ياعازف العُود صحّيت جفن الحزن من دقت اوتارك

١

بيوم يختلف عن باقي الأيام .. اللي يعيشونها بالباديه
قامت من نومها على ازعاج البزران ولعبهم وضوء الشمس البارده بفصل الشتاء .. وشعرها الطوويل منتثر حولها
عقدت حواجبها بإنزعاج وحطت يدينها على عيونها بقوة../ ااببنااامممم يككفييي اززعاج
ناظرت البزران اللي يلعبون بالتراب ويتلاحقون../ هههههههههههههههههههههه صباح الظهر ي ورعان
ناظروها بآستغراب وميّلوا روسهم !!
الجده فتحت جزء من الخيمة عشان النور وتحوس بالاغراض../ قومي بس كافيتس نوم
فتحت نص عين ووجهها مفقع ../وش تحوسين فيه بغيتي شي ؟
الجده ../ اايه ااء بغيتس تحطين لي ي بنيتي من هاللي عندتس تبي تجي امتس واهلها عااد لزووم احط شيي
عايشة كبحت ضحكتها مشت بركبها لجدتها وهي تضحك وشعرها واصل الارض قررصت خدودها بقوة وضحكت ../ي زقنها زقناه ي ناس بتحطين من هاللي عندي ؟ كلها كحله يعني
الجده ضربت يدها بخفيف../ الله يصلحتس ماكنتس بنيه .. صيري مثل هالبنات ممثل زيينه تحب التزيّن وسسهاام سهاام اختتس هذي كل ماجت شنطه ااء المكب ااوو مدرري وش يسموونه اكبر من ملابسها
عايشة حركت عيونها بدلع../ ججمالي طبيعي مب مثلهم كل شي تشليح بذالمكياج
الجده.. / الا تبيينيي اقول لأمتس تستنقص لتس شوي من هاللي عند سهام مايضر يا يمه تستانسين بهن شوي
عايشة اختفت إبتسامتها واخذت فرشة الشعر وعطت جدتها ظهرها لجل تزينه لها ظفيرة .. / لا
بدت الجده تمشط بشعرها النااعم وتغني لها ااغنيتها المفضله 'كلمات دايم الجده ترددها وعايشه تحبها من وهي صغيره
.
بالشرقـية ~ بـ قصر له هيبته والخدم ماليينهه لكن فيه ميزه عن غيره .. مافيه ولا خادمه كلهم خدم 'رجال' .. وحديقته الكبييره بإمكانكم تتخيلون وسعها وجمالها لكن ماتوفون طبيعة الخالق والجمال اللي فيها .. يتوسطها مسبح كبير يحآوطه الوررد بألوانه وانواعه .. عدل عمآمته ودهن دقنه بـ دهن العُود الفااخر .. نزل بكامل هيبته بلبسه المتواضع بمكانه المخملي
عكس الباديه اللي يعتبرونه من افخم الملابس .. البوديقارد بهدوء../ تبي شي طال عمرك ؟
حاتم../قهوة لاهنت
البوديقارد../ عربيه صح ؟
حاتم ابتسم../ اكيد
.
فتحت الستاير وطفت التكييف../ يالله ققوومميي تأخررنا !!
رفعت اللي ع عيونها وبإنزعاج../ ماامااا اووففف والله اممس سهراانهه مانمتت
ام عايشة ' اللي هي ام سهام '../ مشكلتس عاد انا امس قايلتن لتس لا تسهرين يالله قومي اشوف لك خمس دقايق اخخخللصييي علليي
سهام نفضت الفراش ووقفت على السرير بطفش .. كانت بتنط على الارض زلقت بالفراش وخبطت من فوق السرير بالأرض .. تغيرت نبرة صوتها ووجهها مصفوق ولا زق بالارض../ اااءءه اااييي
ام عايشة رفعت يدينها بانبهار../ اللهم طولك ياروحح بااقي لتس ااررربعع دقاييق قووممييي
سهام قامت بسرعه ومبوزه وعيونها تلمع ؛ ييعوررر
ام عايشة رفعت سبآبتها بتحذير../ يابنت اسمعي الكلام لاتطلعيني من طوري .
-
ركب سيارته وهو متوجه لأفضل مكان .. عاش وتربى وتعلّم بذالمكآن .. أكيد كلكم عرفتوه {..البادية..} !
انتصف بالطريق ومشغّل المسجل على الشيلات اللي يحبها .. شوي وينظم قصايد بس بدون لا يكتبها
وسعادته لاتوصف وهو رايح لـ جده وأمه .. اشتااقق لهمم كثييرر .. له شهرينن عنهم مازارهم ولا كلمهم
فتح الشبآبيك حقت السيارة كلها واتسعت إبتسامته وهوآ الصحراء يعبي السيارة .. كان لابس نظآرته الشمسية وعمآمته اللي زي التاج على راسه .. وثوبه الإمآراتي .. وضحكته بأسنان مصفوفه زي الؤلؤ ..
كمل طريقه بالجو اللي يعجبه .
الجد/  ييااعزام بالله مابقى شي ويوصل حاتم
عزام قايم من الفجر .. راح وجاب اربع ذبايح من حلال الجد لجل حاتم والرجال اللي بيجون اليلة لهم .. ذبح الذبايح والرجال صلخوهن .. راح للخيمة اللي يسمونها المطبخ!.. عبى الآبريق الكبير مويا ورجع للخيمه الكبيره
شب النار وحط الآبريق فوقه لجل يفوح .. ومستاانس اشتااق لحاتمم اخووه اللي م جا من بطن امه
صار ثوبه ملطخ بالدم وغترته حاطّها على رقبته ولافها .. ركض للجد ورافع ثوبه/ سم يبه خلصت تامرني بشيء ثاني
الجد / ذبحت الذبايح ؟ جهزت القهوة والشاهي ؟ قلت للحريم يجهزون الغدا ويطبخون الذبايح
عزام منزل راسه / اايه كل شي جاهز والذبايح بيطبخنها ام حاتم وعايشة بنت صقر { اسم ابو عايشه صقر } ..
وجدتها وام مصعب وو...'عدد بعض من حريم الباديه }
الجد ابتسم / كفو والله ببنت صقر انشهد انها بنت رجّال .. وانت يالله عوّد شف ناقصهم شي ولا يبون شي وجمع لهم الحطب وشب لهن النار .. عزام هز راسه وراح .
-
بـ خيمة متجمعه فيها ام حاتم وام مصعب وجدة عايشة وعايشة .. عايشة مسكت الآبريق الكبير بكل يدينها / ياجدة انا بروح للبير اجيب مويه وراجعه
الجدة منشغله / زين زين بس لاتطولين وانتبهي وتغطي زين
عايشة رفعت عباتها على راسها وتنقبت بـ { برقع البدو .. اللي ابرز عيونها بجمآلها وبرائتها}
وصلت للبير وطاحت عبايتها على كتوفها تنهدت ورمت السطل داخل البير وماسكه الحبل لجل تسحبه .. حست بثقله وسحبته ارتفع بغير قوى منها لفت بشهقه ../ عزاااممم !
عزام رفعه ونزل عيونه / ابك انهبلتي انتي رايحتن بذا بدون رجال ! وتشيلين ذا لحالتس
عايشة ضحكت / عادني ماعجّزت اقدر اشيله بعدين تعال انا الرجال يهابوني عن الكلام الزايد بس وخر وخر
عزام شافها شايله الآبريق بكل يدينها وواضح ثقيل عليها .. اخذه منها / عاني عروقش يابنت انفقعت
عايشة عقدت حواجبها والطرحه على راسها / ياعزااام .. طيب طيب انا على كثر ما اشيله الا اني بتعبك معي اليوم سمحت لك تاخذه يالله وراي
عزام هز راسه بأسف وهو يضحك ومشى وراها ..
.
جلس ورفع رجلينه على مساند الخيمه ويكلم جده / اييه يايبه بآخر هالعمر يصير حاتم اغلى مني
الجد / انت خابر يا مصعب ولا تكثّر الهرج هذا بدال ماتصير رجّال وتزهّب القدوع بعدين وين ابوك
مصعب نط لجده / افا ي يبه افا انا مانب رجال
الجد / حشى .. شف اقولك ماكنّها ذي سيارة حاتم ؟ ولا !
مصعب جلس جنب جده وضيق عيونه / ااء سسلمكك الله هالسيارة ماهي غريبتن علي ايييه ااييهيهيهههيهه ججتتت
الجد محطه بالعقال / ياولد اثقل فجرت راسي
مصعب / يبه يبه هذي سيارة زوج ام عايشة بنت صقر
الجد سكت شوي بتفكير / اايه ااييهه ناده ناده وجهز القدوع ياولد
مصعب نقز / ابشر .. راح له وبصوت عالي ../ ارحب ملايين يا هلا ياهلا بمن جاا
ابو سهام نزل من السيارة وعليه نظآرته الشمسيه / تبقى تبقى ياهلا بك
مصعب بلُغته ولهجته البدويهه / حيّاك حيّاك عند شيخ الباديه ههههه تفضل
ابو سهام / الله يحييك ويبقيك زاد فضلك
سهام رفعت جوالها وفتحت السناب / يماا كيووتت .. ام عايشة ؛ يالله ياسهام انزلي
سهام نست تصوره وراحت مع امها
.. وقفت شوي / لححظه
وقفوا كلهم ولفوا لها .. سهام / ءء منن ينزل اغرااضي
ام عايشة /اءقول
معصب / هالحين اخليهم ينزلونهن لكم .. تبونها ببيت الشعر حق عايشة واهلها صح
سهام / اي اي صح ووءء بعد شوي شوي ع اغراضي عطوراتي غالييه
ووالله يخلييك لاتخليهم يرمونهم بقوه ع الارضضض
مصعب حس بإحراج ونزل راسه / ان شاءالله
راحوا ابوسهام ومصعب ..
ام عايشه عطت سهام نظره وسحبتها وقرصت ذراعها / الله لايبارك بك يابنيه .. هالحين منزوعتن من الحيا يومنك تكلمينه
سهام فركت ذراعها / اااييي مااماا!
عايشة ركضت لأمها من شافتها اقبلت عليهم / اررححبييي يمممه يااهلااا ' باست راسها ويدها'
ام عايشة / تبقين ياحبيبتي شلوونك
عايشة / ززييينننه الحمدلله .. ااء سهاام شلونش ي بنت ؟
سهام لبست نظاراتها الشمسية / كوييسة
زينه جت تركض / هاا بيديتوا .. هلا هلا خالتي
عايشة / ززيينهه هذي انتييي  مهب يومن لش اذا ماتأخرتي
زينه / شسوي ماعندي احد يقومني 
عايشة سحبتها على جنب / تعالي تعالي بس نروح نجمع الحطب
زينه / سلم منطوقش يابنت تعالي يالله
عايشه لفت ل سهام / تبي تجين معنا
سهام / ااء لالا بجلس مع ماما 'رفعوا عبيّهم وراحوا من فوق الجبال ويتمشون حول الصحرآء يجمعون بذالحطب ويسولفون ويضحكون..
.
سهام رفعت جوالها / ييوه مافيه سيرفز هناا لااا
الجدة / اقول بس امشي ساعدينا وعن هالكلام اللي ماينفهم واتركي هالجوال عنش كلها ثلاثة ايام
سهام كشرت / ييييعع تخيلي تصير ريحتي طبخ ولحممم!!!
ام عايشة رمت عليها الملعقه / النعمه ماينقال عنها يع
سهام ضربت الارض برجلها وعقدت حواجبها / ماااقللتت
ام حاتم ضحكت / خليها يا ام عايشة بعدها ماتعودت
ام عايشة / الا حاتم وصل ولالا ؟
-
عايشة شايله رزمة حطب ومعها زينه ويمشون على طريق مطيّن .. راجعين للخيآم ويسولفون .. عباياتهم ع اكتافهم من المشي
زينه / ي ويل حالي ي عايشوه لو تشوفينه !! اخخ شااعرر وتااجر واه بسس
عايشة / تراك حومتي كبدي بذالسالفه من صبح الصبح ماغييرتيها
زينه شهقت / عاااايييشششششةةة ووخخخررييييي عن السياارررة
داس ع البريك بكآمل قوته .. وماسك الدركسون ومسكر عيونه يتمنى م صابهم شيء .. عايشة لفت وفتحت عيونها !! انتثر الحطب من حولها وطاحت بالأرض ومسكره عيونها تنتظر يدوسها
اول م سكنت السياره بمكانها .. نزل بسرعه وهو معقد حواجبه
مسك يدها وناظر زينه ورجع ناظرها / جاها شي ؟؟!
عايشة فتحت عين وعين مسكرتها ومصنمه / جاني شي ' تلمست راسها ووجهها .. رفسته بكل م عطاها الله من قوة'
عايشة بصراخ وتحاول تستر نفسها معنهه م طلع منها اي شيي!! / يااقلييلل الخاااتمههه مااتتشووف انت مااتشوووفففف
زينه غااارقه مسكت يدها / ههذاا هووو عاايششه!!
عايشة تركت يد زينه وناظرت وجهها / الححيينن ززيينن خووفت الببنتتت !! شف شصاار فيهااا
زينه هزت راسها بـ لا / ههذاا ههذا الشااعرر اللي اقولك
عايشة م انتبهت / اووهه زيينووهه وخريي خليني أادبه منزوع الحيا
حاتم عقد حواجبه وبحده / ماشفتش يابنت الحَلال
عايشة تنرفزت / ووهذا يقول ماشفتش كلل ذاا ومااشفتني .. ماتععررف تسووق انتت ؟ اععلمك السواقه اذا بتجلس تدعم بالنااس
اخذت اقرب حجر عنها ورمته عليه بس تفآداها بسرعه / فكيني عليه ، الحين من بيجمع لك ذالحطب كلههه
حاتم / انتن وينكم به ؟
زينه / حناا ساكنيينن بالبااديه قريبه من هناا
حاتم / انا رايح لهناك بشيل الحطب بسيارتي واحطه بمكان م تبون
عايشة عدلت عبايتها وجمعت الحطب بين يدينها واحتضنته / مابغينا منك مساعده .. زيينه الحقيني لا يجي الليل
زينه اخذت باقي الحطب بسرعه ولحقتها / عايشووه على هونش تعبت يابنت
عايشة وقفت لجل توصلها زينه وكملوا مشي .. .
عزام استقبله بعيد عن الكل .. ضضمهه بقوهه / وششلووننكك ياولددد ابطييت عننا
حاتم / ياني مشتااق لجلسااتنا باخر الليل ياخوي ودقت عوودك
عزام طق ظهره / وصلت ماتبي ابشر لك جلسة بالليل يحبها قلبك تعال تعال كلهم ينتظرونك
حاتم دخل عليهم ومعه عزام ..
جد عايشة / ياهلا اررححححبب ياحااتم نوررت الباديه بهالجيه ياهلا
مصعب سلّم وحبّ خشمه/ ياهلا ارحب ي الخوي
الجد {جد حاتم} / ارحب ارحب
ابو سهام / يااهلا بشااعرنا
حاتم / بقيتوا كلكم ياهلا بكم 'سلم على باقي الرجال وراح لـ عزام عند النار'
حاتم بهمس / وين امي يبوك
عزام مسك يده / تعال
حاتم / اوهه ررييحة لحمم وغدا يالبيه
عزام ضحك / كله لجلك
حاتم تنحنح / احم ء
ام حاتم / تعال تعال يا مّك تغطن ياحريم
عايشة وزينه لفوا لجهة النار وجالسين عند القدر يطبخ .. وطرحتهم على روسهم
ام حاتم / تحب الكعبه يانظر عيني .. الا وشلونك.. وراك ابطيت عننا
حاتم / تو ماصرت بخير .. عايشة عقدت حواجبها وبهمس / ذالصوت مهب غريبن علي
زينه لفت عينها وضرت رجولها بالارض / هو هو هو هوووو
عايشة / ابك شبلاش انتي قلبتي كلب
زينه همست / حااتممم
عايشة رفستها بفشله / وانتي ماتتوبين اثقلي شوي الله يصلحش .
طلع من خيمة الرجال الكبيرة .. رايح للخدم يشوف خلصوا من القهاوي ووو... سمع صراخ وصوت غريب
وقف مصنم بمكانه !
.
سهام / ماما انا برووح لخيمة جدي بناامم
ام عايشة / زينن بس انتبهي يابنيتي
سهام راحت لخيمتهم وهي تغني .. دخلت الخيمة وراحت لـ فراش عايشة / ننام ع الارض ! اااففههههف
اخذت جوالها بعد م فصخت عبايتها كانت لابسه بنطلون جنز وبلوزه بيضاء فيها كلام انجليزي بالاسود بخط عريض .. ولابسه اكسسوارات وخرابيط .. لبست جكيتها الكُحلي لأن البرد بدا يشتد ..
راحت ورا الخيمة وم كان فيه احد ولا احد بينتبه لها !
رفعت جوالها / شذاللعيشه ككيف عايشين ابي افهممم اخخخ
علت ضحكتها اول م لقطت الشبكه / كككفوووو يييياااااسسسسس ييمااهه فلهههه هههههههههههههه
سمعت صوت خطوات تقترب منها .. لفت ! صرخت برعب!!!
اول ما شافته ورفعت جكيتها على وجهها لجل تتغطى ومواصله صراخ
ركض لها ومسك فمها وبحده / اسكتي يابنت ! تبين تفضحيني عند العرب ..
ووش اللي مطلعش بذا وبدون شي تسترين عمرك فيه !!
سهام عيونها امتلت دموع / ههههذيي خخيييمتننااااا
مصعب ناظر بعيونها شوي وفقع ضحك / هههههههههههههههههههههههههههههههههههههههههههههههههههههههههههههههههه خيمتكم ؟
سهام / ايه خيمة عقااب(جد عايشة)
مصعب اعتدل بوقفته/ انتي تعرفين عقاب ! ..
انا كنت مار وسمعت صراخش حسبت ضَرش شي وماهي من عاداتنا نترك اللي يستنجد
سهام / بس انا ماكنت استجند مدري استنجد كنت ادور سيرفز
مصعب عقد حواجبه وم فهم وش تقول وعيونه بالارض /  يابنت الحلال ماابي اكثر الكلام فمان الله
سهام طالعته بغرابه .. دخلت داخل الخيمة / ببرررددد .
الجده / يالله ياحريم اطلعن بيجون الرجال يشيلون الغدا
طلعوا كلهم .. عايشة تركت اللي بيدينها وغسلت وطلعت وهم عند الباب ..
رفعت شيلتها على راسها وهي طالعه !
سمعت صوته من بينهم .. نزلت الشيله عن عيونها وناظرته وسرحت ..
انتبه لـ نظراتها ! تمنى انه م التفت لها ..
لأنها راحت بسرعه اول م انتبه لها والتفت ..
عايشة متنرفزه / اجل طلعت انت ياحاتم .. استغفرالله
صار يتبع خطواتها بعيونه .. لحد م اختفت من عيونه ..
ضحك بخفه وهز راسه بأسف جاهل من هي ..
دخل مع الرجال ويتنآسى ..
.
بالليل ~ الكل يجهَز للنُوم .. نروح لـ سرّ عايشة المدفون .. طلعت من الخيمة بتخفّي صعدت لأعلى الجبل ..
راحت للشجرة الكبييرة بدت تحفر شوي !رفعت الخيشه(قماش) ..
فتحتها واتسعت ابتسامتها وابتحّ صوتها .. كأنها تعيد ذاكرتها .. ذكرى تحبها .. يمكن ذكرى شخص ماشافته بس اشتاقت له .. يمكن ذكرى تعبي شوقها لها بأنها تتذكرها بس .. مسكت علبة الحبر .. والقلم القدييم .. والأوراق
صفطت القماش بحيث ترتكي عليه .. بدت تكتب بأكثر شي تحبه
ومحد يعرفه ولا احد اكتشفه ..
-
بنفس المكان لكن بجهه ثانيه !
فوق جبل .. احتضن عوده وبدى يدق على اللحن القديم بمهاره
سكر عيونه بإستكنان .. والهوا البارد يعيشه الجو اكثر
كلهم لابسين الفرووهه حاتم كانت لونها اسود محدده بالاسود المُخملي والعصبه على راسه ..
وعزام كانت لونها بيج ومتلثم من البرد وعوده بحضنه ..
عزام / عطنا ابيات بعد ذالغيبة الطويله لازم تسمعني المحصول
حاتم بدى بصوته المبحوح وعزام يعزف/ ..
دخيلك ليا من جابني طاري وحنيت ..
لاتبخل بصروح المواصل بينك وبيني ..
معاك القلم يحتار يوصفك بآيت بيت ..
حتى يسار الصدر آبن لك فيه ياعيني ..
وشب لك من الشوق نار والغلا كبريت ..
وارسى على قلبي مثل مامشيت بشرايني ..
وتراك دايمن على بالي وانا اكتب اول بيت ..
ياما تمنيتك انت وواجـد غيرك يبينـي ..
عزام ابتسم بهدوء /صح لسانك
حاتم /صح بدنك ،يالله عاد هات العُود اطربني
عزام احتضن العُود وبدا يدق ..
.
مابين الأسطر .. وحبر القلم .. اللي بدى يختلط بأنفاسها
مسحت جبينها بقسوة وابتسمت وبدت تكتب .. الشعر
اللي يجسد للقارئ بكل ماتحس فيه او ممكن طاقه سلبيه
تظهرها بالورق والحبر .. الشيء اللي تحبه وتفرح لااختلت فيه
تفرح بأنها تسعد مع نفسها وتقوى متى م شائت
ابتعدت عنهم كلهم وبوقت نومهم .. لجل ماحد يحس بغيابها
تكون صادقه دايم مع نفسها وتحب نفسها بعد ..
بس تجلس لوحدها بالمكان اللي تحب وبالشكل اللي تحبه ؟
ابتسمت .. لانها بذالجلسة تنسى كللل من حوولها
تنسى يومها وتنسى وجعها ..
مع ان وجعها ماتظههره ولا تعترف فيه .. ببالها مسألة وقت ويروح .. بس طوّل الوقت وهي تنتظر امها تلتفت لها !
طوّل الوقت وهي تشتاق لأبوها .. ولا شافته ولا تعرفه
اللي تعرفه عنه انه عند اللي احسن منها .. ربها
دائماً امها مع سهام وتحب سهام تربي سهام
صارت تحاول تتهرب منهم وتتضايق اذا جت امها
لأنها تزيد عليها الضيق وماتجلس معها كثير
شيء لا إرادي فيها .. ماضرتها ولا نفعتها .
-
عزام منسدح وجنبه حاتم ويناظرون السماء/ ايه وش سويت بديارهم ووش عندك من علوم
حاتم منشغل باله/ ابك اليوم وانا على وصول لكم .. قابلت لي بنتين بدويات من اهل الباديه هنا معهن حطب على الطريق وكنت مسرع وهم قدامي عاد الله ستر ولا جاهم شي لكن وحده منهم الله يالسانها يبي له قص
عزام استغرب ..انفجر ضحك /ههههههههههههههههههههههههههههههههههههههههههههههههههههههههههههه لاتكوون هذي عايشة بنت صقر ههههههههههههههههههههههههههههههههههههههههه مابه غيرها ام لسان في ذا وععيتت انا اجمع الحطب هي راحت تجمعه
حاتم عقد حواجبه /وش انتي ي عايشة بنت صقر ؟
عزام / هذي سلمك الله عايشة بنت صقر اسأل ابوك(جده) عنها يجيب سيرة ابوها والبنت عاجبته سنعه اليوم هي اللي جمعت الحطب لجل ذبيحتك وهي طبختها مع الحريم وابوك رايح راد وكلامن ززين وعلووم سنعه المهم ماعلينا ذي عايشه هنا مع جدتها وجدها وامها تجي مابين فتره وفتره وعندها اخت من امها عاد هي مااتبي غير العيشه بذا مدري وش بلاها الله بحب ذالمكان
حاتم مستغرب /وانت من وين جبت سيرتها الذاتية ماشاءلله
عزام /معروفه وجدها معروف كل البزران لو تسألهم عنها يعرفونها حتى طييبه وقلبها صافي وابيض بس انصحك لاتتمشكل معها ههههههههههههههههههههههههه تاككلك
حاتم ضحك بخفه / انشهد اليوم بغيت اروح من كيسي ي رجال عطتني رفسة ملعونة والدين
-
حاتم /وانت وش مسوي ي عزام عساك مرتاحح
عزام ابتسم لأن ذالسؤال من زمان م جاه /حالي يسرّك ويوم جيت انشهد انك اسعدتني زود بجيتك الله يدومها
حاتم ربت ع كتفه/يابعد حيي والله ..
-
بـ جهـه ثانيه ..
عايشة كتبت قصيده طويييله ..
صحيح م تظهرها لأحد بس تنحفرر كل كلمة داخلها ..
ويريحها ان محد يشوفها وتاخذ راحتها فيها ..
بدون م تحس .. سندت راسها بتععب ع الشجرة وأخذتهآ غفووه ..
والقلم بيدها والورقه على رجولها ..
ووجهها مفتوش .. بس ظلام ومحد ينتبه لها ..
وكانت لآبسسه فروة أبوها .. فيها ريحته ومستحيل تفررط فيها .
السآععه 4:21 .. حست بالبرد عقدت حواجبها وآتسوعبت المكان اللي فيه !
شهقت وحطت يدها ع فمها خافت احد يدري !!!/ ي ويلي يا عايشة
صارت تتلفت تنهدت ان محد فييه بس صلاة الفجرر قرربت والسمآء على وشك تنوّر
دفنت الاورااق وذكرياتها كلها وشدة الفروه وراحت للخيمة بتسلل ..
تنهدت ونزلت الطرحه وفكت شعرها حرّكتهه بحرآرية .. وضمت الفرروه وانسدحت بفراشها
-
دخل الخيمة وهو مستغرب من الشخص اللي دخل خيمة عقاب ..(جد عايشة)
وكأنه لآمح زوله من قبل ..
كبح ضحكته/لا تكون عاايشة بعد ؟
عزام النوم مغطي عيووونه..ضيق عيونه/قلت شي؟
حاتم /لالا تصبح على خير
عزام بنوم /اي صباح الناس بيصلون الفجر
حاتم راح يتوضى ويصلي الليل'الوتر' ع بال م يأذن الفجرر ..
-
الصباح ~
حاتم راح لـ عيال الصغار اللي يلعبون ولآبس نظاراته الشمسية .. / ي ولد
جا له واحد صغير وواحد سمين له غمازات وواحد قزم صغنطوووط .. والباقين يلعبون
حاتم ضحك وقرص خدود السمين ../ههههههههههههههه شلونكم
العيال/طيبين الحمدلله
العيال كلهم جو عنده ويناظرونه بإبتسامة .. حاتم فتح جيبه وطلع لهم فلوس الا القزم راحوا كلهم يتسابقون للبيّاع ..
ناظره ولف راح بيمشي مع العيال .. حاتم سحبه /تعال تعال
ابتسم ومد يده ع اساس يعطيه شي
حاتم حط في يده ورقه مطويه ..
الولد اختفت ابتسامته ويناظر الورقه ويناظر حاتم !!!
حاتم طلع خمسين .. هذي الورقه عطها(...) وتعال لي بعدها اعطيك هذي ولاتقووله من عطاك الورقه !! حاتم رمشت عينه بعدها م شاف اثر للولد .. ضحك بقوه ورجع لجده
حاتم /صبحك الله بالخيرر ياشيخ
الجد بإبتسامة /صبحك الله بالنور اقعد تقهو حياك..عزام تعال تعال
عزام جا وجلس معهم .. .
-
وقف قدام الخيمة وبيده الورقه /عااايشة عاايشةة
عايشة طلعت وهي تظبط شيلتها /ااييه ججيت وش تبي ؟
مد لها الورقه وهو ساكت..
عايشة مستنكره اخذتها منه/ وش ذا ؟
هز أكتافه بـ مدري
عايشة عقدت حواجبها بحيله /من اللي عطااك الورقه؟منهو؟
راح يركض ل حاتم ياخذ فلوسهه ..
عايشة بصوت عالي /ييااوولددد
ام عايشة طلعت /وش بلاش تصارخين ي بنت
عايشة خبت الورقه /هااء لا صبحش الله بالخير يمه
ام عايشة ناظرتها ومشت متجاهله وتكلم امها/صبش الله بالنور يمه
عايشة تنهدت و دخلت بسرعة وفتحت الورقه..
-عايشة دارسة بمدرسه صغيره بالباديه ماتعتبر مدرسه لكن كانوا يتعلمون فيها-
كان مكتوب فيها { الساعة ٤:٢١ ، وش اللي مطلعش بهالوقت لحالش سر؟ } ..
شرقت ورجعت تقراها من جديد معقووول شافنني ؟ منن ذاا ؟؟ تنهدت بخوووف تفكرر مين ممكن يكون؟؟!..
عزامم؟..اي اتوقع هو يعني من ؟
بس شلون بتأكد اذا صار هو او لا؟ ايه لزوم اسأله
يااربب استرر علي سننينن محد يععرف بهالسرر مهب الحين ي الله!الوقت مبكرر .
الساعة 3:71 العصر.. كانت رايحه البير تجيب مويا وبآلها سااارح بعييد ..
تفكر مين ممكن يكون اللي جاب الورقه وشافها .. كانت تنتظر الليل بفارغ صبرها
لجل تروح تشووف المدفون تحرك من مكانه ؟ بينكشف لهم ؟ .
مع إمتزآج سرحانهآ وخوفها كانت ترفع الدلو .. عزام نزل عيونه وكان لابس ثوبه الإماراتي من حاتم ولاف العمآمه / السلام عليكم صبحش الله بالخير
فتحت عيونها لفت عليه / ءءعزاام
عزام /اسلمي
عايشة حكت رقبتها وماتدري وش تقول / من قال سالم..ءءانت يعني امس متى نمت ؟
عزام استغرب من سؤالها /تقريباً الساعه٣:٣٠ هه هه كنت ب سمره مع حاتم واخذتنا السوالف،بغيتي شي!
عايشة /طيب حاتم متى نام ؟
عزام / عايشة ؟ وش ذالاسئلة يابنت عندش شي ؟ بغيتي شي ؟ هو نام بعد الصلاة
عايشة خافت زود /لالا مافيه الا الخير
عزام ابتسم ويسحب الحبل /متأكدة ؟
عايشة رفعت الآبريق وحملته بربكه /لا تخاف بسس فضول لاني سهرانه امس واسمع ازعاج
عزام /اوه ازعجناكم؟ كنت ادق بالعود عااد سمعني حاتم ابياتت!! عايشة فتحت عيونها /الله ووش هي
عزام عقد حواجبه /والله مااذكرها بس اذا تبين اخليه يكتبها وارسلها لش
عايشة /لالا تتعب نفسك ماهو مهم يالله فمان الله
عزام /بحفظ الله
.
حطت الآبريق على التراب وهي سرحااانه وشيلتها على راسها"شلووون شلووون اجل طلعت انت ي حاتمووهه!!بعدين شدخله مالله شغل ززيين؟؟" كانت تكلم نفسها وتهز راسها ويدها تحت دقنها ومنسجمه بالتفكير ..
ام عايشة /عاايشة .. عااايشةة وصمخخ
عايشة فزت /سمي
ام عايشة / انتِ وينك ساعه انا ساعه اناديك
عايشة قرصت خد امها وبإبتسامة/ ماسمعتش عاااد امريني ياقلبي بغيتي شي ؟
ام عايشة وخرت يد عايشة عنها بإشمئزاز /روحي قومي اختش سهام وبشويش عليها عاد
عايشة اختفت ابتسامتها وقامت وتنفض التراب عن جلآبيتها ..راحت بدون ولا كلمة ../سهاام سسهااامم قوومي ياجعلش المنييب قايل سسسهاااااامىوووووووه
سهام جثه هامده وغاارقه بالنوم
عايشة سحبت يدها من تحت دقنها وبتوعّد /انا اوريش ي مقصومة العمر
راحت جابت الآبريق الكبييررر وصبت شوي على وجهها .. بدون قصد منها انفتح الغطآء
وانكب كلل الموويا على سهام ..
فزت من نومها مرعوووبه وتشاهق /ماااماااااااا ماااماااا ششووففيي عاايشة
ام عايشة دخلت من صراخ سهام اللي وصلهآ لـ برا
ام عايشة /بسس قصري حسش ووش بلاش تصارخءء وش ذالمويا هذي ؟؟'وجهت انظارها لـ عايشة اللي ماتت ضحك' عَوشوووه
عايشة عيونها دمعت والآبريق طايح جنبها ووتضحك على شكل سهام
على شعرها اللي اخترب .. وعلى ملابسها المبلله .. ووجهها المفقع من النووم
وماتقدر تتكلم وتمسح دموعها بالشيله/اخخخخ ههههههههههههههههههههههههههههههههههههههههههههههههههههههههههه الله يخرب بيتش ي سهامووه شذاالكشه
ام عايشة مسكتها /زين الحين سويتي ؟؟ انا ماقلت لش بشويش على البنيه
عايشة تبعد يد امها عنها وبهدوء/ انا لو اقومها بشويش م تقوم الا الفجر سلمش الله ولا ما تعرفين بنتش؟
ام عايشة /اص ولا كلمة لش وجه تححشين لا كف ياقليلة الأدب
عايشة قامت وباست خدود امها ومشت تغني وشالت الابريق وراحت تجيب مويا من البير ورجعت
زهّبت القهوة والشآهي والفطُور مع جدتها ..
حطت الفطُور عند جدها وباست راسه ويده اكثر من مره /صبحك الله بالخير يببهه
الجد /الخير بوجهش ي بنت صقر الله يسلم هاليدين ويحرمها عن النار
عايشة باست خده /يييبببببه بطلب طللب واحد هالكبيرر -وتأشر بيدها-
الجد / وشهو امري يابنت
عايشة /اءءءء ابي اروح للحلآل
الجد /انا لو اقول لا بتروحين اعرفش بس لاتطولين هناك يابوي
عايشة ضحكت وحبت راسه/ابشر ابشر ابششرر ..
عايشة خلصت مغسله المواعين والفتت وهي تمسح يدينها ..
طلعت من الخيمة !! عايشة بإستغراب وضيق/ يمه بتروحييين ؟
ام عايشة ووراها سهام ووراها ابو سهام /ايه ابروح
عايشة بإبتسامة مجامله /زين ماودعتيني
ام عايشة / يالله ي سهام خلصيني -طلت على عايشة من الشبآك حق السيارة -
راجعه بعد اسبوع مايحتاج اودع..مع السلامه!
سهام فتحت الشبآك وتأشر لـ عايشة بإبتسامة /ععوووشه بااااي باااي باااي
عايشة ابتسمت /فمان الله
لفت وبصوت مُستهزئ /اانننن مايحتاج اودعع يالله سهام خلصيني ..
استغفرالله ميته بدونش عاد انا ي الله انك تصبريني وتجيرني
زينة واقفه وراها/ امك رااحتت؟مو المفروض تروح بكرا؟
عايشة /ي شيخه عاد انتِ اكثر وحدتن تعرفينها كل يوم راي
زينة بإبتسامة /ماعلينا ماعلينا المهم انتِ وش لونتش ي بنت احس اني مبطيتن عنش
عايشة مسكت يدها /تعالي تعالي بقولش شي
زينة /شكلها سالفتن قوية وش عندش ؟
عايشة /تخيلي امش اقولش مانمت ليين بعد صلاة الفجر وو بعدين الصبااح جاني ولد صغير هذا نسيت اسمه المهم عطاني ورقة مكتووب فيها .. شوفي شوفي
زينه تقرأ وشهقت/الله مميين هذا شكله يححبكك ويرااقبك من سنة جدي وانتِ ي غافلين لكم الله ..اااااااحححح اايييي ي كوود ضربش
عايشة عقدت حواجبها واشرت لها تسكت/خليني اكمل كلامي ي بنت .. واليومم شفت عزام عند البير سألته متى هو نامم؟ قالي الساعه ثلاث لانه سهران مع حاتم وحاتم نايم بعد الصلاة وهم القريبين من عندنا ي بنت تهقين هو؟
زينة /الله كنتت حااااسه ي عوشوه الحمدلله الله رزقكك بوولد الحلاااال -وبدلع-ججممميلل وشاااعررر وغننيييي واخلااااق وححسب وننسسبب اااه ي قلبييي اههه
عايشة شمرت عن اكمآمها/ لا انا اللي بقوم اتوطى ف بطنش الحين منزوعتن من الحياا! ممرهه فصختييهه!
زينة ترمش وبدلع / كنت امزااحح
سكتوآ شوي .. زينة /الا تعالي بقولش انتِ وش مجلسش لبعد صلاة الفجر ؟متى تنامين انتِ ؟ طول الوقت قايمه؟
عايشة /اذكري ربش تحسبيني مثلش بس على هالمخده ولا ادري عن هالعالم
زينة /اخ ي ويل قلبي انا
عايشة لفت عليها /شفيش ؟
زينة تآشر عليه /شووفي ياخي من وين يطلعونن لنا ذالمزايين! بالاخير يطلعوننن من الديييره اووفففف!
عايشة مسكره عيونها شوي من نور الشمس الخافت وتحاول تشوف بوضوح /لالا هوو يعني انتِ شوفي كويس انتِ متأكدة انه هذا ؟ يعني لحظه لحظه نظفي عيونك يمكن فيها شي غسلتي انتِ يوم قمتي صح لالا شكلك .. وين وين انننتتتيييييي ججججنننيييتتتيي؟
زينه فزت /خرشة تخرش بش ياوصخه .. شففيييه والله حلو
عايشة فيها الضحكة /انا ماقلت شي الرجال والنعم فييه لكنن هذا عزاااااام
زينة عيونها قلوب /ليش يعني عزام م يحب ؟ له قلب حبيبتي
عايشة مستبعده الفكره /لالا مااتوقع عزام دايم يعتبر البنات خواته واولهم انا لا كلمتة عيونه بالارض ماتوقع لالا
زينة تنهدت /اذا انتي يكلمك وعيونه بالارض احل البنات الباقيات م عليهن خوف
عايشة تفسر كلامها /وش قصدش مافهمت
زينة/ والله انا طحت ومحد سما علي يخبص ي بنت والله سرق قلبي من اول نظره
عايشة شهقت /ككذااابه دايم تشوفيينه يعني الحين فز قلبش له اخخخ ي عياره يوممينن وتسحبين عليه
زينة رفعت سبابتها /لو سمحتي ياعايشة قاعده تلعبين ب مشاعري انا جاده وكلامي من قلبي
عايشة تكبح ضحكتها بيدها /اسكتي اسكتي لايسمعونش والله يعلقونش بـ ذا
زينة ترفس التراب برجولها /ااافف يعني الوااحد ماايحبب
#ملاحظه ؛ زينة ماتغطي وجهها تلبس شيلتها وعليهآ عمآمتها السودآ البدوية .. عايشة نفسها بس تتبرقع
عايشة بعقلانيه تهز راسها /انتِ تتكلمين لالا طيب تفكرين مع وينن؟ من جدش قال حب قال اثقلي شوي واركدي
زينة تنهدت وابتسمت .. عايشة وقفت /تعالي تعالي نروح للحَلال مبطيتن عنهن
زينة راحت معها /الابل الصغيرة لييي
عايشة وقفت بصدمه /الله منهو له ذا الخيل ماقدني شفته
زينة مسكت الآبل الصغيرة /عااايشة شوووفي كبررت
عايشة تتأمل بالخيل وشعرة الطويييل ولونه يجذب
قربت منه بدون تردد وتتلمس شعره الآسود يحركه الهوآ بحرآرية
اتسعت ابتسامتها وهي تحس بأنه حبها وتقرب لها ويداعبهآ
كان لونه أسود مخملي وشعره اسود طوييل وشكله يجذب
كانت تداعب شعره وتضحك /زيينة
ابتسم وهو يراقبهآ بهدوء /زينة راحت
لفت عليه بفزع من صوته الغريب /وين راحت
آشر بيده على زينة وهي راكبه الآبل
عايشة عقد حواجبها وبهمس وهي ماسكة الحبل حق الخيل/هذي ويش تسوي
حاتم اخذ منها الحبل بهدوء
عايشة فتحت عيونها /هههي هيه ووينن معود ؟؟ حاتم ركب على ظهره بثبوت وظهره منتصب ابتسم /تآمرين شي يا عايشة بنت صقر ؟
عايشة توها تستوعب /انت حاتم!
حاتم لف عليها توقعها عرفته من اول م شافته/ ايه بغيتي شي
عايشة عقدت حواجبها بعصبيه/ من اللي مرسل الولد الصبح؟
حاتم عقد حواجبه ولف عليها/ مادري وش تتكلمين عنه
عايشة بحيله /بس الولد قال لي من اللي ارسله
حاتم حط عينه بعينها وبنظره اربكتها/عايشة
عايشة تناظره وساكته
حاتم قرب لها بالخيل مما ادى لعصبيتها
م تحب رجال يتجاوز حدوده معها وبنظراته الحاده/لا اشوفش طالعه بالليل ي بنت صقر
ضرب الخيل الحبل وانطلق به
عايشة اخذت اقرب حجر عنها ورمته عليه وضربتها مُصوّبه جت بظهره /الا يا شين هالوجه م بقى الا هو يعطيني اوامره
حاتم فرك ظهره وبآلم /انشهد انها ضربه احححح
عايشة لفت وتمشي لـ زينة وببالها أفكاارر
هزت راسها وبهمس ويدينها ع خصرها /استغفرالله انا لو طلع قدام عيني مرتن ثانيه يمكن يموت على يدي
زينة نزلت من الابل/عااايشة
عايشة لفت عليها /نعم
زينة /تعالي نرجع السماء اظلمت
عايشة مشت بدون ما تتكلم
زينة لحقتها /بنت وش فيش
عايشة لفت عليها /زينة انا مابي ارجع البادية الحين
زينة فتحت عيونها/وش ناويه يابنت صقر تكفين .
بالشـرقيـة - بيت أبو سهام '
سهام جلست على الكنب وشغلت التلفزيون /سلام
ام عايشة /عليكم السلام ، ها سويتي اللي قلت لك
سهام مسكت جهاز التحكم /ها اءي اي سويت
ام عايشة تركت اللي بيدها /اقوم اشوف
سهام لفت عليها/ييمااااا ششوفي فلللمممم
ام عايشة قربت ومسكت اذنها /ماسويتي صح؟
سهام  بألم/اءءي آيي ييماااههه
ام عايشة نفضتها/ انا بعرف متى تتسنعين وتسوين اللي اقوله لك
سهام ضربت رجولها بالارض /يعني لو جالسين عند عايشة كان قلتي لها هي تسوي لك لازم كل شي انا هي تعرف تسوي انا ماادري كيف
ام عايشة رمت عليها وقامت منغثه منها ومن تصرفاتها
ماتفضى الا لـ صديقاتها وطلعآتها وروحاتها للسوق والهدايا صحيح تجلس معها وتكلمها بس الام لا كبرت تحتاج يدور الزمن زي م كانت هي بيوم تهتم فيك ترجع انت تهتم فيها وتساعدها وتطلب رضاها لأن اذا راحت من يدك بشكل مؤبد ماينفع لا صديقات ولا فلوس ولا أي شيء ممكن يعوّض ..
الوقت مو بيدك لكن تصرفاتك ورضا امك عليك بيدك !.
.
زينة /انتِ وش صاير لش اهرجي
عايشة تنهدت / خاطري اركض ي بنت ابوش تجين معي
زينة ظربتها مع ظهرها /وانا قلت البنت جاها شي وش عندش ذالخاطر الشين
عايشة فركت ظهرها بألم /ياليل تجين معي ولالا ؟؟
بعد نص ساعـة *
زينة انحنت وهي تحس بجسمها متكسرر وتلهث
وبتعب ../بس بس يابنت ماتعبتي
عايشة تحس بصخر بصدرها وطاح مع الركض ..
حطت يدها ع صدرها /ااه والله لو فيني ركضت اميال على الرمل
زينة تأشر بيدها وحلقها نشف/لالا انتِ في فء شي بهالخاطر مدري شصاير فيه ملخبطتن علوومه خلينا نرجع شوفي السماء
عايشة تناظر السماء اللي بدت تكتسي باللون الاحمر والآسود كذا هي سماء البادية .. تريح العين
وتفكر بـ كلمة زينة ' في فء شي بهالخاطر' .. وبهمس /اي والله يمكن
زينة مشت ووتوزع عيونها بين الصحاري /يابنت حنا وين عوّدنا
عايشة تتبع خطواتهم /تعالي
زينة مشت وراها لين وصلوا البادية .
بـ خيمة الجد ابو راجح-راجح اللي هو ابو حاتم - ابو راجح (جد حاتم) وحاتم كذا يسمونه ..
اللي متوسطه البادية ومفتوحه كآنها تتكلم وترحّب بالضيف وتكرمه وتضيّفه
وهذا من عاداتنا و تربت المعزه فينا .. ولا قصور بغيررنا
كانت تمتلىء كل يوم بالضيوف العآبرين .. والجد ابوراجح من كرمه وحبه للضيف
كان يستحي ياكل لحآله .. ويجلس ك شيخ البآدية او غيره مايجلس لحاله
لزوم الكل يجتمع عنده والصبيان اللي عنده يقومون بالواجب ويذبّحون الذبايح ويطبخونها
بيوم كانوآ الرجال غير عن اي يوم .. كانوا بعرس وليلتهم مطوله .. هذا اللي اقلق عايشة لأنهم يسوونه بقمة مرتفعه وتصير ليلتهم بالجبل
بس اللي شوش راسها وخلاها تخاف .. ركنوا جلساتهم عند الشجرة
الشجرة اللي دايم عايشة بكل ليلة .. تروح لها وتعتبرها نصفها الثاني
الحين الرجال هناك قريبين لسرها، لنه مكان شرح وواسع ويكفي اهل البادية كلهم
حطت يدها ع راسها /مو معقول ياعايشة يعني مالقوا غير ذالمكان
حست بحرارة دمها وعيونها اللي ما ترمش من الصدمه من طلعت وشافتهم قريب للجبل
عايشة شافت حاتم بيصعد لهم بالآبل والخيول، وبصوت عالي../حاتم
كان معه ثلاث صبيّان آشر لهم يكملون ولف لـ عايشة
للصوت المألوف له .. بس صوتها هالمرّه به نبرة مرتبكه ورجفه غريبة
آسرع خطواته لها ونزل عيونه عن عيونها اللي تجذبه بكل مافيه
تصرفاتها وكلامها واخلاقها وشكلها ووصفهآ كوم وعيونها كوم ثاني
عايشة شدت شيلتها لانها نست تاخذ برقعهآا .. بس عمامتها السودا على راسها
وشيلتها على آكتافها  تمثل بعدم اهتمام وتناظرهم /وش يسوون بذاك ؟
حاتم رفع عيونه لها /عرس ولد ابوشهاب ليه ماعندش علم به !
عايشة تمثل الاندهاش /ااءء هنا بتسوونه يعني مافيه مكان ثاني احس هناك بعيد ووء
حاتم عقد حواجبه /لا المكان زين وواسع وكلهم متفقين عليه
عايشة قربت منه وبنبرة هادية ومرجوفه وعيونها بعيونه وكأنها بدت تخاف /حاتم
حاتم اول مره يشوف عيونها عن كثب واول مره تكلمة بهالنبرة اللي اربكته
حاول يتحكم نفسه ونزل عيونه /وش عندش يابنت صقر .. الرياجيل ينتظرون
عايشة شدت قبضتها ع جلابيتها تكره هالنبره كأن فيها ضعف
بس مجبوره تمثل فيها وتاخذ اللي تبيه /اسمعني يابوراجح .. ابيك بخدمة
حاتم ناظر الرياجيل من فوق الجبل ورجع عيونه لها /وش بغيتي
عايشة ناظرت الشجرة وبلعت ريقها/ههءنااك
.
الجد ابوراجح/ هههههههههههههههههه ماتقصر يابوعقاب لا خلا ولا عدم ..الا وين حاتم
الرياجيل جو ومعهم الابل والخيل ووينه هو ؟
مصعب يلتفت بعشوائية طاحت عينه على حاتم ..
ركز شوي بزاوية نظره .. حاتم؟ من معه ؟ ' حاتم كان واقف قدام عايشة ومغطي عليها '
مصعب عقد حواجبه وبصوت عالي /يبه
الجد ابو راجح/ اسلم
مصعب / انا .. انا رايح شوي اتفقد حاتم تامر شي
الجد ابوراجح /لا بس استعجل حاتم ياولدي وتعال
مصعب هز راسه ونزل بسرعه ويدور مكانهم لمح حاتم وعرفه من لبسه ..
لبس البدو ..
كان لبسه يختلف عنهم لأنه غالي 'الكمر' عبارة عن جلد له مخابي عديده
وملفوف حول صدره ومتصل بظهره ومزين بقطع من الحديد ..وعليه رشاش
لابسه فوق الثوب .. وعقاله العريض بزوايا .. على راسه
-
حاتم /ااييه الشجرة وش بها؟
عايشة /تحت الشجرة ءء هناك مكن الكرسي الفاضي
حاتم ناظر الكرسي
عايشة / تحفر تحتها فيه خيشه .. ابيك تجيبها لي ووء طلبتك لحدن يشوفك ولا يطيح من الخيشة شي
حاتم عقد حواجبه /وش بها الخيشه؟
عايشة ارتبكت/ولاشي بس اغراض جدتي وصتني اجيبهم وانا مااقدر اروح الرياجيل معبين المكان
حاتم هز راسه /زين انتي انتظري هنا ثواني ويجيش ماطلبتي
عايشة حطت يدها على صدرها وسحبت نفس بإرتياح /يارب
كل ذا تحت عيون مصعب وآذونه تسمع الحديث اللي دار بينهم !!
.
حاتم رفع شماغه الابيض وتلثم به .. راح وبدون محد ينتبه له وحفر ..
ماكانت المسافه بعيده استخرجه على طول ونفض التراب عن ثوبه رفع الخيشة
شده الفضووول يعرف وش فيها بس الوقت مايسمح له ..
نزل من جهة الصخر ومد يده لـ عايشة ويلهث ويدينه تراب/خذي
اخذته عايشه بسرعه لحضنها /احد شافك؟
حاتم شك بأمرها وبحده خفيفه /عايشة في شي؟
عايشة بتتكلم بس قاطعها صوت مصعب اللي يمثل انه توه نازل من الجبل .. ويصوّت لـ حاتم ..
حاتم حط عينه بعينها ومشى .. عايشة ضمت ذكرياتها لحضنها ونزلت على الارض بركبها وجلست
الاوراق كلها موجوده وكل شي موجود .. لكن !!! رفعت راسها بأمل تشوف حاتم! بس مان بأعلى الجبل وآصوات الرياجيل تعلى ويلعبون الدحة
الرياجيل كلهم فوق ماحد بينتبه لها والحريم يحتفلون بمكان بعيد عن الرجال .. عايشة دخلت الاوراق داخل الخيشة اللي خي عباره عن كيس مصنوع من خيوط باللون البني الفاتح
بس شي ناقصها .. .
-
الصبيان يطبخون الذبايح بينما الرياجيل يلعبون الدحه .. والنآر تشتعل بنص جلستهم والشيوخ جالسين بحديث فيما بينهم وضحك والكل لاهي
الا مُصصعب!!! كان معه شي طاح من حاتم وهو ينزل من الجبل ..
داخل الخييشة اللي عطاها عايشة!
كان قـلم أبو عايشة ! .. كانوا اهل البادية كلهم يعرفوونه اللي لحق على صقر
منحوت عليه أسمه (صـقـر) .. بس مصعب وحاتم وعزام كانوا صغاار بـ حول السنتين
وعايشة وعت على الدنيا ومالقت من ابوها غير قلمه وعباته-فروته-
واشعآرها واسرار كثير بهالخيشه
كان القلم بجيبه ومغطيه بقماش ابيض لجل محد يلاحظ وجوده
وساارح .. الجد ابوراجح/مصعب مصعب
حاتم قرص مصعب على فخذه
مصعب فز وفرك فخذه /ااححححح
الجد/مصعب ياولدي رح شف العشا جاهز لجل نقلّط الرياجيل
مصعب قام /ابشر يبه
راح للصبيان وشافهم يجهزون العشا وجابوه للخيمة الوااااسعه تحت.. مصعب رجع / العشا جاهز يبه
الجد ابوراجح /تفضلوا على العشا وسامحونا على القصور وقل الكلافه والله يحييكم ويبقيكم
شهاب-المعرس-/مايجي منك قصور يابوراجح ويشهد الله انك بيضت الوجه قدام الجماعه الله يبيض وجهك ويرزقك ويبقيك
راحوا كل الرياجيل لـ خيمة الجد ابو راجح الكبيره
-
عايشة جالسه بينهن وسارحه بعد مادفنت الخيشه ورا خيمتهم تحت الشجر الصغير ..
وتنتظر يعوّد الليل لجل تروح لـ الجبل وتدور قلم ابوها أغلى ماتملك !
بعد نص ساعه
-
بدوا الحريم يسمعون طلق النار بنص الليل من اهل العريس .. وهذا إشارة على ان المعرس مُقبل على العروس .. راحوا الحريم وجهزوا العروس بغرفتها- اقرباء العروس بس-
ووقفوا الحريم قدام الحجبة (اللي هي خيمة العروس) ومعهم البخور والطيب يستقبلون العريس
بعدها دخلوا اهل العروس والعريس للحجبة .. ويدعون لهم بالتوفيق قبل مايروحون وتنتهي بعدها مرآسم الزواج .
-
هذا اللي ريح عايشة بعد م نام الكل واختفى الصوت بالبادية ..
معاد فيه غير ريح خفيفه بارده وريحة البخور والطيب
والنار تمتزج مع بعضها .. كان محد قايم غيرها .. تقريباً
كان حاتم قدام خيمة جده ابو راجح وجالس وشآعل النار ولابس العبآيه(الفروه)السودآ ومتلثم بشماغه الابيض ..
صعدت للجبل بكل قواها .. وراحت تحفر بس مالقت اثر له ..
سندت راسها على الشجره ورجولها تضرب بالأرض
عايشة وهي ناسيه نفسها /وينه وينه وينه .. ووءيينه
مع ارتباكها وخوفها بأنه يضيع اغلى ماتملك .. الا ان عيونها ماذرفت ولا دمعه
فقدت الأمل حست بشحوب وجهها ..ماأكلت شي ابد
من خوفها بأنه يروح من بين يدينها مافكرت بنفسها وبصحتها
حست بدوخه بعد م نزلت من الجبل..
جلست شوي وسندت ظهرها على الحجر
ويدها على راسها وساارحه اخذت حجر وجلست ترميه بعشوائية
وكأنها تفرغ طاقتها السلبية ..بدون شعور جلست تغني أغنية جدتها
اللي دايم تغنيها لها من صغرها ..
.
كان سارح وهو يطالع النار ولهبها وكأنه يطري على باله بيت شعر كتبه
ضحك بخفه والبرد يشتد شد عبايته ولثمته .. وثبت عقاله العريض 'عقال البدو '
بس جاه صوت ؟ .. لحن بعييد لف خلفه بإستغراب
رجع يناظر النار بحكم انه يتوهم .. ومعه الحطبه طويله بس سخيفه صارت حمرا وهي بالنار
قام والفضول يشده .. استغرب بأن الصوت جاي من جهة الجبل ..
ركب خيله وراح للجبل جلس يبحث عن الصوت
كان آسود بأسود الليل اسود وخيله آسود .. لثمته البيضآء وثوبه والكمر الاسود
الكمر جلد ملتف حول صدره ومتصل بظهره وفيه رشاش من الخلف .. كان معطيه هيبه
نزل من الخيل وضل ماسك حبله ويمشي به حول الجبل وريحة العود والطيب تفوح منه
ميل فمه معقول كان يتوهم .. لف بنية يرجع لمكانه
.
عايشة من لمحت ظله قامت بسرعه وجلابيتها تراب و..
دقنها فيه تراب وقفت وراه تماماً /حء حاتم
لف مفزوع /بسم الله الرحمن الرحيم..وش بلا قلبش انتي يابنت
عايشة مامسكت نفسها وضحكت وبآنت انيابهآ المحدده وغمآزاتها اللي تحت شفايفها /ههههههههههههههههههههههههههههههههههههههههههههههههههههههههه..خوااف
حاتم عقد حواجبه وشد على قبضته بحبل الخيل ويناظرها
ماينكر ان ضحكتها جذبته ومانزل عيونه
بغير اراده منه ضاع بغمازاتهآ وعيونها اللي فيها لمعة ماقدر يفسرها
وانيآبها .. اول مره يشوفها بدون برقع .. لكن الليل ظلّاام بسواده
وكأنه يحرمه من ملامح وجهها ويعطيه من صوتها ..
ورنين ضحكتها باذنه .. حس بآرتعاش بكل جسمه وتوقف خلآيا جسمه عن الحركه
رفع يده على دقنها ويمسح التراب وهو يضحك بخفه /يضحك؟
عايشة ثبتت ومسكت يده ولفّتها وبحده /ولد  عن هالحركات..اسمع انت يوم جبت لي الخيشة
كان فيها غَرض ناقص .. يعني انت مآ أخذته ؟ او طاح منك يعني ماشفته
حاتم عقد حواجبه من هالخيشة اللي شغلت باله /انا ابي اعرف وش بها
عايشة عقدت حواجبها واحتد صوتها /انا ماقلت لك اغراض لجدتي
حاتم بهدوء /وانتي ببالش ان حكيش ذا مشيتيه علي يابنت صقر؟
عايشة /مب شغلي الحين قول الغرض ماشفته ؟
حاتم /ويش هو ؟
عايشة بتردد/اءء قءقلم ببءس مو اي قلم يعني ضرووري القاه ششكله قدييم وءء بس يعني لونه اسود
حاتم بتفكير /ماشفته بس اذا شفته اجيبه لش
عايشة لفت واخذت نفس وهي تحاول م تفقد الأمل وبهمس/ياارب .
-
كان منسدح وعينه جفاها النوم ويده فوق راسه وغاارق بالتفكير ..
و القلم بيده يقلّبه ويحاول يفكر وش ممكن تكون الاغراض الباقيه
اللي بالخيششه..اخذ نفس وانقلب لجهة اليمين ..ومنسدح بخيمة جده
ضغط القلم وكتب على يده .. ابتسم وسكر القلم
تثآآاوب وشد قبضته على القلم وغفت عينه ..
حاتم دخل للخيمة وراح عند امه يتفقدها صلى الليل وراح ينام او بالأحرى
يحلم ويفسر ضعفه عند عيونها..
.
اما عايشة كانت منسدحه قدام خيمة عقاب جدها وتطالع النجوم
وتتمنى وتدعي بأنها تلقى قلم اللي هو نصف روحها وتعييش
وتتنفس وهي تكتب فيه .. مو وبس تكتب فيه
حتى وهي محتفظه فيه .. بس لـ وفائها لإنسان ماشافته
‏.
صحت على ازعاج العيال الصغار اللي يلعبون ..
لأنها مانامت داخل نايمة قدام الخيمة
عايشة مانامت زين ومعصبه /ورع
جا لها /نعم
عايشة /ابك انتوا ماتحسون انا..ء
جدتها /بس ياعايشة ورعان وش عليش منهم تعالي بس ساعدني
عايشة ناظرته.. وناظرت جدتها..فركت شعره /زين زين عوّد العب
الولد راح ...
راحت عايشه تتروش ..
بعدين راحت لجدتها ومعها مشطها-فرشة الشعر-
وفكت ظفيرتها وحركت شعرها بحراريه لجل تنشف المويا
وبدت جدتها تمشط شعرها اللي بدا يزداد طوله
جدتها ابتسمت /الله الله ياعايشة زاد طوله عن اول
عايشة ابتسمت وقامت بعد ماخلصت جدتها ..
وراحت اخذت الكحل الآسود .. حطت بعيونها شوي
مما زاد بجمآل عيونها وشكلها الجذآب .. دخلت عليها زينة /حسبي عليش ياعايشة رجولي رجولي رجولي ماقدرتت امررح -انام-منشش
عايشة لبست الثوب البدوي والجديل (نوع من انواع الأحزمة) حزان صغير مصنوع من الجلد مرصع بالرصاص وتلفه حول وسطها ولبست عمامتها السودا وطويله توصل لمنطقة الوسط .. ومن فوق عليها قماش جبر وزي العقال (تشبيه) لونها احمر ومرصعه بالودع والرصاص ..
عايشة جت لها /الناس يسلمون يابنية
زينة /اقول اسمعي عادني راجعه من البير عاد تعالي شوفي من شفت هنااك
عايشة عارفه ان عزام دايم ينقل المويا بذالوقت /عزام
زينة طيرت عيونها /وش عرففش انتي  من وين انتي جايه
عايشة بالها مشغول /اقول شرايش بس نروح نسوي القهوة لأني مشتهية فنجال يقعد الراس .
-
حاتم قام من نومه وراح يغسل وجا يقوم مصعب .. حاتم يهزه/مصعب مصععبب
تفاجئ بـ يد مصعب اللي ارتخت وطاح منها قلم !! عقد حواجبه ويتذكر كلام عايشة البارح !
قديم ، لونه اسود ! هذا كله ما أكّد له بأن هذا قلم عايشة
بس من لف بالقلم وبآن أسم ابوها المنحوت باقلم
عرف انه قلم عاااايشة فعلاً
بس ويش اللي جابه عندك يامصعب ؟!
قام وحد القلم بجيبه وراح لـ جده ..
الجد/ها يبه وين مصعب
حاتم صحى من تفكيره / هالحين جاي .
-
الساعه 4:50 .. والشمس بدت تغيب وسماء الصحراء ترسم لونها الجذآب
وتمزج آلوان الروحانيه اللي تجبرك تتأمل السماء وخلق ربك وتقول سُبحآنك ما أعظم خلقك يا الله !!
لأن مابيد احد يسوي مثل ماسوى ربك مابيد احد يرحمك ويختبرك ويرزقك من حيث لاتحتسب
اللي تبيه ..
وهذي عايشة كانت اغلب الوقت صاافنه وتفكر وتدعي من كل قلبها بأنها تلقاه !!
تركت اللي بيدها وراحت جلست عند النار جنب زينة من البرد اللي اشتد
ولآبسه عباية ابوها لجل تدفيها عن البرد ..
زينة بإستغراب /عايشة! وش نوحش سارحه كل اليوم صاير شي ؟
عايشة هزت راسها بـ لا /ماشي ياختش
.
حاتم وهو يقلب القلم يبده وبهدوء / مثل ماسمعت
عزام /هذا مكتوب عليه صقر يعني حق ابووها
حاتم فتح عيونه /ماجت ببالي !!! بس قالت لي اغراض لجدتها !! عزام ضحك بخفه /انت ماتعرف عايشة بعدك .. هي لو تموت ولا يعرف احد اللي بقلبها
هي صديقه للجميع
بس بالأخير لاضاق صدرها وشان حالها تكتفي بنفسها ياخوك ماهي بقوة انها ممكن توثق بحد
ولا احد يستاهل الثقه مهما كان .. الدنيا تخوف ياخووك
حاتم شد القلم وابتسم / انشهد
عزام لف عليه /هالحين شلون بتعطيها اياه .. انا اقول تعطيها هالحين الله اعلم بحالها
حاتم يفكر! شهالعلم قلم يحير فكرها .. ويضيق صدرها 'وابتسم بغير شعور'
ويضيّع ضحكتها ..
حاتم بتفكير /اكيد بعطيها لكن ' سكت '
عزام لف عليه يوم سكت /لكن ويش ؟
حاتم ناظر عيونه وابتسم / خلها على ربك
عزام سمع صوت الجد يناديه ضرب فخذ حاتم/اقول انت مدري شاللي يدور براسك وخر عن طريقي
حاتم /هههههههههههههههههههههههههههههههههههههه يجي منك اكثر .
عايشة كانت تغسل الملابس حقت جدها ..
جالسه على حجر كبيره وتغسل الملابس بيدها
داخل السطل طلعتهم وحطتهم بمويا ونشرتهم ع الحبل من ورا الخيمة
جت الجدة /خلصتي يمه
عايشة /ايه خلصت الحمدلله
الجدة مسكت يدين عايشة اللي بدت تحمرّ واطرافها الباارده
الجدة بخوف/ ي ويل حالي يمه تعالي تدفي يدينش صاقعه اممشي
عايشة مشت مع جدتها وجلست جنبها عند النار
صارت يد عايشة بين كفوف جدتها وضامتهم وتقربهم من النار
الجدة /يمه عايشة انتبهي لنفسش لاتبردين
عايشة تنهدت وطلع بخار الشتآء من فمها وآنفها .. وابتسمت
الجدة ابتسمت وتدفي يدينها .. رفعت يدها وضمت جدتها من كتوفها
عايشة ضحكت وتشدها لها اكثر /يايييمه مابيني شي مثل الحصان يمه شوفيني
الجدة ابتسمت ووجهها احمر .. /بس يايمه كتمتيني
عايشة زاد ضحكها وتشد على جدتها / عشااان مااتبردييين
الجدة قرصت عايشة بفخذها بقوة /يالله ي الحصان خذ لك ذي
عايشة فركت فخذها بألمم /ااااحححححح يمممه بلااش علليي انا احبش احححبشش
الجدة تناظرها /ماخبرت احدن ذا حبه
عايشة مسكت خشم جدتها /بس هذا حبي تبيييينه ولا اعطيه زوجج'الجده ضربت يدها'ءء ااييي امززحح منيب متزوجه بجلس على كبدش
كل ذا كان تحت ععيـونه .. كان ماسك قلمها لجل يوصله لها بحيَله
لكن شده موقفهم وظله واقف بغير شعور منه صار يبتسم .. هز راسه ودخل القلم بجيبه وضحك بخفه /بلااكك يا حاتمم
‏-
بالشرقـية / بيت أبوسِهام ~
ام عايشة معها القهوة والشاهي والمكسرآت والحلا .. وغغيره
وحطتهم بالصاله وجلست بتعب تنتظر ابوسِهام .. شغلت التلفزيون وتقلب بالقنوات .. سمعت ضرب كعبهآ الموزون
صوتها وهي تكلم بالجوال وتضحك / يلا يلا مسافة الطريق وواصله شففيك انتي .. طيب باي
سهام نزلت من الدرج ومعها شنطتها الطويله وعبآيتها .. نزلت شنطتها على الكنب ورفعت عبايتها ولبستها وولفت شيلتها ونص شعرها طالع .. ومشت بتفتح الباب
ام عايشة تناظرها بهدوء /الا ياملعونت الخيّر .. 'مسكت أذنها' تعالي تعالي
سهام سكرت عين وعين مفتوحه وبألم / اي اي اي ماما الحلق بأذنييي
ام عايشة تكتم عصبيتها /هالحين ماعندك احترام ؟ ولا طيبة نفس تجين تسلمين على امك
سهام تناظرها
ام عايشة /وفوووق هذا ككلهه راايحه وانا ماادري يعني انا معتبرتني ويش بهالبيت ماني امك
انا ماربيتك ولا كبرتك .. انا والججدااارر واحد بهاللبييتت مااكأننيي امكك !!! 'آشرت على مخها بخيبه اكثر من مره'
انااا امكك افههممي ياابنتت اممككك ولا ماتعرفين قددرري الا ليمني تركتك وطلعتت مع هالباب
وماعادك تشوفيني ولا تعرفين كلمة يمه بحياتك .. هذي ماهي اول مره ياااسهام تتجاهليني
انا مادري شاللي مسويته لك .. انتي ماتخافين تروحين وانا مارضيت عنك ويججييكك شيي
سهام حست بذنب وبعبره/يعني انتي تبغين يجيني شي
ام عايشة /انا لو ابي يجيك شي كان خليتك تروحين وفوقك دععوة تهز عرش ربك انا امك ماني صبيّة عندددك
راحت فوق وهي متقرفه من تصرفات بنتها معها .. ولا كأنها بنتها ابد
معنها هي ماقصررت معها ولو تبي عيوونها ماسترخصتهآا لها ..
بدّتها على عاايشة اللي تسوى الف رجال والف حرمه من اسلوبها ولا شجاعتها وسنعها .. هي ماعاشت مع عايشه ولا ربتها ولا شافتها تكبر قدام عيونها .. بس مع هذا عايشة مانست ان هذي امها!
مهما تسوي يظل لها حق عليها .. اما سهام المُهمله!!!
-
بالباديـة ، عند خيمة أبورآجح { جد حاتم } ~
عزام يصب المويآ بالدلآل /ها عسى عطيتها القلم
حاتم /اخفض صوتك يارجاال لحد يسمعك .. لا ماعطيتها
عزام بهمس وعصبيه /وش تنتظر ان شاءلله
حاتم تنهد/شفتها مع جدتها ومستانسه وتضحك معها ماحبيت اقطع بينهم
عزام عقد حواجبه /وبرايك ضحكتها ووناستها من قلبها وهي فاقده قلم ابووها يا حاتم ؟
حاتم /اقولك ماقدرت ولو ناديتها قدام جدتها يمكن تشك بنا
مصعب طير عيوونه وذكر القلم وتلمّس جيووبه /اخخخذذه
عزام لف وعقد حواجبه /من بذاا
مصعب دخل وماكنه سمع شيء /وش عندكم بذا ومهيتيني لحالي بذاك
عزام حط الآبريق ع جنب والنار تشتعل /ابد والله ماعندنا شيء شوفة عينك
حاتم دخل القلم بجيبه قبل م يدخل مصعب وساكت
طلع ../انا رايح لـ راجح (خيله سماه راجح ع اسم ابوه) '
راح لـ خيله راجح كان يبعد عن الخيمة والباديه بمسافه قليله وكان مع الرعي (الآبل .. والغنم .. والآحصنه)
وقف قدامه بإبتسامة ويده على شعر الخيل الطوييل
كان لـ نصف ظهر الخيل وطايح كله على جانب الخيل وشكله جمممميل ويلفت
حاتم ركب على ظهره وظهره منتصب ويمشي به بهدوء .. قرب من الجبل اللي تجلس عنده عايشة رفع عيونه له
وعاين الشجرة بعيونه ..
عقد حواجبه بآستغراب .. وكأن شخص واقف عند الشجرة
بس عايشة مهيب عوايدها تروح تروح للجبل هالحين
شده الفضول وضرب الخيل بالحبل وانطلق به لمكان المقصود .
بالشرقـية ، بيت أبوسِهام ~
دخلت وسكرت الباب بهدوء وهي حاضنه شنطتها .. صعدت غرفتها بسرعه ورمت عبايتها وبدلت ملابسها ونزلت لأمها
سِهام شمرت عن كمومها /اايوااا الحين شسووي
ام عايشة لفت طالعتها من فوق لـ تحت !!!!
كانت لابسة بجامتها ولابسه قفازات ورافعه شعرها ومغطيته
ام عايشة لفت تكمل شغلها /شدعوا داخله حمام ؟ 'كرمتوآ'
سِهام تحرك يدينها وتشرح بفلسفه /لا ياقلبي انا داخله مطبخنا بس يعني انتي تعرفين
لازم اخذ احتياطياتي وماامرض ععشااان عرررسس صديقتي بعد اسبوع لازم اكون جاهزه
ولا نسيتي ؟ اي اي ماما صححح .. بتجين معي العرس صح؟ تكفين لاتقوليين لااا
ام عايشة غسلت يدينها /اذا صرتي مرة
سهام فتحت عيونها وتآشر على نفسها/كل ذا ومنيب مرة؟ شعر
نخليـهم ~
-
حاتم نزل من الخيل وماسك حبله ويمشي بهدوء للشجرة
فكر بـ مصعب اول واحد ممكن يجي لـ ذالمكان؟ ..وبصوت عالي /مصعب
فزت بخوف ولبست شيلتهآ وعمآمتها ووقفت /لاا
حاتم قرب للشجرة وقرب راسه لجل يشوف مين ؟
ثبت مكانه وتنهد براحه
عايشة رفعت عيونها بحده /هذا انت ..استغفرالله بس
حاتم ساكت ويناظرها
عايشة سكتت .. وتبي تروح او تجي سااالفه المهم مايجلسون كذا ساكتين
ويحلى له الجووو وهو ساكت ويطاالع !!!
عايشة فزت من ذكرت السالفه وهي فااقده الامل بس تججررب
وبغير شعور .. وبرجاء/حااتم
حاتم اول مره تناديه بأسمه .. وبهالنبره ، نبرة رجاء وبهدوء/لبيه
عايشة /للقييت القلمم ؟ يعني ماشفتتتهه طاايح بمكاان اووءء
حاتم سكت يفكر .. ويناظرها ويمثل الخيبه /لا
عايشة حسن بكلمته كسررر عكااز لها كانت ترتكز عليه
نزلت راسها بخيبة امل وتنهدت وتحس بـ عيونها تحرّها .. .
دخلت لـ منام عايشة مالقتها .. تأففت/ووين رحتي ي عاايشة
طلعت ولاقت ام عقاب(جدة عايشة) /يمه شفتي عايشة !!!؟
ام عقاب تهز يدينها بهدوء/مدري ي زينة عانيها وين طلبتش
زينة /ان شاءلله ابشري
زينة راحت للبير ! قلبت عيونها /والله لو تطيحين بيدي
مصعب كان واقف عند البير يدور حاتم /وين رحت ي حاااتم والقلم مععك
زينة سمعته ولفت /مصعب؟ .. ماشفت عايشه
مصعب كشر بآستهبال/لا .. وانتي ماشفتي حاتم
زينة هزت راسها /لا
مصعب وحك رقبته مع ورا ويتلفت/ءءء زيننة
لفت له /نعم
مصعب ويشرح بيده /احم يعني انتي ماتخبرين وين خيشة جدتش ام عقاب
هذييك اللي كانت مدفونه تحت الشجر هنااك فوق الجبل -كان يآشر بيده وفيه خيل حآتم باين عقد حوااجبه-
زينة عقدت حواجبها /وش تقول ؟ اي خيشة وش بها ؟ جدتي وشوله تحط فوق الجبل قشّها ؟مابه مكان
مصعب حس انه خرّها وكمل/لاا هي خيشة قالت عايشة لـ حااتم انا سمعتهم يقولون
عايشة تقول ل حاتم انه غرض ضروري وجدتي تبيه
طبعاً البنت خاايفه مدري شنهو ذالغرض
ومالقطت الا شي واحد منه (قلم اسود منحووت عليه آسم صقر)
بس داخل على الله قم عليش لاتقولين اني قلت لش
زينة عقدت حواجبها ومشت تفكر وتاركته .. -كان فيها قلم منحوت عليه اسم صقر-
هذا ابو عااايشـة !!!!
.
عايشة حست بكلمته كسررر عكااز لها كانت ترتكز عليه
نزلت راسها بخيبة امل وتنهدت وتحس بـ عيونها تحرّها .. وتحس بـ الدنيا وكأنها قفلت آبوابها بوجهها
شلون تعيش بدون قطعه من ابووها تركها لها
عايشة رفعت راسها بإبتسامة باهته /تسلم .. كنت مأمّله اني القاه
بس ماكتبه ربي خلاص راح وانت ماقصرت يكفي جيت لي اغراضي من فوق الجبل
حاتم استغرب وهي تعطيييه قفآها وتمشي نازله من الجبل /بس قلتي اغراض جدتي
عايشة ابتسمت بآرتباك /ءءيعني اغراض جدتي وفيها من اغراضي اكيد
حاتم تنرفز من سكوتها وكتمانها من ذالموضوووع اللي شغل باله وصار كل تفكيره
وتكلم بحده وهو شاد على قبضة الخيل /عاايشه
عايشة لفت /نعم
حاتم وقف بشموخ ويدينه بجيوب الكمر /تكلمي وش سالفه ذالقللمم والخخيشة
لاتعيدين سالفة انها لـ جدتش .. لأنها مهيب لها قوولي وش سالفتها
عايشة عقدت حواجبها وبعصبيه / انا ماكذبت ..ء
حاتم قاصع كلامها بحده /لا كذبتي
عايشة رفعت حاجب / انا قلت اللي عندي من سألتني اول مره وكلامي ماتغير ولاهب متغيرر
لفت بتمشي ..
حاتم طلع القلم وبهدوء /واذا قلت قلم ابوووش معي
عايشة اخذت نفس وكأنه رجع اكسجينها
سحبت مآي عينها اللي على وشك ينهمرر
لفت عليه وبلههفه /وووينه -سكتت تطالعه بين يدينه تقدمت ومدت يدها بتااخذه بسس
فاجئتها حركته رفع يده لجل ماتوصلها وشد قبضته بالقلم ..
حاتم ضحك وبانت اسنآنه ورفع حاجب /ماتاخذيينه لين تقولين كل اللي عندش
عايشة تناظره وساكته
حاتم لف بعيونه عنها /اسمعش
عايشة اختصرت /هذا قلم ابوي
حاتم سكت ينتظرها تكمل
عايشة مدت يدها /ابيه
حاتم مسك يدها وحط القلم وناظر بعيونها /وين بتروحين ي عايشة بنت صقر ،
مردي اعرف وشاللي ورا الخخيشة
عايشة شدت القلم وسحبت يدها من بين يديه بسرعه وعطته ظهرها ومشت بدون ولا كلمة
من انتصفت بالطريق حست توها تفطن (تستوعب) ان القلم بييين يديها
وحاااتم جااابه لها .. بس بلحظة ارتباك وخوف بأنه يعرف شي عن اللي بالخييشة
ارتبكت وعصبت بغير إراده منها ولا شعور .. راحت ورا خيمة ابوعقاب راحت للشجر الصغار .. وطلعت الخيشة وابتسمت وحطت القلم داخلها وحفرررتت كثييررر
وحطتها داخلها ورجعت التراب زي ماكان .. رجعت لـ جدتها اللي جالسه مع زينة .. وزينة وضعها مايطمن
مشت لهم بهدوء تحاول تفهم شفيها زينة جالسه وتهز برجلها بتوتر وكأنها معصبه وكابته عصبيتها
عايشة /السلام عليكم
الجدة ردت السلام اما زينة لفت عليها وتناظرها بنظراتت مافهمتها
الجدة فهمت ان زينة زعلانه من عايشة وبغت تتركهم بروحهم .. زينة بصوت عالي /وين الخيشة .
ربط الخيل بمكانه قريب للرعي .. ومشى رايح لـ خيمة جده ابوراجح ..
حاتم دخل عليكم /السلام عليكم ورحمة الله وبركاته
الجد رفع راسه /وعليكم السلام ، ياهلا ارحب ي ولدي اقلط هذا ابو .. وعياله مشرفنا
حاتم بإبتسامة سلم عليهم كلهم سلام البدو .. /ي هلا والله ارحبوا ملايين
نورتوا والمكان مكانكم
عزام دخل وصب القهوة وبعد ما خلص جلس جنب حاتم
حاتم بهمس /عطيتها
عزام /كفو
حاتم بإبتسامة جانبية /كفوك الطيب
‏-
زينة بصوت عالي /وين الخيشة
عايشة لفت وراها خافت احد يسمع
وراحت لـ زينة بإستغراب/ اي خيشة ؟
زينة سكرت عيونها بضييق ورجعت فتحتها /اللي فيها اغراااض جدتي ام عقاب!!!!
عايشة جلست جنبها وحطت يدها ع فخذ زينة وتتلفت / ااءء اي اغرااض اللي يصلحش !
زينة حست بضيق وكأن عيونها بدتت تحرهاا وقلبها وجعها
اقرب من اخت لااا اقرب من ام عاايشة ! ، عطيتها ككلل اللي بقلبيي
والحييين هي تعيش همها لوحدها ولا توثق جتتى فينيي انا ؟ ززييينة
زينة بنظرات لوووم /عايشة انتي سامعه عني علم(ن) شين .. ولا شفتي مني شي؟!؟
عايشة بذهول /لااا حشى والله فيش العلم الغاانم والسنع .. بعدين وش له حكيش هذا
زينة نزلت راسها وتلعب باصابعها /اء اليوم مصعب قال لي وانا كنتت ادور فيش
وهو كان يدور حاتم .. من شوي ماله وقت
ووقال انه كان معه قللمم ابوووش ومنحوت عليه اسم صقرر -رفعت عيونها لها- ويقول كان فيه خيشة طلبتيها من حاتم
بوقت العرس .. قال انك كنننتتيي خااايفه وفيش علوم-هزت راسها وبدموع تخفيها-
عايشه عاايشه فهميني ليه ماقلتي لي ..
انتتي حتتى اصصغغرر تفاصيييل يومش
تقولينها لي .. يعني ماخبيتي عني هالشيء الا انهه .. له مكانة بقلبش ووءء
وصدقيني اذا ضايقتش بيوم والله وربش يعلم بالنوايا ماكان بقصد مني والسلام
راحت وقفت زينة تعدل ثوبها ثوب البدو والعمامة .. عايشة كانت بحالة ذهووول وصدمة مسكت ثوب زينة وبهدوء/لحظة ي بنت وش تقولييين ااء زززييينة
زينة تناظرتها بلووم وراحت .. قررت هي بنفسها تترك اللي من انولدت وهي مععهااا
حتتى يجي ذاليووم بحياتهم .. ويكشف لـ زينة عدم ثقة عايشة فيهاا
راحت وتركتها بوقت عايشة كاانت محتاااجه احد يووقف معها بأصعب الموااقف لها
راحت بإرادتها .. عايشة حطت يدينها على راسها ومصدومه
وكأن غطاء سرّها الثقيل
بدت تتقلصه الشمس
وتكشفه رياح البآدية .. ويبدأ جفن الحزن  بعزف آوتاررره
‏-
بنصف الليل ..
كان الأغلب نايم الا
حاتم & عزام & زينة & عايشة '
عايشة كانت تدوور براسها افكاار
اذا مصعب كشف لـ زينة
وانا كشفت لـ حاتم
وحاتم ممكن يكوون كشف لـ عزام
يءييعني !!!
هزت راسها بتوتر وبهمس /طيب وززينة اللي اخذت بخاطرها منش
ما قدرت ترقد حاولت تتقلب يمين يساارر!
لكن عيوونها رافضه تغفى وفييه شخص شايل بخاطره منها
ومو اي شخص ! هذي زييينة ، زينة اللي من انخلقتي على هالدنيا وهي معش
لا ماهي من عوايدي اصد عنها وهي زَعله علي
وهي اكيد ماقصدت تروح اكيد اككيد انا متآكدة انها مارقدت
زينة مارقدت وهي ماسلمت على عايشة واستهبلت معها طول اليوم
ويمكن حتى ترقد عندهااا ، قامت من مرقدها ولبست شيلتها وفوقها عمآمتها
راحت بدون برقععهآا لانها توقعت محد بيكون قايم بهالوقت .. راحت لـ مكان ما ترقد زينة ، وبهمس /ززينة .. زيينةة
.
حاتم مسترخي وجالس والنار قدامه شبّابه
وعزام جنبه ومحتضن العُـود ويدق على الوتر القديييم
واللحن الشاائب ، عزام انسدح وحط رجل على رجل
عزام يناظر السماء وبتأمُل وشكلة يضحك /الله .. سبحان الخالق انا اشوف السماء وكبرها
همومي تروح ي رجال يعني هالسماء واجد يناظرونها ويدعي بهمة ينفرج
وانا همي مهوب شي عند همومهم -ضحك على كلامه- الحمدلله على كل حاال
حاتم ضحك / احم .. اسمع اسمع طرت علي بأبيآت
عزام عدل جلسته / اسم
حاتم بصووته البدوي ومبحوح بحة هادية/من قال سالم .. ياقلب لا ساقك زمانك على الهم غاير جروحك ولا تبيّح ..خفاها
مصيرهآ مع مر الأيام "تلتم" وإلا تموت ...ويحسن الله عزآها
هذا قدرنا مكتوب وم عليهم سوا دعوة الله والصبر و رضاها
ياقلب رد زي م انت بشوش وترسم البسمة على من نساها
لاتغريك مرّ الايام وشينها وتلتهي بقسوة من هو ضما وارتواها
حتى الرسول والانبياء اشرف الخلق ذاقوا من طعمها الشين وعناها
استغفرالله .. ياقلب وانسى مصيرها تلتم ولا تموت ويحسن الله عزاها
{ #بقلمي } ...
عزام ابتسم وهو يناظر النار /الله عليك .. صح لساانك ياشيخ
حاتم ابتسم /صح بدنك .. الا تصدق عاد  مابه احد من اقوله قصايدي واللي اكتبه ، مثلك
احس اتجرئ ولو كان خايس هههههههه
عزام /لا ماشاءلله ماعمري سمعت منك الخايس على قولتك .
-
كانت منسدحه على امل انها ترقد وتنسى اللي حصل بينها وين عايشة
بس ماقدرت تحس ببالها مشغووول .. انا اللي سويته غلط ؟ عايشة رقدت وهي زعلانه ؟
انا ضايقت عايشة بكلمة ؟ لليييه ماحاولت افهم منها الموضوووع
انا اللغغلط منني ، اكيد ما رقدت اكيد اء-سكتت وهي تسمع همس شخص!-
جهلت منهو راحت بفضول من قرربت كان يهمس بأسمها
ضحكت وطلعت بسرعه وشعرها مسدول على ظهرها وناااسيه اهل الباادية كلهمم
زينة بفرررحه /عااااايييشششةة شجاابشش -سكتت شوي وتكابر ولفت- /اء جدتي ام عقاب بها شي
عايشة تناظرها بصدمه وضربت كتفها بقوة/اعنبوا حيّش انا جايتش من اقصى البادية
وانتي تقولين جدتي وجدي ، وعايشة عااايشة نسيتيهاا
زينة حاولت تكبح ضحكتها بس ضحكت غصب
من اسلوب عايشة وهي تلهث من التعب وتتلفت
عقدت حواجبها بتمثيل وفيها ضحكة/ انا بنام تبين شي؟
عايشة مسكت ذراعها قبل تمشي /لو انش زَعله ماقلتتي تبييين شي
وبعديين بالايام العاديه هالحين انتي بوسط حلمش يامرة امشي اقوول
حضنتها بقوة وهي تضحك وتضرب ظهرها /يمين ماينفع لش الزعل والبكاء
زينة رفستها وهي تمسك ظهرها /وانتي هذا هو مرآضاش -تراضين- بالضررب
عايشة ضربت جبهتها /اايه هذا هو بعدين هذا وجهش ضحك يوم كفختش
زينة فتحت عيونها/ي بنتت م لبست شيي على راسي حسبي علليش امشييي دااخل
وهذي هي ليلتهم .. او هذي الصداقة .. كل(ن) يلووم الثاني وليمن جت عندها عايشة تكابر
ماتركتها لآنها عارفه طبع اختها وصديقتها اللي احن عليها من امها
عارفه طبعها من يووومن هم صغاار هذي هي تححب تكاابر وتحاول تخفي اللي بقلبها
بس نست انها ممكن تخفي على الكككلللل الى على نصها الثااني وتوأمها
ليه ؟ لأنها ببساطه مشآركتها الصفاة .. والفعايل والكل شاهد .
-
عزام وحاتم جالسييين وبسجة وهوآججس
مصعب /حااااتتتممم ععزااممم
حاتم رفع راسه بعكس عزام اللي فزز من الخوف/بسم الله بسم الله
معصب/ ههههههههههههههههههههههههههههههههههههههههههههههههههه بسم الله عليك -جلس معهم واخذ العصا من حاتم اللي يقلب بها النار- /وش تتسون بذا عجيب المكاان
عزام لف على حاتم وساكت
حاتم تنهد /حياك حياك يامصعب
مصعب /هه تووو الناس ي ولد العم
مصعب انسدح على رجل حاتم ويلمس راسه بالم /حاتم حاتم احس راسي مصدع ي رجال
دلكك دلك طلبتك
حاتم ضحك وهز راسه بأسف على خباله اللي ماله نهاية ..
دلك راسه واحذ العصا منه .. وبتفكير/الا وش رايك اتسوي بها راسك غديه يطيب
يقولون انهه علااجج ععاد انك تخيل صووته وانا احطه على راسك يقول -همس-تتسسس
مصعب كشر وهو يقول الصوت /لا الحمدلله ء احس راسي غدى طيب
عزام /ههههههههههههههههههههههههههههههههه قل انك خخخفت افا ي مصعب انت تخاف
مصعب عقد حواجبه ويمثل /ءانا مااخفت ي رجال شفيك اقولك الصداع راح يعني خلاص م عاد ينفع به
عزان هز راسه وحاتم يضحك .
-
صبآح يوم جديد ، بدأت فيه الشمس تشرق وترسم ضوءها على ارآضي البادية
عايشة قامت من نومها كانت راقده عند زينة ..
عايشة حطت يدها على راسها/يوووه ماقلت لـ جدتي
هزتها /زززينة ززيننة
زينة تحركت /ههههههاااا ي بنت ابعدي عني ماننمت
عايشة /اعنبوا دارش انا اللي مانمت امشي بس
زينة قامت /زين زين هاا قمتت -وتثآوبت-
عايشة /ايه امشي يالله اشوف هالحين جدتي تقوم وياكلها الخوف
زينة /زين يمكنه مب جوعان
عايشة ضربت كتفها بضحك /زززييينة
زينة قامت ولبسوا وراحوا لـ خيمة ابوعقاب ..
عايشة تمشي وتناظر خيل حاتم وشششععرهه الطوويييل يكااد يوصل الارض
ابتسمت من جمماله وحسن خَلقه .. زينة وقفت وضيقت عيونها تناظر السيارة ..
عايشة /ابك هذي اممي .. -اتسعت ابتسامتها-
جججتتت هههههههههههههههه
راحت بهروله لـ أمها .. /يييمه ييااهلا ارحبي ارحبي ششلونش ووين سهام
ام عايشة سلمت عليها وجلست عند امها /تلقينها بالسيارة شوفي وينها ماتدل الطريق هالخبله
عايشة هزت راسها وهي فرحانه وراحت لـ سيارتهم ..
‏زينة تخصرت وهي تشوف عايشة طايره من الفررحه
تنهدت بقلة حيله /مسكينه ياعايشة كبريآش يموت لاجت امش
مهما كبرت وكبريآئها استوطنها .. يظل لأمها بقلبها مكان
مهما حاولت .. هذي الأم
زينة تتذكر وعايشة صغيرة .. كانت بعمر صغيييير
تروح تجمع الحطب وتشبه لأمها وتطبخ لها مع جدتها
وماتنام .. تخاف لو نامت .. امها تقوم وماتلقى من يلبي حاجتها
كانت تموووت لجل امها وتسوي المستحيل لجلها
كان احيان ينكب عليها المويه الحاار وهي تسوي لها القهوة او الشاهي
او تطبخ لها .. بس كانت تفرح لأنها تتعب لجل امها وعارفه ان امها الوحيدة
اللي بقت لها .. بس أم عايشة ماقدّرت حب عايشة بها
وتعلّقها بها ما احترمت قلب عايشة وجنحآنها اللي تكسّرت من بعد م تزوجت ورااحت
بعععيييد عننها .. بالبلاد .. حست بـ بعدم الأمان وامها بعيده عنها وماتجيها الا
من وووييين لـ وووييين .. لأن امها لقت الامان والعز ما لها بـ الرجعه للبادية فايدة .
عايشة فتحت باب السيارة وفتحت عيونها /سهااامم ناايمة
سهام فتحت عين /يووووه وصلنا
عايشة خمتها /شلوووننش سهاام تصدقيينن ولههت عليكن
سهام ابتسمت /اايي وانا بععد .. الا وين امي
عايشة فتحت الباب كله وبعدت عن طريقها وراحوا يمشون للخيمة .
ام عقاب(جدة عايشة)/ ززينة يمه خذي ذا عبيه مويا لاهنتي
زينة /ابشري
زينة راحت لـ البير رفعت الآبريق .. حاولت تسحب الحبل تركته وطااح بالبير من جديد /ي ويلي ثقيلل حشى
عزام مل وهو ينتظر تقدم وسحب الآبريق منها ورفع الحبل وعباه لها /امسكي
زينة مسكته وثقيييل رفعته لها وهي تناااظره بفهاااوه وغااارقه .. هزت راسها/وجع ي بنت احرجتي الرجال استغفرالله العظيم بس
مشت لـ خيمة ابوعقاب .. اما عزام سمع كلامها وضحك بخفه وهز راسه
شافها متجهه لـ خيمة ابوعقاب ؟ هاا! يعني معقول عايشه تعرفها
زينة رمت الابرييق وراحت عند عايشة وارتمت عليها /ااااااهه تخيلي ي عاااااايشة من شفت
عايشة حست بصخر طاح فوقه واسقطها بالارض
عايشة طايحه بالارض /وجججعتن ترمي ضلوعش برا صدرش استغفرالله يارب وش ببلاااش
زينة تتلمس قلبها /الدعوة قويه
عايشة تآشر على نفسها/والطيحه قويه
زينة تربعت /ماعلينا ي بنت اسمعيني اسمعي
عايشة قامت /خليها بعدين امي جايه بروح لها انفداش
زينة سحبتها وبدون قصد/ اقووول تعاالي كن امش ميته عليش الحين
عايشة سكتت شوي وابتسمت /ماعليه هي بعدها امي
زينة سكرت فمها بيدينها /عاااايشة
قامت بسرعه ولحقتها -
عايشة جلست جنب جدتها /ككيفش ييمه وويش مسويه عسى مرتاااحه
ام عايشة تستلطفها ابتسمت /الحمدلله يمه كيفك انتي
عايشة من ابتسمت امها حسسسست بأنننها مللكتت الدنيا
ححسسست بروووحها ترررد ، من زمااان ، زمااان م شافت الضحكة اللي على امها
موجهه لها ..
عايشة اتتتسععت ابتسامتها وتحركت بتَقرُّب لأمها /الحممددلله يييمممه انا بخخخييييررر وززيينه
ام عايشة ابتسمت /دوووم
عايشة ابتسمت وهي تحس بأن اممها بدتتت تحبها ، بدت تحس ببنتها اللي قضت عمرها تحاول ترضيها
سكتت واكتفت بإبتسامه وهي تشوف امها تسولف مع جدتها .. ومبسوووطه .. زينة كانت مرتكية على عمود الخيمة وتطالع عايشة اللي تبتسم وهي حاسه بشيء غريب ..
-
سهام جالسه بمنام عايشة وتتذكرر .. بـ يووووم ..
- نرجع يومين للخلف ؟.. ام عايشة صعدت معصبه من يوم سهام تطلع بدون شورها ل صديقاتها
وجلست بالكرسي بعصبيه شافت ابوسهام جاي /وانت لايكون مو داري عن بنتك وين راحت ؟
ابوسهام يعدل شماغه /الا قالت لي
ام عايشة طيرت عيونها /هاللحححييننن تتقوولكك ولا تتتقووولل شييي ليييي ليه انا منب اممهاا
ابوسهام لف عليها /مايحتاج نعيد الموضوع بكل مره تعرفين السبب ليه
ام عايشة تخصرت /لا والله مااعرفه علمني اشوف
ابوسهام /سهام كبيرة وتشوف كيف تربيتك لـ عااايشة ، هه هذا اذا ربيتيها .. وعععارفه بإن ععايشة كاانتت بيومم متتعلقهه فيك وانتي مااحترمتي مشاعرها
ولا احترمتي بإنها كانت تحتاج ام بيوم ورفضتي تسكن معنااا
وسهاام ماتتتقددررر تأمنن نففسهاا ععللييكك اذا عاايشةة
مستعده تتسوي المستحيل عشاان ترجعين لها
ماتقدر تعتبركك امها اذا انتي مااعتبرتي ععاايشة بنتك
مممممفهههوووممم كلاااممييي الححيينن ، وووضضضححته لك بما فيييه الكفايه
ام عايشة عيونها حمرت/ ييعنننييي وووشش تبيني ااسسسووي البنت اكيد ماتبي
ابوسهام بسخريه/ هه بعذرها ماتبي انتي ماقصرتي خليتيها تتربى بذالبادية وتكرة العيشه بمكان غيرها
اااصلن سهام معها حق اللي تسويه فيك ..
انا ماادري كيف بيوم امنتك على بنتي
ام عايشة حست بكلامه وكأنه يصوّب السهام بصدرها / تذكر انها بنتي زي ماهي بنتك
ابوسهام هز راسه بأسف /هه والله ماادري الى متى ممكن تصير بنتك
ام عايشة حاولت ماتفهم كلامه ولفت وخانقتها العبره وكلااامه كككلللهه صحححييييحح ١٠٠٪‏ ام عايشة جلست على الكرسي ويدها على راسها وتنهدت بخوووف على بيتها اللي ممكن ينهدم
ابوسهام بيطلع من الغرفه /اترك التفكير والحل لك انتي قرري
ام عايشة تقدمت له وبهدوء /ويش اللي تبيني اسويه يعني
ابوسهام /اسلوبك مع عايشة ، اوووممكن تخلينهاا .... ام عايشة جلست على السرير مههممممه صععبه
-نرجع-
سهام جالسه وضامه رجولها لصدرها وسانده راسها على ركبتها وتفكررر
بهذاك اليوم ماطلعت كانت بتصعد لـ غرفتها بس استوقفها هواش امها وابوها
يعني يمكن ابوها وامها يتطلقون ؟ ، وهي تجلس بيينهم الشيء الوحيد اللي يربطهم
ويمكن يكرهونها .... سهام تأففت بطفش وهي مالها نفس شي
زينة دخلت عندها /بنت ويش تسوين بذا لوحدش
سهام ناظرتها ونزلت عيونها وساكته ..
زينة جلست جنبها بإهتمام وعقدت حواجبها /شفيش وش اللي شاغلن بالش
سهام هزت راسها بعدم اهتمام وعيونها مدمعه
زينة خافت ..حطت يدها على كتف سهام /سهاام!! وش بلاش .. عيونش تقول غير حكيش
سهام ناظرت عيونها وهي ضامه رجولها /ابي وابوي يمكن ينفصلون
زينة شهقت وحطت يدها على صدرها /ورررااه وووشش نووحها امش بها شي ابووش؟؟؟
سهام هزت راسها بـ لا / يقول ابوي خلي عايشة حالها حال سهام تعيش معنا ولا معاد اامنك على بيتي وبنتي
زينة خافت من فكرة ان عايشة تنفصل عنها وفضلت السكوت وهي تتمنى عايشة ماتروح
وتبتعد عنها .. زينة بعد وقت .. مسكت يد سهام /زين ي بنت قومي هالحين وربك كاتب اللي بيصير وان شاءلله مابيصير شين بيضرش
سهام تنهدت بطفش وقامت /اقول امشي امشي بس احس ودي اركض
زينة استغربت !! هذي فيها نفس طبع عايشة ، فجأة تبي تركض ؟
عايشة دخلت عليهم /وووينكم ، تعالواا سويت شاهي بالراس وبعد امي تقول جابت كيك مدري شنهو ذا المهم تعالن
سهام ركضت /الككككيييييككك لاتتخررربوونههه هذا من مكافئتي ههههييي
جلسوا كلهم حول ام عقاب ويسولفوون ويضحكون .. الا زينة
كانت تراقب عايشة وضكحتها اللي من زمااااااان ماكانت طالعه من قلبها هالقد
وخااايفه كل الخوف .. بأن يكون ورا هالضحكة شيء قااسي ينتظر عايشة
شيء عايشة ماتقدر تتحمله زودن على اللي ذاقته .. تنهدت والعبرة بدت تخنقها وعيونها حمرت وامتلت دَمع
تخيلت لو عايشة راحت معهم وتسكن هناااك عندهم مؤبد لجل مصلحه
مصلحة ام عايشة وابوها !!.
وتبعد عنهم والبادية تنسى عايشة .. وانها بيوم كانت من سكانها وعشاقها
وكانت تأمّنها من بد الخلق كلهمممم على اكككبرررر سسررر لهاا !!!
أمّنت تراب البادية ووكلت ربها .. قامت بسرعه وبهدوء لجل ماتبين نبرة صوتها /ذكررت عندي شغل
لزوم اقوم به الحين .. انا رايحه
مشت وهي مأمّله بأن عايشة بتلحقها او بتصوت لها .. مشت وهي تجر خطواتها وتنادي عايشة بدون صوت
لفت لها .. بس الواضح ما سمعت لها ولا اعارت لها انتباه
زينة عذرتها .. عذرتها لانها من وهي صغغغيييرة كانت تتمنى هاليوم اللي فيه تضحك ام عاايشة بوجه عايشة
عذرتها لأنها عارفه صديقتها وفاهمتها زين !!!!.
-
المغرب ~
ابوسهام /ها شصار قلتي لها ؟ فاتحتيها بالموضوع ، ووش قالت
ام عايشة تتلفت بخوف احد يسمعهم ../مااقلت لها ي بوسهام اصببر علي شوي
ابوسهام / لاحول ولا قوة الا بالله..استعجلي ي ام عاايشة ترا الصبح ماشييين !!
ام عايشة نفضت يدينها /ززيينن زيين ااشوف الحينن
ام عايشة دخلت شافت عايشة تنشف شعرها ..
جلست جنبها وبحنية / ءءعايشة يمه .. اسمعيني ولاتقاطعيني ءه انا ادري اني مقصره
بحقك وماوفيتك .. بس انتي كنتي احسن مني كنتي تسوين واجبك معي وتبرين بي ويشهد
الله اني راضيه عليك لين يوم الدين
بس اسمعيني يمه
انا ابيك تجين عندي حولي وحول اختك .. اشوفك قدام عيني تكبرين
وءء
عايشة قاطعتها وبيأس ضحكت بخفه /بس انا كبرت
ام عايشة بتوتر /ءماعلييه يمه .. ابيك هناك
حولي وتنسين اللي راح كله
يعني هنا جالسه وحاكره عمرك
بين هالخيااام والجبااال والبساطه وبهالبرد
تعالي هناك عندي اسواااق ..
وعندهم ملاابس جديدة ء غغير هالجلابيات
وففييهه مكياج ء معنه انتي ماشاءلله يمه
مايبي لك مكياج اء 
اشباه .. -سحبت دموعها واخذت نفس-
اي يمه زي ماقلت لك فكري يمه احنا بكره ماشيين
وبأي وقت تبين تجين هنا
تزورين جدتك وجدك وززيينة واهل الباديه كلهم
هناك بيصير لك غرفه انتي وسهام
تشتركون فيها وتتقربون من بعض يمه وافقي واللي يسلمك
انا قلت ل بوسهام وماقصر .. قال بأي وقت تبي البيت لها وعين لها فراش وعين لها غطاء!
عايشة اخذت نفس /هالملابس والجلابيات والجباال والخياام ..
هذي انا تربييت فييها .. وتراني اعرف هالملابس اللي تجيبينهن ل سهام
هذا قدرها واصها هي لكن انا .. انا اصلي هنا وانقطع سري بذا .. وبضل بذا طول عمري واندفن بالتراب اللي اندفن به ابوووي !
ي يمه وانتي اذا قصدش اني زعله عليش لاتخافين انا ازعل من نفسي
ولا ازعل على امي .. انا مرتاحهه ي يمه هنا .. لاتخافين علي وبوسهام ماقصر
-
عزام زيّن قهوة مهيّله ومزعفرهه وكااايفه
صب بـ فجنال /سم
الجد ابورآجح /سمّ الله عدّوك .. الله
تصدق عاد انا بعمري ماذقت مقل هالقهوة
لها طعم خاص وريحتها تطيّب الراس
عزام ابتسم وصب لـ حاتم /تسلم والله ماتقصر
ي بورآجح .. حاتم لف على جده /اوووه انت ماسمعت دقه بالعُود
الجد ضحك /عود ؟ لايكون يدق ب عود ابوي الله يرحمه
عزام ابتسم بورطه ووده يعجن حاتم /ااء ي بورآجح انت لاتسممعء
حاتم هز راسه /ايه ايه يبه هوو بس الله عاد ياعليه دققق
عزام هز راسه بنظرة تحدي /عاد تصدق ي بوراجح حاتم كاتم ابيات قصيدة
الله ياهي ابيات بس مايداني احد يسمعهااا عاد انت شف لك معه
الجد مسك عصاه وضرب عزام وحاتم /الا يا قليلين الخاتمة
هالحين كل هالعلوم عندكم وانا اخر من  يدري اناا ابووكم!
حاتم باسف /هذا حال الدنيا
الجد ضربه /ويقول حال الدنيا ويقول
عزام يضحك عليه
-
بالليل ~
زينة كانت مختفيه .. ومالها اثر
عايشة كانت تفكرر .. شاللي خلى امها كذا ؟
غريبة امها كل يوم لها راي وفكرة وكلمة ..
راحت ورا الخيمة .. وطلعت الخيييشة
وهي ممكن اخر مره تكون معها
راحت بأعععلى الجبل .. وجلست بتعب
طلعت اورااق ماتحب تقراها .. بعد ماقرتها اول مره
هي رسايل ؟ هي عتاب ؟ هي قصيد ؟ هي وصايا ؟
كانت اككثثررر من ورقه طاويتهم ورابطتهم بـ خيط من خيوط الخيشة
اوراق كلنا مانعرف وش فيها .. وايش تخبي وهل لها علاقه بـ ماضي عايشة وامها
واابوها !!!
كانت تقلّب بقصايدها اللي تشرح حالها وتفسّر علومها .. فزت من سمعت صوت خيل .. طاحت منها اوراق وسحبها الهوا
لكن فيه قدم اسرع منها ، ثبّت رجوله عليهم وهو يناظرها .. ضحك بسخرية / هذي اغراض جدتش ام عقاب
مد يده يباخذهم ، بس دقات قلبها اسرع منه .. وصوتها يصدع
لدرجة كاد يسمع طبول بقلبها وخوفها وعروقها اللي ترجف
مسك الاوراق وهي تراقب يده وساكته
ماحب يكشف شي ممكن هي ماتحب او ماتبي احد يعرفه
ولا تبي احد يشوفه وتضعف عنده .. مد لها الاوراق بإبتسامة ماشافتها على وجهه احد
معناها ماشافته حتى على وجهه امها .. احترام وطييبه وحنيه
مدت يدها بهدوء واخذت الاوراق منه وحطتها داخل الخيشه وسكتت
ربط الخيل بالشجرة وجلس حولها وبينهم الخيشة ..
عايشة تلفتت يمين ويسار /احدن طلب منك تجلس ؟
حاتم يناظر فوق بالشجرة ويعاين بالارض /ولا ظنتي هالارض مكتوب عليها عايشة
عايشة رفعت راسها وسكتت واخذت الخيشة بحضنها وجلست بعناد .. ماتدري ليه حست انه مخليها براحتها وناشب لها .. يعني ماياخذ شي هي ماتبي احد يمسه
وماياخذ اذنها اذا بيسوي شي يقربهه لها !! عايشة تنهدت وهزت راسها
حاتم لف عليها وبضحكه /خير ان شاءلله
عايشة حطت عينها بعينه بدون قصد /ولازم اخذ منك الاذن لا تحركت ؟
حاتم بفضول /انتي متزوجة ولا مطلقه ي بنت الحلال ؟
عايشة انصدمت من سؤاله اللي ضحكها /هههههههههههههههههههههههههههههههههههههههههههه الله لا يقوله
حاتم /وراه انا قايلن شي غلط ، انتي هالعمامه كال ليلة وكل وقتن على راسش
ومايحطها عندنا الا المتزوجات وحسب خبري المطلقات واللي مايحطّنها ماتزوجن وينتظرن النصيب
عايشة  بثقه/انا مابي زواج لو ابي الزواج فكيتها وابشرك كل حريم البادية يدرنّ اني ماابي ولا وحدتن زيي بتجلس بدون رجل ؟؟؟؟
حاتم ضحك على ثقتها / ايه خليها ،
عايشة ساكته ورافعه راسها تعاين الخيل بعيونها
وتبتسم لأنها تطول شعره اذا مدت يدها .. جلست تداعب شعره والخيل ينزل راسه لها ويداعبها
اما حاتم حس بإنجذاب لعيونها وابتسامتها وجلس يعاينها بهدوووء ويبتسم بدون شعور اذا ضحكت
على عنادها .. او على ردها السريع .. او على طيبتها .. او على ثقتها .. او على اصولها وعروبتها الأصييله ..
او على هالخيشه اللي عجز يعررفهه واللي بداخله
او على شعررهاا اللي يشبه شعر خييله راجح .. خيله الآسود بسواد الليل
حاتم صحى من سجته ونزل راسه وببرااسه اسأله كثييره لها .. وبهدوء/عَايششة
عايشة لفت عليه /نعم
حاتم ببحه راكده /هالحين انتي ماعمري لمحت بهالليل غييرش
هو انتي ماترقدين ولا وش نوحش ؟
عايشة كبحت ضحكتها على سؤاله / عشان كل اهل الباديه يعرفوونن هالطبع بي
انا ماانام .. -وتآشر بيدها- انا منّا والنوم منّا .. هههههههههههههههههههههه يعني مانتوافق
حاتم ضحك بخفيف ومااستوعب /اءء شلون ماتنامين ؟
عايشة هزت كتوفها بعفويه /مدرريي اذا نمت رقدت خمس ثواني يعني ماهووبب ذاك النووم
احاول انام انسدح يمين يسار مافيه نوم
حاتم بآستغراب / وشلون ؟ الصبح مايجيش النوم ؟ ولا به شين ماترقدين بسببه
عايشة تفكر وهزت راسها بـ لا .. /ششيينن مخلوقتنن به
حاتم انصدم معقول هنا بشر مايرقد .. هو جفى عينها النوم ولا وش نوحها ووش بلاها
اكيد هنا شين ماترقد منه ولا من يصدق ان هنا ماحدن يرقد
عايشة تناظر السماء وشعر الخيل على كتفها وشدت على الخيشة /سمعت انك شااعر
حاتم ابتسم ويطالع الارض /تامرين شي
عايشة ابتسمت ونزلت راسها لجل مايوضح شي بعيونها /احب الشععر بس
حاتم ابتسم / تبين اقول كم بيت ؟
عايشة ضحكت ورفعت عيونها له /مااقوول لاا
حاتم ابتسم وببحته الراكده الهاديه وهو يعاينها ويبتسم / ااحم اجل اسمعي .. يقول :
يا صاحب الشعر والوجه الحزين
يا مُنية العاشق وطيّب الخاطر
يا ضي القمر لا غابت شمس السنين
يا ضحكته لا بانت انيابه الجو شبه ماطر
يا مجنون النظر يا بعد كل العابرين
يا سجى الشعر ورضى الليل للساهر
يا الله لقى يبرد القلب ويسقي الحنين
يا زينها جلسة معك تشبه الجنه وجوّنا عاطر
يا حروفي أوصفيها وجمّليها مثل م هي بالعين
يا وصفي ورسمي ورجفة  حروفي للزين عابر
يا جمال المبسم و ضحكة و غمازة الخدين
ياوصية المجنون اللي على حبك مضى شاعر { #بقلمي } ----
حاتم خلص وابتسم يتتظر منها رد .. ماسمع منها شي!!
لف عليها وهي كابحه ضحكتها .. ابتسم ابتسامه جانبيه
وساكت .. عايشة اعتلت ضحكتها وماتدري وش تقول لسانها ماقدرت تتحكم به
سكتت ولفت عليه /اي والله ماشاءلله يطلع منك صح ل لسانك هههههههههء
حاتم ضحك من كثرة ضحكها / هالحين وش اللي يضحكش ؟
عايشة هزت كتوفها بـ مدري .. بعد وقت .. عايشة لفت عليه /ماودك تقوم عن ذا
حاتم يتثاوب /اي والله انا جاني النوم ،فمان الله
عايشة تناظره لين راح وهزت راسها بإقتناع /والله وطلعت شاعر
طلعت خيشتها ، فجأة طرى على بالها امها
تنهدت بضييق وبلعت ريقها وطلعت بعض الاوراق وتتاظرها بدون م تقرأ محتواها
لأنها اذا قرت ما بداخلها بيزيد كرهها لأمها
لأن امها سووت غلط كبييييرر غير حياة عايشة
يمكن غلط مايُغفر .. ولا له مجال للغفران
بعد تفكير تنهدت تنهيده طوووييييله واخذت نفس
وضحكت وهي تشم البخور اللي كان على ملابس حاتم وعوده
شافت السماء بدت تشرق .. راحت بسرعه وسكرت الخيشة ززيين
وحطتها بمكانها وبحذر وهي تحفر اععمق .. خلصت وراحت لـ منامها !
شافت امها على منامها وجنبها مسافة ع اساس عايشة تنام جنبها
وسهام بجهه ثانيه من الخيمة .. فتحت برقعهآا ونزلت عمامتها وفكت شعرها
حركته بحراريهه وابتسمت لطووله وكثافته ونعومتهه .. راحت عند خيمة جدتها
اللي جنبهم على طول .. فتحت عليهم شوي .. صحت جدتها لان نومها خفيف
وببحه وهي معقده حواجبها / عايشة ؟ وش فيش ؟ امش بها شي
عايشة لمعت عينها وراحت بهدوء وندست بحضن جدتها وسكرت عيونها تمثل النوم
الجدة ام عقاب و يدها بشعر عايشة /عوبا .
-
حاتم سلّم من الصلاة واستغفر وانسدح .. ويده خلف رقبته وسرحان
كبتتتت صرررخختههه وهو يحس بصصصخخرر على بطنه /اووءءخ
لف وهو يقاوم الالم ، وبنرفزه / ممصعب!!! مصعب كان نااايممم ولا يحس بمن حوله ..
حاتم قام وجلس قدام الخيمة وجلس يقلب بالنار .. ويفسر سبب ضحك عايشة بعد ماقال ابياته
وهذا هو دااايم اذا عاين النار .. يسجج ويسرح
اذن المؤذن لـ صلاة الفجر .. والشمس بدت تشرق
والجو باارد والسماء زرقاء مع نور خفيف للشمس
حاتم لابس العبايه والنار يزيد من حطبها ويتدفى
الجد ابورآجح قام من نومه وشاف حاتم راح له بعد ماتوضى
الجد بإبتسامه /صبحك الله بالخير
حاتم عيونه ذبلت ونعست لف عليه بآبتسامه / الله يصبحك بالنور ياجعلني ماعدم ذالوجه
الجد لاحظ تعبه / حاتم؟! .. وش بلا عيونك كنك مارقدت يابوك ؟
حاتم تنهد / لا والله ، مارقدت
الجد /عسى ماشر .. تحس بوجع ولا ويش بك
حاتم / لا والله بس الشركه بالبلد .. يبوني ارجع لجل الشغل وانا مابغيت اعوّد وانا ماسلمت عليكم
الجد بتنهيده /فاهمك فاهمك .. هذا حال ابوك الله يرحمه
كان كل اسبوعين يروح هناك ويرجع واحيان يطول الله يرحمك ياراجح
يالله يالله يابوك اقام للصلاة خلنا نعود للمسجد
حاتم قام بيتوضى /ابشر هالحين لاحقك .
بعد الصلاة وبعد ماافطروا ..
-
خلصت من تغسيل المواعين .. نشفت يدينها وعدلت جلابيتها
راحت لـ منامها وشافت سهام ماطلعت معهم تفطر .. عايشة جلست عندها /سهام؟ وش بلاش يابنت ماافطرتي معنا وانتم هالحين ماشين
سهام حضنة تفسها وناظرت شنطة امها الكبيرة ونزلت راسها وشهقت ببكاء
عايشة عقدت حواجبها /سسهاام؟ وش ذالشنطهه ؟ من هي له ؟
سهام حضنة عايشة بقوة /حقت امي .. يمكن امي تجلس عندكمم هنا دايمم وانا اروح مع ابووي
واعيشش لحاالي هنااك .. وييءينفصلوونن
عايشة؟!!!!!!! /وش هرجش ذا ؟! من قاله ؟ وللييه؟
سهام تمسح دموعها /لان ابوي يقول لامي اذا م فيك خير لبنتك الكبيرة ماأمنك على بنتي وتتركينها زي م تركتي عايشة
عايشة طيرت عيونها بصدمه !!!صرخت /ومنن ططلللبب حننيتهه عللي وععطفهه؟؟؟؟!!! توو الناااس يومم صارت بنته طووله صاار يحنن ويخااف علليش منن امش قليل الخاتتتمممة ؟؟؟ عايشة قامت من عندها وبرااسهاا خَبل وحرش ..
سهام مسكت يدها وعيونها تلمع بخوف /عاايشة تعالي عندناا والله اسمع كل كلامك وماازعجكك ولا اعااندك
واصيرر اختك الصغييرهءء
عايشة نفضت يدها منها /انتي اختي الصغيرة لا تبكين على ماهنااش
سهام شقهت /عااايشة يااخي لاتتصيرريينن اناانيةة ححطي نففسك مكااني
انتي الوحيدة اللي تقدرين تساعديني مافيه مافيه غيرك لأن ابوي مصرر ومقرر من زماننن
تكفين الله يخلليييك تعالي عندناا ومتى مابغيتي تجين انا اقول لابوي يجيبك هناا اييءء
عايشة ضربت جبهتها بقوة وبتمثيل / بس بس قطعتي قلبي .. م بقى فيش دمعه عاد مايصير كل ثانيه تخرّين هالخزان
سهام ضحكت ولمعت عيونها بفرح /ييعنني بتتججيينننن؟؟؟؟!
عايشة هزت اكتافها بـ مدري .. وراحت ورا الخيام ..
بس استوقفها صوت .. امها وابو سهام!
كانوا بنقااش قوي .. ويتكلمون بححذرر
ام عايشة/واناا ويش بيدي يابوسهام البنت راافضه راافضه
وعايشة مايغير راايها شي .. طلبتك يابوسهام
لاتحرمني من بنيتي ، طلبتك بنتي ماابي افقدها
ابوسهام بننررفزهه /والليءء
ام عايشة سكرت فمهه/بسسس واللي يررحم والديك
تععبتت وانت تكرر لي ماااضي ورااحح
مااضي قده صاار ذكرى ششيييينه وسرااب
خلااص ماابي اسمع كل يوم نففس الكلاام انا طلبتك .
عايشة تذكرت كلام امها وحنيتها .. ونبرتها المعسوووله
امس .. طلعت كلها مصلحه ولها غاية فيها
رجعت لـ سهام وبراسها شي غريب
تنهدت وضحكت بخفه /ايه ابشرفف لبيتكم
سهام اخذت نفس وهي مو مصدقه وتنقز بفررحه /شششككراً
والله م انسهااها لكك ي عاايشةة والله اححبككك
عايشة طلعت وهي تشوف المصلحه بعيونهم
صارت زي المسماارر الفريد من نووعه
هو الوحيد اللي يركّب قطعهم اللي خرربتت وتحتاج تركيب من جديد
راحت لـ زينة وهي جالسه مع جدتها ام عقاب
عايشة جلست /سلام عليكم
ردوا السلام .. عايشة بسرعه / انا بروح عند امي ي يمه -تقصد جدتها-
جدتها لفت بإستغرااابب اوووول مررره تسمع منها هالكلامممم!!!!!؟
اول مررهه ينطق لسانن عاايشةة بهالاححررففف اللي ماتوقعت الجده وكل البادية
بيووم عاايشة بتقولل هالكلام ؟؟؟!! /عند امش -ابتسمت بربكه-
ههءءيييه ومتى بترجعين !
عايشة بهمس /راجعه ان شاءالله
زينة ناظرتها وصار اللي ببالها صحيح
عايشة ضحت عشان حياة امها وبنتها ..
بتروح معهم وتخليها لحالها ..
تمنت بأنها كانت تحلم وكل اللي صار قدامها كذب
وححللمم شييين ، تمننننت تقووم من حلمها المززعج
زينه ناظرتها بضياع/بتعودين معههن ؟
عايشة جلست جنبها وضحكت /ااييه لجل تولهنن علي
عايشة حست بحزن زينة اللي تخفيه .وبحاوله تخفف عليها
طبطبت على فخذ زينة وبهمس/منيب مطوله هناك راجعه يازينة راجعه
زينة ماقدرت تحمل حست بولههها قبل ماتقفي عنها وتروح مع امها
حست انها اشتاقت لها قبل مايختفي زولها من الباديه وحسها
قامت بجمود عكس جسسمها اللي احترر من ضيقة البال
عايشة تنهدت ولحقتها .. /زيينة!! وش بلاش قلت رااجعه منيب مطولتن لهن هنااك من عقلش انتي تبين اجلس معهن بهكالديار وانسى اهلي ومربآي ومكاانييي!! -واشرتت على قلب زينة وعقلها- اناا قااععدتنن لش بذا وهناا هههههههههههههه فهممتييي؟
زينة تناظرها ودمهعها بطرف رمشها /زين متى بتردين؟ لااتطولين بذاك ياعاايشة انا هنا استاحش بروحي
عايشة ضحكت/هههههههههه هالحين اتغلى لاتمدحين مااعرف للمددح اناا
زينة ضحكت ونزلن دموعها وغطت وجهها/يعني شلون بيمر يووم بدون مااشوفش ولا اكلمممش ولا -ماكملت وتخفي شهاقها-
عايشة اختفت ابتسامتها كل شي عندها الا حزن من تحححبب وتغغزز !!/ له له يابنت
وش فيش خريتي خزانش بعد انتي من شوي سهااء .. خلص خلص مسحي دميعاتش ماتسوى
يابنت الحلال يالله هشووف خليني اروح وانا مستانسه
زينة مسحت دموعها بشيلتها /زين بتولهيننن علليي ؟؟؟
عايشة ضحكت بقمطة /انا ماولهت على امي بوله عليش
زينة بلعت ريقها وتسلك /اي احم ماعلينا .. انتي ماقلتي لي وش بها سهام ؟
عايشة تلفتت /ماابها شيي ليه هي وينهااا .. ييوووه ماقللتت لامي اني يروح معهن
اخاف يمشون عني
زينة ابتسمت /روحي تجهزي يابنت فمان الله
عايشة هزت راسها وراحت .. استقبلتها امها بحضن مُفاجئ !!!
عايشة فاتحه يدينها وساكته وجامده .. ام عايشة بفررح/ يابعد عييني ياعاايششة اجل تجين معنا؟ ابشري اببششرري يمه بالعزز والدلاالل يييمهه
عايشة راحت /ايه اي بروح اجهز ملابسي
سهام بربكة وتناظر امها / ااء عااايشششةة ماافيه ووقت بنننمشي تعالي معنا
وااعطييك من ملاابسييي بسسرعهه ابوويي شغل السيااررةةة
عايشة تناظرهم /س ءسيارة؟
عايشة راحت واخذت كيس وحطت لبس لها /ههييهه قال ويش البس من ملابسها
هالفاصخه ي ويلي ويلاهه ابوي تحت ترابه ما يرضاها
اخذت عبايتها ومشت بسرعه وتلبسها
اشرتت لـ جدتها وزينة /فمااان الله سللمووولي على اهل البادديية كللهممم
ززييينةةة سلمميي للي عللى عزاامووهه وء -سكتت شوي-
زينة فهمت قصدها وهزت راسها بالموافقة /ههههههههههههه روحي انتي ابك رووحي
عايشة ضحكت وتركض عشان تركب السيارة .. سكرت الباب .. وزعت عيونها بزوايا السيارة !!
اول مره تركب سـيـاارة!!!
ابتسمت بربكة /السلام عليكم
ردوا السلام
سهام فكت النقاب ونزت جزماتهاا-كرمتوا- ..
وارتخت على المرتبة /الله برااااااد
وتآشر عايشة جنبها /نامي نامي جربي الراحه عايشة
عايشة ماسكة عبايتها من تحت دقنها
هزت راسها بـ لا /اناا ماارقد
ابو سهام ضحك .. ام عايشة ضحكت بخفه
سهام نقزت وطيررت ععيونهاا/ششللوونن مااتنااممين
تستهبليينن على راسي يعني ؟ احترمي عقلي لو سمحتي
عايشة بنبره جدية /لا سهاام انا اتكلم وصاادقه بكلامي
ابك انا من خلقت وانا مايجيني النووم ولا انام الا خمس دقايق بالكثير
ام عايشة ارتبكت لأن ههذا الشيء الغغرييب اللي جهلت سببه
لـ عايشة إ/ههء ااحءءءممم عايششة ماقلتي لي
ووين تبين تزورينن اذا وصلناا الشرقية
تبين تشوفين البحر ؟
عايشة تناظرهم بإستنكار -هي سمعت بالبحر لكن ماتوقعت بيوم بتشوفه حقيقه-/بحر؟
-
باس راس امه ويدها بخفه وبتسامه
ششددتهه لها وهي تخااف يطوول بشغلهه وينشغل بالها علييه
حاتم بحنيه /فمان الله يمه انتبهي لنفسش واحرصي على رااجح
-ترك عندها راجح خيله-
عزام ابتسم /راجح بعيوني
حاتم لف عليه وضضممه بقوة /لا أوصيك عليهمم
مصعب معه شسنطة ظهر اديداس وحاط فيها ثيابه وشمغهه
ويحاول يسكر السحاب .. ويعقد حواجبهه /يووووه ي حااتمم
مااشغلتت السياارةة ابكك متى بنععود احنا يالله ي رجال لاحقن علييهمم تعال
عودنا للبلاد
حاتم ناظره وعقد حواجبه وهو يشوف شنطته اللي كانت بالسيارة معه /ابك ويش تسوي انت ، وو وذي الشنطة انت من وين جبتها
مصعب وسسع ابتسامته وحط الشنطه ع ظهره /رفيق السفر انا
حاتم فاتح فمه وعيونه بصدمه وناظر جده؟؟؟؟؟
الجد ابورآجح ضحك /ابك انت ماتتوب من هالعلوم والخراش
مصعب /شهالعلم ! انا بخاويه --
لبى الخوي اللي مايخلي خويـه
وقت الصعايب والعواصف له شراع ..~
#بقلمي_البسيط ..
حاتم صرخخ ومسك رقبة مصعب /ششرااعع ..
انتت الخووويييي اممش ي ولد العم امممشش
مصعب ضحك مشى معه /اوخخ صرختك تخرش ي ولد
حاتم ضحك ولف على اهله وآشر لهمم وركبوا السيارة ومسكوا طريقهم للشرقية
مصعب مسك بطنه وناظر حاتم بطرف عين /ياولد ابقولك شي بس اخاف ترمي بي بذا
حاتم ناظره ؟؟
مصعب ضيق عيونه وابتسم /مشتهي حليب نيااااققق
حاتم عللتت ضححكتهه /ههههههههههههههههههههههههههههههههههههههههههه
اننتت مجنونن ولا مجنوونن يخووي هالحينن انت طالعن على الدنيا
تبي تشوف اللي يعجبك من انواع الاكل هناك .. والنعمة
مصعب شد على بطنه وهز راسه /هداية الله ثم شورك .
-
بعد ساعتين
كانت لافه وجهها للشباك ، ويدها تحت دقنها
وامها وزوج امها يسولفون
وسهام منسدحه وعلى جوالها
ابتسمت بذهول يوم شافت البحر قريب من الطريق
حست انها اشتاقت لهم .. ولـ زينة وجدتها وجدها وكل الباادية
اشتاقت تتنفس من هواهم .. وتمشي على ترابهم
بس كبحت ما بداخلها وتمنت يفيد اللي تسويه بأن ابوسهام مايطلق امها
لان امها لو ويش صار اصلن عايشة عافت انها بيوم بتاخذ بسمة حقيقيه من امها
وكلمة طيبة وذراع يحتميها وحضن يأنس وحشتها .. صارت لـ نفسها كل ما كان المفروض يجي من امها او من ابوها ..
صارت لـ نفسها كل ما كان المفروض يجي من امها او من ابوها .. صارت لـ نفسها كل شي
وتعودت على حالها وراااضيه فيه اتم الرضى .. لكن ممكن يكون فيه تار قديييم
يعيش وينساه من سببه ويرجع يبني حياته .. على حسابها
ويلعب بها ...
وهي بسسجه وتهووجس
سهام طقت كتفها /يالله وصلنا عويش
عايشة فزت وفتحت الباب ونزلت وحطت عبايتها على راسها
وتناظر البيت بذهول
اول مره تشووووف بييت! وبهالجمال!
كان واسع وفيه حديقة جميلة وتتوسطها نافوره صغيرة
وباب الفله الفخم
عايشة فاتحه فمها / هء هذا ويش هذا ؟
سهام مسكت يدها /هذاا بيتنا .. تعالي تعالي بس اوريك غرفتنا
وو بعد اوريك المطبخ والصاله وكل شييي اممشيي
عايشة شدت على عبايتها / ي بنتت شوي شوي لحد يشوفنا بذا
سهام عقدت حواجبها /من بيشوفنا ؟
عايشة فتحت العبايه وطلعت نص عينها /مابه بذا رجال ؟
سهام انفقعت ضحك /ههههههههههههههههههههههههههههههههههههههههههههههههههههه مابه الا السواق وابن امه يعتب داخل البيت اقول امشي امشي
عايشة نزلت عبايتها على اكتافها .. وكان عليها برقع البدو وعيونها مكحله بالكحل الاسود
وبدون اي اضافه .. دخلتها داخل غرفتها ../ شووفي شراايكك
وقبل م تنطق عايشة- / شششووفيي هذاا سريري وهذا سريرك وو وهنا الحمام-تكرمون -
عايشة عقدت حواجبها/حمام؟
سهام فتحت الباب /ايي كبير شووفي
وو بعد ماورريتكك ؟؟؟!! اايييه المطبخ والصاله وووو باقي اشياء كثيرر تعاللي نلحقق
نخليهم~
.
بالباديـة ~
جلست بأعلى الجبل عند الشجرة اللي قالت عنها عايشة
واستظلت بظل الشجرة وفيه برااادد .. جلست والهوا يلعب بفكرها و شعرهآا ..
تمنت لـ عايشة الراااحه عند امها ومحد يضايقها هناك
لانها لو تضايقت .. يمكن تفجرر بأي شي قدامها
لأن شخصيتها عصبيه وممكن تقدر تكتم لكن كل شي بحسابه ..
حست بخطوات شخص قريب لها
لفت بهدوء..اتسعت ابتسامتها /ارحب ياهلا عزام
عزام كان رابط عصبه على بطنه وعمآمته على راسه
ابتسم وواقف ببساطه وعيونه ع الارض /شفتش وقلت اسلم عليش
شلونش ي زينة عساش بخير ومرتاحه
زينة مبتسمه /الحمدلله زييينة .. طال الصمت بينهم
زينة دنّت له شوي .. واشرت له جنبها
عزام ناظر بصمت وابتسم جلس جنبها
زينة تنهدت /ااايييييه .. وعايشة اقفت عنا
عزام لف عليها/ وين اقفت به ؟
زينة لفت عليه /اقفت مع امها .. بس م ظنتي بتطول 'ضحكت بخفه' عايشة واعرفها
عزام ابتسم /ءءوليه راحت يعني
زينة /سسالفه طووييله
عزام /اايه ويش هي قوليها ؟
زينة لفت عليه وساكته وتناظره
عزام ناظر عيونها ، وبعد عيونه /قوولي يازينة .. حكيش ماعليه خوف محفوظ
زينة قالت له السالفه كلها / وعاد ماادري وييش ناويه عليه
عزام /وحاتم ومصعب اقفوا للبلاد
زينة / ههههه مصعب راح
عزام هز راسه /ليتك تشوفين وجه حاتم هههههههه لا وماخذ شنطته من السيارة
زينة علت ضحكتها البريئة /ههههههههههههههههههه خلله يووسع صدرره معهه شوي
عزام سج وابتسم .. نخليهم~
-
مصعب رافع رجله على الطبلون ومايل على المرتبه
ونااايم .. حاتم وقف قدام قصره .. وفتح له البوديقارد الباب /ياهلا طال عممرك نوورت مكانك
حاتم ابتسم /منورتن بك
البوديقارد ابتسم وبيسكر الباب انصدم من شكل مصعب /ططءال عمرك ، من هذا؟
حاتم ضحك على شكله /هذا ولد عمي ، نزلوه ودخلوه جنآح يرتاح
حط يده على كتف البوديقارد /و لاووصييكك به
البوديقارد ابتسم /ابشرر طال عمررك عودتنا على الكرم للضيف وغيره
حاتم دخل /الكرم منككم وفيكم ييا طيب ..
دخل جنآحه الواسع والفآخر ورييحة الطيب والبخور تعبي القصر كله
كان قصر عربي بكل ماتعنيه الكلمة
القهوة والشاهي والآكلات كلها جاهزة بأي وقت
والباب الكبير مفتوح لجل الضيف
اي ضيف يدخل ويرحبون ببه البوديقاردات وحاتم
واثآثه جمييل وشرررح ودور خاص للمطبخ والمخزن والغسيل
ودور خاص للبوديقاردات والخدم لهم كل مايحتاجونه .
دخل الحمام كرمتوآ .. تروش بمويا متوسط واسترخى
لبس بنطلون اسود قطن وبلوزه علاق سودآ مبرزه جسمه
مشى للسرير وهو مغممض خلاص م يدل الطريق
رفع الريموت وطفى اللمبات وسكر الستآير ورفع ع التكييف
وشد اللحآف ونااام ..
-
المغرب .. فتح عين وعين مسكره .. تلمس صدره وراسه والسرير اللي نايم عليه /وين انا ؟!
قام بسرعه بيمشي صقع بالجدار مسك راسه ومشى
يتلمس .. مسك الباب وفتحه .. انبهر /ييووه انا ووين هذا كله ويش
طلع وماعليه جزم وانقطعت رقبته وهو يناظر بالقصر وش كبره
شاف خدم مر / هيه ي ولد ووين انا .. ووين حااتم؟
الخآدم / انت بـ قصر حاتم طال عمره ، ليه مو انت ولد عمه ؟
مصعب /اييه ايه انا .. الا هو وينه
الخآدم /اء الحين هو نايم بجناحه .. تقدر تروح له اذا صحى
مصعب حك راسه /اايه .. اسمعني ياولد ابي قهوة تقعد الراس
وين القاها .. وين مشبّكم ؟
الخادم /مشبكم؟ ، اء تقصد المطبخ .. لا انت تفضل بالصاله واحنا نجيب لك اللي تبي
مصب افتح عيونه وسكرها اكثر من مره وعيونه قلوب / اييه زين يالله انا بروح
الخادم مشى خطوتين .. مصعب رجع له ومسكه / اصبر اصبر .. وين اجلس به ؟
الخادم ضحك / تفضل معي الصآله الكبيره
مصعب مشى وراه وشكله يضحك .. ويناظر السقف ويلمس الثريآ القرييبهه منه وبحكم طوله يقدر يلمسها
ويحس بإنجاز /يمين منتب سهل ي حاتم ، انتت بععذررك لو جلست بذا القصر
جلس على الصوفآ وكانت كبيره
غااص فيها
رفع نفسه وعدل جلسته ، تنهد وجلس وفتح رجوله بحيث يوزع جسمه على الكنبه
ابتسم ويحك ظهره على الكنبه
وجنبه شبآك طوييل له باب .. يطل على الحديقة
جا له خادم جديد /السلام عليكم .. الاستاذ حاتم طلب مني اعطيك ملابس وتتروش وتاخذ راحتك
مصعب فز وآشر عليه بسبابته /ااء انت وو .. وجهك يتغير كل دقيقه ولا ويش انت؟
نفس اللبس والجسم ووينن ذااك اللي توو وشحليله
الخادم ضحك وناظره من فوق لتحت على شكله /لا بس هنا فيه اكثر من خادم
وجميعنا بزي موحّد .. انت تفضل معي عشان تلبس وترتاح
مصعب /والقهوة
الخادم /على ماتخلص يكون الاستاذ حاتم صحى من نومه وتتقهوى معه
مصعب نقز من الكنبه /اي والله صادق يالله مشينا
نخليهم شوي ~
-
عايشة وسهام تناظر التلفزيون بحماس
عايشة لابسه جلابيتها واسعه وعليها شيلتها
وبسسسسججههه عجيب!
وشلون نسيت روحي بذاااك انا ، وشلون اقفييت عن ريحة ابوي
ولاخذيت منه شي معي
يمكن يطولون هنا  حست بفراااغ كبييير بصدرها
جاللسه بدووون روح ، مافيه حياة حقيقية هنا
كلها تعتمد على جوال وتلفزيون واكل وطلعات
مافيه اي مغامرة ولا فيه ضيف كل يووم يجي ولا فيه ذبايح ولا فيه بير ولا فيه زينه !!
تنهدت واحتسبت الاجر
دخلوا ام عايشة وزوجها /السلام عليكمم
عايشه وسهام ردوا
ابوسهام /يا هلا بعايشة نورتي البيت
عايشة وشيلتها على راسها ونص وجهها طالع لانه جايز اساساً /منور بآهله
ابوسهام /امري ياعايشة تبين تروحين ل شي ؟ او تبين حاجه ؟ تحت امرك
عايشة ابتسم بجمود /تسلم
سهام جلست جنب ابوها وحطت راسها على صدرهه /هههييي ترا اغار
ابوسهام حضن راسها بإبتسامة /لاا انتي الغالية
ام عايشة ابتسمت وصبت لهم القهوة
عايشة شافتهم مع بعض وتمنت زينة وجدتها وجلستهم المغررب ولا بالليل
ماتعودت على هالجو ابدد
قامت بتصعد الدرج /انا بروح ارقد
سهام ضحكت /انتي مو قلتي ماتنامين
عايشة ابتسمت /بروح اريح قصدي
راحت فوق بدون ماتسمع كلام احد
انسدحت على السرير وسكرت عيونها بهدوء
شدت على عيونها وتحاااووولل تذوووق طعم النووم
تنهدت تنهييده طووييله وفتحت عيونها وانقلبت على يمينها
وطرى ببالها .. ابتسمت وهي تهوووججججسس
-
قام وغسل وجهه وراح لـ الصاله وهو يحك راسه ويتثاوب /وين مصعب
مصعب نزل وماسك تيشيرته / شف شف وش عندهم
حاتم لف عليه وضحك /زين يازييين
مصعب يناظر كتوف حاتم /وانت وش ذاللي عليك الله شكله مررريييح
حاتم جلس على الكنبه /اذا جيت تنام قل لي اعطيك زيه اي والله مريح
مصعب جلس جنبه وجلسوا يتقهوون ويخططون وين بيروحون وحاتم يعرف مصعب على البلاد .
زينة جالسه مع ام حاتم والجده  ويتقهوون
زينة ماشربت قهوتها وتعاين السماء وسارحه
ام حاتم /ويش بلاش يازينه عسا ماهنا خلاف ، ويش صاير لجل ماتقهوين وتسولفين مثل كل مره
زينة تنهدت /لا ياخالة ماهنا شي .. بس الجلسه والقهوة والكييف ماله طعم بغياب عايشة
الجده /اي والله فاقدينها من غير شر
ام حاتم /اووه يالله عاد .. عايشة وين راحت به عند امها
ماهي عند احدن غريب .. واكيد مرتاحه ومستانسه بذاك
زينة نزلت راسها وحست بحرارة عيونها وهي تلووم نفسها
وشلون خليتها تروح وتقفي عني ؟ وانا اعرفها ماتبيهم ولا ودها بهم .. وشلوون ..
-
اعتذر لك ياصاحبي يوم انك قفيت 
ورحت وانا ادري بك ماودك الروحـه ..
..
بجيتك اكثر انا وبروحتك قلّيت ..
حتى العرب سألوني ويش نوحه؟
..
اعتذر لك انا اعتذر  كثر ماسجيت
وآخطها لك من ديوان دمعي وبوحه
-