နောက်တစ်နေ့တွင်ဂျောင်ကုနှင့်အတူ
ဒုံရှစ်၊ဒိုဟူးတို့မိန်းမတောင်းရန်ဆိုလ်းသို့တက်လာကြသည်။
ဂျောင်ကုကနှုတ်ခမ်းမွှေးအတုကြီးတပ်ကာ
ဖလန်ထည်ပ၀ါအားခေါင်းပေါင်း၍ရုပ်ဖျက်ထား၏။ဒိုဟူးလည်းထိုနည်းတူစွာ။သို့ပေ
မယ့်သတိုးသားလောင်းလေးဒုံရှစ်ကတော့ဘိုကေကိုကျော့နေအောင်ဖြီးထားသည်။ကုပ်အင်္ကျီကိုအကျအန၀တ်ကာရှိုးစမိုးအပြည့်နှင့်အပီရှိူုင်းထားသေး၏။
၀န်ချုပ်ကြီးတို့အိမ်ကားလူကုံထံအသိုင်းအ၀ိုင်းတို့၏ထုံးစံအတိုင်းနှစ်ဆောင်ပြိုင်အိမ်ကြီးဖြစ်သည်။ပါလာသည့်မြင်းများကိုဇက်ကြိုးချည်ကာဂျောင်ကုကဦးဆောင်ပြီးခြံထဲသို့၀င်သွားသည်။
"ဟေ့ ဘယ်ကလူတွေလည်း မီဆန်းသွားကြည့်စမ်းချေ"
အိမ်ကြီးပေါ်မှအသံထွက်လာသည်။
ထို့နောက်အိမ်ထဲမှထွက်လာသည့်ကောင်မလေးတစ်ယောက်။
"ဘာကိစ္စရှိလို့တုန်းရှင့်"
ခြံစည်းရိုးသံတိုင်များကြားထဲမှကောင်မလေးကသူတို့ကိုမေးသည်။
"အော် ဒီလိုပါ ကျုပ်တို့ကအင်းချွန်းကလာတာပါ၊ဒီအိမ်က ကလေးမ ယယ်ဂျင်းရဲ့အသိတွေပါ"
" မမလေးယယ်ဂျင်းရဲ့အသိတွေလို့ပြောပါတယ်သခင်ကြီး"
ကောင်မလေးကအိမ်ကြီးပေါ်သို့လှမ်းအော်ပြောသည်။
"အေး ခေါ်ခဲ့!"
၀န်ကြီးချုပ်ကြီးရဲ့အမိန့်သံအဆုံးတွင်ကောင်မလေးကသူတို့ကိုအိမ်ကြီးပေါ်သို့ခေါ်လာသည်။
အိမ်ပေါ်သို့ရောက်တော့ ဧည့်ခန်းတွင်မိန့်မိန့်ကြီးထိုင်ကာပိုက်ဆံထုပ်များကိုတထုပ်ပြီးတထုပ်ရေတွက်နေသည့်၀န်ကြီးချုပ်ကြီးဆိုသူကသူတို့ကိုလှမ်းကြည့်ကာအကဲခတ်နေဟန်။
"ယယ်ဂျင်း ဒီမှာလာကြည့်စမ်းညည်းအသိတွေဆို"
အိမ်တွင်းမှယယ်ဂျင်းအတူနှင့်သူ့မိခင်ဖြစ်ဟန်တူသောအမျိုးသမီးကြီးတစ်ဦးပါထွက်လာကြသည်။ယယ်ဂျင်းကဒုံရှစ်ကိုမြင်သောအခါအံ့သြသွား၏။တစ်ဆက်တည်းတွင်ပင်မျက်နှာလေးပါ၀င်းလက်သွားတော့သည်။
YOU ARE READING
Robber
Romanceမင်းအတွက်ဆိုဘယ်တုန်းကမှသိက္ခာကျတယ်လို့မတွေးခဲ့ဘူးဆော့ဂျင်။ဒါတွေဟာမင်းကိုသိပ်ချစ်လို့။ 𝑱𝒆𝒐𝒏 𝒋𝒖𝒏𝒈𝒌𝒐𝒐𝒌//𝑲𝒊𝒎 𝒔𝒆𝒐𝒌 𝒋𝒊𝒏 မင္းအတြက္ဆိုဘယ္တုန္းကမွသိကၡာက်တယ္လို႔မေတြးခဲ့ဘူးေဆာ့ဂ်င္။ဒါေတြဟာမင္းကိုသိပ္ခ်စ္လို႔။ 𝑱𝒆𝒐𝒏 𝒋𝒖𝒏𝒈𝒌𝒐𝒐𝒌//�...
