Remember Me (Slow Update )

Chapter 8

A/N

" එහෙනම් පැටියෝ මන් ගිහින් එනකම් පරිස්සමින් ඉන්න ඕනෙ තේරුනාද..." ජින් කිව්වේ එයාපෝර්ට් එකට ආව වෙලාවේ ඉදන් කිසිම සද්දයක් නැතුව ඉන්න සුයෝන්ට.

" හරි ඔප්පා.... " සූයෝන් කෙටියෙන් උත්තර දුන්නේ පපුවෙන් කරන්ට් එකක් යනවා වගේ වේදනාවක්‌ දැනෙද්දී.

" ජූනී හ්යුන්ග් එහෙනම් පරිස්සමින් යන්න... ඕනෙ දෙයක් තිබුනොත් අනිවාරෙන්ම කෝල් එකක් දෙන්න..... " ටේහ්යුන්ග් කිව්වේ ජින් එක්ක පැරිස් වලට යන Dr. නැම්ජුන්ට.

" හරි ටේ බය වෙන්න එපා ඔයාගේ හ්යුන්ග්ව මන් පරිස්සමින් බලාගන්නම්.... " නැම්ජුන් ඇස් හීනි කරලා හිනාවක් එක්ක කිව්වේ ටේහ්යුන්ග්ව හග් කරන ගමන්.

" ඔය ඩබල.... පරිස්සමින් ඉන්න ඕනෙ තේරුනාද.... පොඩි ළමයි වගේ හැසිරෙන එක වහාම නවත්තන්න ඕනෙ... එතකොට මන් ඔය දෙන්නටම ලොකු වගකීමක් දීලා යන්නෙ අනිවාරෙන්ම ඒක හරියට කෙරෙන්න ඕනෙ තේරුනාද.... " ජින් කිව්වේ ජිමින්ටයි කුකීටයි.

" තේරුණා වර්ල්ඩ් වයිඩ් හැන්ඩ්සම් උතුමාණෙනි... " ජිකුක් ඩබල ඔලුව පාත් කරලා කිව්වේ අනිත් කට්ටියට හිනාවක් යද්දී.

" එහෙනම් ටේ අපි යන්නම්... දැන් වෙලාව හරිනේ.... " නැම්ජුන් ජින්වත් එක්කගෙන එයාපෝර්ට් එක ඇතුලට යන්න ගියේ සුයෝන්ගේ ඇස් වල කදුළු පිරෙද්දි.

" පරිස්සමින් ඉන්න ඔප්පා.. මන් බලාගෙන ඉන්නවා ඔයා එනකම්.... " සූයෝන් වචන වලට හරවන්නේ නැතුව හිතින් හිතුවේ පිට අල්ලෙන් කදුළු පිහිදාන ගන්න ගමන්.

" හපෝ.... මේ බලන්නකෝ... හොටුත් එනවා.... දැන් ඇඩුවා ඇති හ්යුන්ග් ඉක්මනට එනවා..... " කුකී පැත්තක් කාපු ටිෂූ එකක් දික් කරලා කිව්වේ සුයෝන්ට.

" ඊයා... ඕක අල්ලන්න එපා සූයෝන්... මේකා ඕක කෑවා.... " ජිමින් මුණත් ඇබුල් කරලා කිව්වේ සූයෝන් ඒක අතට ගත්ත හින්දා. එහෙම්මම ඒක අතෑරපු සූයෝන් කරේ කට ඇද කරපු එක.

" ඇයි ඒක බිම දැම්මේ.... අනේ බලන්න ටෙයියෝ... මෙයාලා මට වෙනස්කම් කරනවා...... " කුකී බිම තියෙන ටිෂූ එක දිහා බලාගෙන ටේහ්යුන්ග් ගේ ලොකු හුඩියෙන් අදින්න ගත්තේ ටේ රවද්දී.