام شما "
ام شما : هلا ب وليدي شحالك حبيبي
عبدالله : اهلين عموه شحالج شعلومج عساج طيبه
ام شما : حمدالله والله شوفتكم ترد الروح
عبدالله : عسى دوم عموه يلا عيل الله يحفظكم
ام شما : افا عبود ايلس شوفيك مستعيل
هنيه شما سمعت صوته وتمت واقفه تطالعه من بعيد
عبدالله لمحها و قال : والله عاد عموه مواعد ربعي بسيرلهم
ام شما : الله يحفظك حبيبي
" راح عبدالله يركب السياره و شردت شما عشان أمها ما تشوفها "
شما تدق لعبدالله : على وين يالغالي
عبدالله : ساير عند حبيبتي شعندج شو تبين
شما : اويه لك ويه تتكلم بعد
عبدالله يضحك : اهم شي انج مصدقه انه عندي غيرج
شما : متاكد تستهبل هههههههههههه
عبدالله : لا
شما : أقول جب جب يلا باي
عبدالله : يلا انقلعي وقولي ل امي متى تبين الملجه لانها بتسالج
شما : اباها السنه اليايه
عبدالله : لين السنه اليايه بخذ 3 انا
شما : خيبه تخيبك ما توفر
عبدالله : يلا باي وصلت عند ربيعي ولا تطولين الملجه
بندت عنه و سارت عند ريم و يزوي
شما : ريم اخوج يبا الملجه بسرعه مادري شفيه مستعيل
ريم ابتسمت : انتي متى تحسين انج بتكونين جاهزه
شما : امممم شهر ؟
ريم : ع راحتج
طلعو برا و على طول ام ريم سالت شما عن نفس الموضوع
شما : عقب شهر
ام ريم : زين حبيبتي بقول ل عبدالله , بعطي عبدالله رقمج وتفاهمو
يزوي و ريم يضحكون : هيه عشان يتعرفون ع بعض
شما فيها الضحكه : الي تشوفينه خالوه
.
.
عيال عم شما الي يدرسون ف لندن
عبدالرحمن : رشود وين ناخذ كوفي ؟
راشد : نسير ستاربكس لانه اقرب لنا أبا اصحصح
عبدالرحمن : يالله عاد شد حيلك باقي كورس و نتخرج
راشد : افا عليك حبيبي دامني وياك ما بنرسب انشاءالله
عبدالرحمن : يا ريال أبا اتخرج انا أبا ارد البلاد تعبت
راشد : لو تدري كيف مشتاق ل ابويه وخواني عيالهم
عبدالرحمن : كلنا ياخويه كلنا
وصلو ستاربكس وكانو يطلبون
راشد : عبدالرحمن شوف الحلوه الي وراك
عبدالرحمن : متى بتودر حركاتك يالطفس
