ပုလိပ်တွေမလိုက်နိုင်အောင် ခေါင်ပါးလှသည့်ရွာဘက်တိမ်းရှောင်ရမည်မို့ လမ်းပန်းဆက်သွယ်ရေးတို့ကတော့သိပ်မကောင်းလှ။
ကုန်းတစ်တံလှေတစ်တံနှင့်ခရီးက အတော်ဖင့်သည်။
"ဂျောင်ကု ငိုက်မနေနဲ့အိမ်ရောက်တော့မယ်"
ဆော့ဂျင် လှေပေါ်မှာငိုက်နေသူ ဂျောင်ကု၏ပခုံးကိုခပ်ဆတ်ဆတ်လေးရိုက်ကာအသိပေးလိုက်တော့ ပြူးပြဲပြီးဆက်ကနဲခေါင်းထောင်လာသည်။
"လမ်းကိုဘယ်လိုလျှောက်နေတာလဲ။ဘိန်းစားလိုလေးဖင့်နေတာပဲ"
လှေပေါ်ကဆင်းတော့ အိပ်ချင်မပြေသေးဟန်ဖြင့် ဂျောင်ကု လမ်းလျှောက်ပုံမှာတုံ့နှေးတုံ့နှေး။
ဆော့ဂျင်ကဆူငေါက်ပြန်တော့လည်း မျက်နှာလေးမဲ့ကာ"ဆော့ဂျင်ကလည်း"ဆိုပြီးသနားစရာပုံ လုပ်ပြပြန်သည်။
တကယ်တည်း အမြင်ကတ်စရာကောင်။
"ဒီထပ်စောစောရောက်မယ်တောင်ထင်တာ နေစောင်းမှပဲရောက်လာကြတော့တယ်ကွယ် ကဲ..လာကြ..လာကြ"
"ဟုတ်ကဲ့ ဒေါ်ဒေါ်"
အသက်ခြောက်ဆယ်နီးပါးအရွယ်ရှိသော အမျိုးသမီးကြီးတစ်ယောက်က အခိုင်အခန့်ဆောက်ထားသောပျဥ်ထောင်အိမ်လေးထဲမှထွက်လာကာသူတို့ကိုခရီးဦးကြိုသည်။
"ဒီကမောင်ရင်က အဒေါ့်သမက်နဲ့သမီးပြောပြောနေကြ အစ်ကိုကြီးဆိုသူထင်တယ်"
"ဟုတ်တယ် ဒေါ်ဒေါ်ကျွန်တော့်အမျိုးသားဆိုသူလေ ဒါနဲ့သားရောခဗျ"
အမေးစကားကဂျောင်ကုဆီဦးတည်ပေမယ့် ဖြေဆိုသူကတော့ဆော့ဂျင်သာဖြစ်သည်။
"အမျိုးသား"ဆိုသည့်စကားလုံးလေးသုံးလုံးမှာပီတိတွေပျော်၀င်မှုကမနည်းမနော။လူကြီးသူမရှေ့မှာတောင်ဂျောင်ကုခဗျာအန္ဒြေမဆယ်နိုင်ရှာ။
မျက်နှာတစ်ခုလုံးမှိုရသလိုပြုံးဖြီးနေရသည်။
"မောင်ရင့်သား အိပ်နေတယ်ကွဲ့ ဒေါ်ဒေါ်သေချာလေးသိပ်ထားပါတယ်"
"ဟုတ်ကဲ့"
"မောင်ရင်က လူချော၊လူခန့်ပဲကွယ့် ဒေါ်ဒေါ့်သမက်ကအစ်ကိုကြီးဆိုပြီးခေါ်နေတော့ ဒေါ်ဒေါ်ကအသက်ကြီးမယ်ထင်နေတာ လူငယ်လေးပဲ"
YOU ARE READING
Robber
Romanceမင်းအတွက်ဆိုဘယ်တုန်းကမှသိက္ခာကျတယ်လို့မတွေးခဲ့ဘူးဆော့ဂျင်။ဒါတွေဟာမင်းကိုသိပ်ချစ်လို့။ 𝑱𝒆𝒐𝒏 𝒋𝒖𝒏𝒈𝒌𝒐𝒐𝒌//𝑲𝒊𝒎 𝒔𝒆𝒐𝒌 𝒋𝒊𝒏 မင္းအတြက္ဆိုဘယ္တုန္းကမွသိကၡာက်တယ္လို႔မေတြးခဲ့ဘူးေဆာ့ဂ်င္။ဒါေတြဟာမင္းကိုသိပ္ခ်စ္လို႔။ 𝑱𝒆𝒐𝒏 𝒋𝒖𝒏𝒈𝒌𝒐𝒐𝒌//�...
