ياعازف العُود صحّيت جفن الحزن من دقت اوتارك

٧

ابعت عنه بعييد وخابرةٍ حاله وحالها الله بها عليم وحال عينها الطافحه .. اقفت وهي تخاف من الجاي بالجاي من الليالي
تمنت من كل قلبها انه حلم وتفيق منه بأية ساعه
تصحى منه بأي مكان .. سمعت صوت يناديها ولا كنها تسمعه من كود حرّها وتكمل مشي
رد الصوت مرة اخرى وفاقت منهو راعي هالصوت مسحت عينها بسرعه ولفت له /لبيه
انخطف قلبه وهو يسمع صوتها المبحووح ولا يراها من كود الظلام /الا يابعد حيي وش مظهرش من البادية .. انا ابي وداعش ولا لقيتش ومير امشي وين انتي به .. وبعدين وش به حسّش ماجاز لي
ناظرته ومسكت يده بخيبه /تبي تمشي؟لاتروح اجلس معي بذا شوي .. ودي بك ولهتن عليك
ضمها ويدها بيده ودقنه فوق داسها /وش بلاها رويحة الغالي .. وش ببنية صقر من الضيق .. من مضيقها الله يضيق صدره
عايشة شدت عليه وشهقت /لاتدعي عليه طلبتك مايستاهل انا اللي اتدلع ابيك تجلس عندي ولا مابي شي
سكت شوي /حتى حاتم ماسلمت عليه .. خلي اسلم وارد لش
عايشة /لاتطول احتريك بذا
-
ٓٓدخلت تفقده وتدوره بين الحلال الين لمحته واقربت له ورفعت صوتها بنبره المرح /ارحب ياع
وشلونك عساك بخير
عزام دخل الكرفانه لخيول حاتم /اظهري اظهري يازينة لاتحوسين حالش فيذا يامرة
زينة /دخلت معه /وانا ابي اجلس معك اسولف شوي امش اطلع ولا ابي اجيك
عزام مسكها مع ذراعها وطلع وناظر اسفل جلابيتها بضحكه/ها شوفي حالش هالحين كود تسمعين الكلام مرتن اخرى
زينة ضحكت لضحكته ورفعت جلابيتها عن الارض / هههههههههههههههههههههههههههههه الله يطعني ياشيخ .. خل هالضحكه دوم على وجهك
عزام ابتسم /الله يسبق بي ابك تبي تحوسيني انتي .. مشينا للغدير اغسلي اللي جاش
زينة مشت معه وهي تضحك ٓ
-
سندت راسها على كتفه بصمت وهدوء وسعود يناظرها وعارف ان خاطرها ضايق مير ماهيب تكلّم .. ولاهوب متحمل يناظرها ويسكت /ياعويش وش بيش تكلمي لاتضيميني انفداش وش توجسين
عايشة ناظرت عينه وعينها مغشيّه /اوجس المرّ يابعدهم .. اوجس المر
سعود خمها لصدره بخوف / الا ياحيي ياعلني قبلش ولاتذوقينه .. ابك انتي ريحة صقر الباقية ووصيته الويحيده .. -ضحك يطيّب خاطرها- من شوي كل ماسلم احدٍ علي اوصيه عليش لايجيها شيٍ يزعلها واخرهم حاتم ها من شوي موصيه .. هها عاد ابي عينش تضحك مانيب متحرك من هنا الين تضحكين
عايشة شدت عليه من سمعت اسم حاتم .. وكن يوجعها قلبها لاجابوا طاريه
ناظرت عينه /ابي اقولك سر .. ابي محدن يعرفه
شد على يدها وابتسم /اسلمي يابعدهم وش تبين تقولين كلي لش اذون
مسكت يده وراحت وهو يتبعها وين ماتخط خطاها ..
-
جلس بصدر المجلس وعينه متصلبه بمكان واحد وبها الغبن يوزّع على العرب ويملاهم
ساج وكن مابه غيره بالمجلس ولا يوجس احدن حوله .. نغزه عزام وابوراجح يناديه ولا يرد ..
فز لعزام ورفع عينه له بصمت
اشر له عزام لابوه راجح ولف له حاتم /سم
ابوراجح ناظره وبيده الدله /تبي قهوة ؟
ابتسم ودنى له /صب لاهنت
-
سعود /وش جابنا لراس الجبل .. وش السر اللي ينقال بذا
عايشة جلست على الارض بركبها وتحفر ليمن شعرها يحجب الضوء عنها
دنى لها سعود ورفع شعرها وظل ماسكه ويناظرها وهي تحفر الارض
الين اظهرت منها اللي تبي ورفعتها /هذي هي الوصيه هذي البلا
سعود سحب منها الخيشة وفتحها وطلع الاوراق اللي داخلها وكنه عرفها .. وكن هالاوراق نفضت غبار تراكم بالسنين المضيّه
وكنها ترجع به .. وكنها تمسكه من اقصى ذراعه وتسحبه لقبل اكثر من 20 سنه
وكنها تعيّشه ذاك اليوم اللي اوجعه وزاد ضيقه ضيق .. وسمّه سمّ عجزت تاخذه المنيه من كوده
مسك الاوراق المنهريه وطقها من التراب ويفتحها بالهون لاتقطّع ولايجيها شي
وعايشة تطالعه وتفحّص ملامحه وعينها غشاها الدمع وهي تشوف خط ابوها وكلامه
قصيده ابوها عنها .. وعنه وعن حاله
وعن شوقه لها قبل يشوفها ، وقبل تقبل على الدنيا (كان يقصدها بالقصيده هي واخوها المتوفي ببطن امها بس ماقراها غيرها ولا عاش غيرها)
اما سعود حاله حاله بهالقصيده اللي حفظها ووسمها بعقله ولاهوب لاقيها
رفع راسه لها /وين لقيتيها به ، من معطيش ياها .. هاه ؟ يابعدهم من متى وهي معش
عايشة تناظرها / من خلقت .. -ورفعت عينها للقمر- وماخلقت لين عرفته وبغيته
سعود بهدوء / من هو
عايشة سكتت شوي وناظرت عينه .. وبعيونها لمحه حزن وبصوتها بحه وهمست له/حاتم
وسّع عيونه وانلطم ماتحرّك لسانه من الصدمه يبي يقول شي ! بس ماستوعب كلمتها
عايشة مسكت كفوفه وضمت بهن وجهها /ياعمي ياسعود يعلم الله ان اللي بقلبي شريف وطاهر .. وراس هالجبل يشهد -شهقت وشدت على كفوفه-وقبر ابوي يشهد
وانت القريب البعيد عني ياعيوني والله ماوشيت لك سرّي الا وانا خابره انك تومن السر وتحفظه عندك .. انت تدري وش كثر اغلي ابوي وصرت اغليه من غلا ابوي .. دلني على قبره ومحدن سواها قبله .. وقف معي بالايام الصعيبه .. استندت به .. واعتزيت به ومحدن يدري
حط كفه على فمها وبإبتسامه /بس بس لاتزودين مديح بالرجال .. ماتخبرين عمش تذبحه الغيره
حاتم لو ماني عارفه ماكان صدقت اللي تقولينه بس انه رجال وكفو .. وانا مانيب متحكمٍ بقليبش ولا باللي توجسينه مالي الحق .. ولانيب قادر
ومادام اني واثقٍ بيش وعارف من هي عويش ابوقف معش وابشري باللي تبينه
مسح دموعها بطرف شماغه وهو يضحك /ماعمري شفتهن ذولي وشّن ، هذولي حرامٍ عليش الدمع ياحيي مانخلقن لهالعيون
عايشة ابتسمت غصب وضحكت /وعندي شيّن ابقوله لك هو اللي ذابحني .. حاتم طلب يدي من امي ام عقاب
سعود استاسع صدره وحس بالراحه بأن ظنه ماخاب بحاتم /انشهد انه رجال .. اجل وش ذابحش ياقليبي وش بلاش
عايشة رفعت عيونها للقمر المكتمل /وانا مابي العرس .. ولا ابي حاتم .. ولا ابي غيره هو اوجس الهم التوا بي ويريد يخنقني .. انا من يوم ماعرفته وانا احسه ابوي ولا اخوي عمري ماظنيت بيوم انه يبيني والليله ارسل امه تخطبني للمرة الثانيه ، قدها امه خطبتني قبل سنين
سعود بحيره / وش اللي ماتبينه وتبينه وماتبين غيره .. ياعايشة انا ادري باللي بخاطرش وادري وش توجسين وخابر .. واستخيري وان شاءالله ماهوب صاير الا كل خير .. وانا بجلس هنيّا زود كم يوم ماني مخلّيش لحالش لا ضقتي ولا احترتي لايردّش الا لسانش .. انا جالسٍ هنا لجلش لاتخلين شيٍ بخاطرش
مير عندي طلب لش ياعويش ان كان لي خاطر عندش
عايشة /سم
سعود /ماابيش تشوفينه ولا تلتقين به لحالكم ياحيي ان كان شفتيه مابينكم الا السلام وان كان بينكم نصيب ولا الله يكتب الخير وين ماكان ..
سكتت لثواني وهي تناظر عمها وداخلها يرفض بشدة وعيونها مصدومه وتناظره
وكنها ترتجيه وكنها تقوله اطلب روحي ولا تقول لا عاد تشوفينه
لا عاد تلتقين به
لاعاد تناظرين عينه وتضحكين لضحكها
لاعاد تخمينه وتاخذين من ريحته شوي لصدرش تحتفظين بها لين يكتب لكم الله لقى
لمعت زوايا عينها وهي تناظر عمها .. كان طلب بسيط ومنطقي لكن ماتدري وش اللي ربط لسانها
واجبر عيونها بإظهار اللي داخلها كله من سوالف
من شوق من عين ضميانه ولا ارتوت
من قلب ضايع .. ولاعاد هو يدل بيته
ضحك سعود يلطف جوهم /هها عاد ياعويش لاتضيقين صدري انا ماقلته الا لجلش والرجال سوا اللي عليه وخطبش والباقي عليش
عايشة صدت /وانا مابي اعرس
سعود تنهد ومسك طرف غترته ولف راسه /الله يعين قلبي
-
دخل عليهم مصعب والابتسامه شاقه وجهه /السلام عليكم
ابوراجح وقف /يامرحبا ياهلا بالعريس ، والله ماهقينا نفقد حسك بس طلعت فقيده منتب سهل
مصعب ضحك /اصبروا ماشفتوا شي اني لا اخليكم تطقون بابي من الوله
سلم على عزام وحاتم بعالمه الثاني بعالمه اللي يحبه ويكرهه
مصعب ضرب يده بقوه وفزز ضحك مجامله يوم شاف مصعب قام وخمه بقوه
مصعب اختنق /بس بس ياولد خلاص
حاتم ضرب ظهره /لجل ماتعود هالحركه من شوي
جلس مصعب /ايه وش اخباركم احس اني من سنين عنكم
عزام /يارجال كلها ليلة وانا عن نفسي مستانس اخذت مطرحك وصرت ارقد به
مصعب /الا يالخسيس الا وين سعود
طلع حاتم عنهم وهو يتنفس بكل مابه من اكسجين ولمح سعود جاي
عقد حواجبه وهو يركز لين اقترب له وبان /سعود! بلاك مارحت
سعود ابتسم /ابك عايشه ارتجتني مااروح وماقدر اكسر خاطرها عينها ماهيب مثل العادة تضحك
حاتم نزل عينه وهمس /حسبي عليّ يوم كدرت خاطرها واخذت ضحكتها
ضحك سعود /متوعدتني مامشي الا وهي مودعتني .. وجاني خبر انك خطبتها
حاتم رفع راسه / ايه انا قبلها قايلٍ لك وعقب خطبتها امي من ام عقاب
سعود هز راسه /خابر خابر -همس له بصدق وكنها عنده أمانه-
دخيلك ياحاتم لاتزل دموعها ليمن اخذتها
دخيلك لااشوف على وجهها الخوف والضيق
عايشة اهم من روحي والهوا اللي اعيش عليه
اغلى علي من اهلي كلهم والله من لمحت الحزن اللي بعينها الليلة
تمنيت اخذها لصدري اخفيها عن العرب كلهم لايوذونها
عينها ماخلقها الله لجل تحزن ، خلقت لجل تضحك لجل تسعد
ماهو لجل تبكي وتسهر صنها وحافظ عليها لامن اخذتها
وانا وراها مثل الجبل الثقيل ماتضعفه عاصفه ولا هزته ريح
حاتم ببحه ضيق /وش بيك تقولي هالهرج وكن عرسي عليها باكر ،
ماظنتي انها تبيني ياسعود ، والى مابغتني غيرها يحرم علي
سعود ضحك وحط يده على حاتم / عايشة وانا اعرفها ياحاتم ماهي تترك اللي يبيها وتبيه
يكمل المشوار وحده ، وتبي تفهم كلامي
حاتم هز راسه بهدوء ومشى عنه بسرعه وجسمه يحررّه ويوجس بقلبه مقبوض بالحيل همس وحيله مهدود وصوته جهر بخفته/
حسبي الله عليك .. لا ماهو عليك
على عينك اللي تجذبني اليها
على خطاي اللي خذتني اليك
ماهو ذنبك الا ذنبك عليها
حسبي على روحي كثر م تدعيك
ولا انت بتجيها
حسبي على نفسي ماهو عليك
على روحي وانت روحي
وعلى نفسي وانت نفسي
وانت اللي تبيها ولا انت بتبيها
وانته محتويها
-
مر أسبوع وعايشة بحيره من امرها ولا طلعت من بيتها واجد وام عقاب تسألها عن ردها ولاهيب تعطيها الرد
كانت تطلع من بيتها لابغت تقابل عمها سعود ويحيي بها حب حاتم زوود
بهاليوم كانت تبي تنهي هالحيره اللي هي بها .. كانت بقعدتها من البيت تهرب منه ! تهرب من عينه لاتلمح اللي بوسط عينها
كانت تهرب منه وترجع بيتها تلقاه معها بكل مكان .. وقت ماتشغل عمرها وقت ماتحاول النوم ولا هي تدله ، وقت ماتبدأ صبحيتها ويا ابوعقاب كان معها دايم .. ماهو معقوله ياعويش ويش اللي بلاش؟! حين تهربين منه تلاقينه اقرب لش
وحتى بضيقتها منه تحسه قريّب ويوااسيها
‏-
مسيّان ، نهاية العصر وبدايه المغرب
قامت واقربت من شبة النار وجلست تحوس بيها وتهوجس !
زينة اقربت لها حطت كفها على كف عايشة ..وبهمس/عويش! يكافي عاد هالحيره اللي انتي بها
ماصارت هذي حاله شوفي عينش قد ويش هي ذبله ، وصوتش مايطلع الا بالموت
ويش الله بلاش فيه ؟ ويش اللي مخليش كذيه
عايشة ابتسمت /انا اشهد انه بلاء يازينة .. هذا بلا قلبي يازينه
زينة ابتسمت /يالله ياكثر ودي تردين عايشة اللي خبري بها من سنين .. ودي هالبلاء ماصار استغفرالله !... ودي انش تظلين عايشة البسيطه متى ماطقها الفراغ راحت تجمع الحطب ولا تشعل الضو .. ولا تصعد لها حدى هالجبال -ضحكت بقوة- ودي بهاا وياكثر مااقول ودي
عايشة قربت عنها وخمتها /هها عاد هالوله ههذا كله لي ؟
زينة عقدت حواجبها وقامت عن حضنها /اييه وش قالوا لش بلا احساس
ضحكت وشدت عليها .. /تبي تنفرج قريّب ان شاءالله
زينه /عاد تصدقين ياعويش .. تليقين له واجد .. انا اشهد بزينش وهيبته بين العربان اي بالله تليقون .. ويكفي انه يحبش ويبيش .. هذا وحده يريحني وخابره انه يبي يسعدش لنّش سعادته بمعناها .. لو تسمعين عزام وش يقول لي و حاله وش هي ..
عايشة تنهدت /اسكتي يازينة اللي بي مكفيني .. بس لزوم اقابله .. لزوم اشوفه .. اوجس روحي مفقوده عقبه
زينة / شوفيه وكلميه ، قولي لي كل اللي توجسينه له .. ازين من انه يروح ولا تروحين ولا يدري باللي بقلبش له ....
ناظرتها عايشه بخوف من فكره انه يروح ولا هي تروح .. ولا هو باللي داري ، ولا هي اللي ارتاحت وفرغت مابداخلها /يمديني هالحين .. تهقينه وينه
زينة ضحكت بقوه /يازينش ياعويش .. فزي يااهلي كلهمم يمديش الحقيي
عايشة قامت بسرعه وضربت طرف كتفها /اسكتي بس .. انا ابروح ، وان كاني لقيته ولا اللي يصير يصير
زينة اشرت لها بوداعة /الله يكتب اللي به الخير
مشت صوب الخيول وعينها تدوره بين العرب وصلت وهي تحسس الخيول بهدوء وتصدد عنها وتروح للظلال .. ماودها تلمح احدن غيره .. ماودها ترى غير زوله
وماتبيه لالمحته تشوف العتب بعيونه تبيه ياخذها وسط صدره وتاخذ من ريحته .. تبيه يكود على يدها لين ماتوجس عظامه ويا عظامها سوا
شال سطل المويه ومشى خطوتين شافها بوجهه ووقف وضحك ماصدق ماتراه عينه /ععايشة ، ارحبي
ويش حالش وينش مانشوفش ابك ولهنا على زولش
عايشة /تبقى ياعزام الحمدلله عايشة على اسمي
عزام بضيق على حالها /عايشة وبس ؟ انتي بخير ياعويش ! والله ان العرب كلها تزعل لازعلتي
عايشة ضحكت ونزلت راسها ضحكتت ليين بدت تدمع عينها /لا ياخوي ويش يزعلني
عزام قرب من مسقى الخيل وصب لهن الماء / يالله الله يبعد عنش الضيق ، الا وين زينه مهي معش
عايشة / لها شوي حول الضو و تحوس حول ام عقاب
وقبل شوي تسولف لي عنك
عزام ابتسم وهو مدنّق يصب الماء / بالله ! وش تقول
عايشة / .... قطع عليهم صوته
-
لبس ثوبه وحط شماغه على كتفه وعينه الذبله لها يومين جافيها النوم .. غرس اصابه بوسط شعره ورجّعه للخلف اكثر من مره .. وكثافه شعره اللي قلّه من يشوفه دوم يغطيه بالعمّه وتظهر اطرافه .. خلقته بشكل غريب!
مشى يدور عزام .. علت بحة صوته بإسم عزام /عزااام .. ياهيه
لفت وعزام ركز نظره على مصدر صوته / هنا هنا
مسك اغصان الشجر ودخل بينها لجل يوصل له بشكل اسرع /عجزت انام... بعد دقيقه من الصمت
وعايشة مانزلت عينها هدب عينها عنهه .. وكنه مشهد وتوقّف لمحتها .. لمحت نظرة العتب ونظرة اول مره تلمحها بعينه
عطاها ظهره وصد يمشي عنهم .. عقدت حواجبها ولفت على عزام
عزام ناظرها وهز راسه وكمل شغله وراح عنها غديها تروح له
ٓ
جرّت رجليها بالغصب تتبعه على خطاه وعينها تدوره .. لمحته يمشي حول الظلمه .. صوب الجبل
رفعت شوي من جلابيتها لاتعثر بها ولحقته بصمت وصدرها يكاد يتقطّع من قوّ دقات قلبها
مشى وهو يوجس احدٍ وراه .. كمل طريقه وبباله عينها من شوي ونظرتها
ياهي شوق ووله ، ياهي حب ، ياهي براءة وطُهر
سكر عيونه وتنهد اول ما وصل راس الجبل وريحة الصحرى تنعش روحه
سكر عينه وعزف بحته يطرب مسامعها /اقربتي لي عقب ماكنتي بعيده .. من خطبوش وابعدتي عن عيني وعن يديني ابعدت عنش وعزام ادرى بحالي وبعد المكان ماهو مثل بعد القلوب .. بعد الارواح عن بعضها ... كنت لانيب اللي يصبح بخير ولا يمسي بخير
وبليلة اقربت لش قبل تردين تبعدين .. اقربت لش حيل وعطيش حياتي وعمري كله لجل تعيشينه وياي .. وطلبتش انتي مابي زود من هالدنيا .. ابعدتي بالحيل .. بعدٍ يوجع وانا اللي اطلب يدينش وتخفينها عني وتعطيني ظهرش .. -حط يدينه على راسه وشد عليه وهمس - وش اللي تبينه مني .. لا انتي اللي تبيني ولا انتي اللي تبين غيري ! وش معناها ياعويش شيّبتي راسي ويمين راسي شاب وانا اهوجس بها بلا فود
ٓجمدت ملامحه من لامست اطرافها كفوفه بصمت ...
بدأ يرفع صدره ونخفض بصمت يوجع قلبه يبيها .. يبي يسمعهاا يبي حسها اللي وله علييه
اخيراً تكلمت .. ومسكت يدينه بتوثيق/حاتم
حط عينه بوسط عينها وهي تناظره بكل شعور ماقدر يوصفه
ماقدر يعرفه ولا يتعرف عليه .. نظرتها له تحيّره تشيّب راسه
اكتفى بأنه يطالعها وينتظر اي كلمة منها !
عايشة اكتفت بأنها تطالع عينه .. ماهو اكتفت الا عجز لسانها ينطق من لمحت عينه
تحسّه يقرأ كل كلامها .. مايحتاج تبرر وتقول وتعلمه وتعترف له بأي شي
ابتسم غصب عنه .. ابتسامته الناشفه و بعينه لمعه .. وكن عينه تقول .. الى متى ؟ / كما الطفل .. حين الكلام يحب السكوت .. وحين السكوت حس ضحكه يطول السماء والجبال
نزلت راسها بضحكه لين ابرزت وجنتيها
لجل تعكس بياض القمر .. وتعاند زينة السماء بكثرها ماتساويها
وهي وحدها زينة الأرض
طرى على باله اللي ليته ماطرى .. يوم وافقت على ابن عمها وهي ماتعرفه الا قليل .. وعذرها يوم نشدها بانه ابن عمي وهذا اللي يبيه جدي اقترب منها وفحيح نْفسه يضرب وجهها وصوته الجَهر يرعبها /زين ويش اللي مخليّش ماتخالفين على سعيد وعلي انا ترددتي .. هو جاش مني شين ! .. انتي سامعةٍ عني هرج .. ولا عقلش فر وغديتي منتي صاحيه !!! عايشة عقدت حواجبها وهي تسمع كلامه وكنه مايدري بإن جدها اللي غاصبها لولا انها كلمته وفهمته ..
وكود ماعندها احدن يعقد حجاجه عليها ولا يطوّل حسه معها كان له من المعزه والقَدر كبرها الصافي مايقبل الظلم .. وبحده نظرت لعينهه / حاتم! ووش هالهرج يابن راجح ماهقيته منك
فر عقله وشد على راسه لاينهبل من سواتها /وش اللي ماهقيتيه .. وش اللي ماهقيتيه .. يوم قلت مني صاحيه .. وانتي تشوفين عمرش صاحيه يوم اني ابغيش وتردينّي .. خليه ابن راجح لاتحبينه ولاتحبين ابن الشيخ وانسي العرب كلهم لا يهمونش .. هو انا مالي مكان بقليبش ياعويش .. هو انا مالي مقدار .. ماتريني شي .. مهو كنتي تبكين على كتوفي .. مهو كنت بغلا ابوش اللي كلن يسولف به .. -صرخ وبحته اوجعتها قبل يوجس بها-
هالغلا اللي محدن اخذه غيري اناا وبس مير انتتي اللي مدريي بلاااششش!!!!
درت بنفس علوّ صوته وهي تفرغ مابداخلها / وانا تحسبني ادري انا وش ابي .. انا شاب راسي .. مدري من الفرقى مدري من الضيقه .. لاتزيد ناري حطب وتشعلها زود على ماشعلتها .. ولا ترفع الصووت علي ابووي لو هوو عاايش ماسواها وماهو رجال من رفع حسه علي وليومك ماحد تجرأ -لقطت نفسها بالقوة ورجعت كملت وصوتها يبتحّ- انت تدري وش اللي بي ! تبي تشوفه شويّ ويمكن تضحك من سخفه .. الا خلني اقولك وارتاح مير كل البنيّ ليمن جاها احدن يخطبها جتها امها تاخذ رايها وتحكيها عن الرجّال .. ايه مثل ماسوت امي مع سهام .. يومٍ تاخذها تشتري لها اللي ناقصها ، ويومٍ تخاف به سهام تخمها وترقد وزانها ، انت تدري انك اقرب لي من امي وابوي .. كاني مانيب صاحيه بأنت صادق ، مابه احدن يغلي احدن اكثر من امه وابوه غيري انا ولابي قطرة ندم ولأخر عمري وانا ابيك .. هذا اللي كنت احتريه احتري امي تجي تدري عن حالي تونس خيفتي .. الليلة جيت لك عسى ابري حالي بلقياك .. سكتت ويدينها على وجهها تمنع اي دمعه حاولت النزول وتاخذ نفس وضحكت بصمت ../
انت تدري بأني وياك اغفيت جفني ولا ابيه يصحى
اغفيت معه عقلي ولانيب صاحيه ولا ودي اصحى دام العقل فيه فرقاك .. حاتم حس ضلوعه تكسّر وبالموت ياخذ نفسه .. انعمت عينه واقرَب يبي يخمّها يبي يصف ضلوعه .. ضلعٍ بآثر ضلع ويرد ترتيبها .. ويسوّر دارها بيسار صدره
ووقف من ابعدت عنه وردّت خطوه للورى وعينها على الارض ويدينها على وجهها
نزلتهن ورفعت عينها له /ابوي ابوعقاب .. عندك ان كانك تبيني .. كانك تبي وحدةٍ بلاها زولك
اقفت عنه وخاطرها طايب وعينها اللمعَه تضحك ..
"ياكود كلامه ويالينه على روحي ..
وياحدّة عيونه السود وياهي تصيب قلبي بسهومها "
-
حدّرت عن الجبل وتحس انها تطير ماهي تمشي من راحةٍ بقلبها حدتها
علّت ضحكتها زووددد من سمعت صوته بأعلى الجبل كما الذيب يصصررخخ وكنهه هم وانتزع منه بالموتت
كنه فرج ماظنه بيوم يفرَج .. وكنه وجع ماظنه بيوم يبرى
ضحك وضحكتهه ترنن بزوايا الصحرى
وكنه يدعي تربة الصحرى تفز تجوّد به لايطير من كود سعدْه
وده يقولها توسّعي ياارض ماعدتي تاسعيني
توسعي يوم اقبلت والحب يملي عينها
جلس لثواني على الارض ويده على وجهه وعينه ملتها دمع الفرح .. يعني بخلت علي بهالكلمتين اللي بغتني اطير اعنبو حيها وياقوّ قلبها .. غديت كني طفل يبغي اللي يبيه ولحدن يعاند
ماكفاه غير انه سجد وهو يضحك يضحكك ويشكر ربه على حاله بأول اليوم وحاله هالحين
نزل من أعلى الجبل يركض ولاحس بتعب الا يحس وده يركض الف كيلو من اللي يوجسه
راح يركض يدور عزام ومن لمحه خمممهه بقوووه ليين مااوجس ضلوعه تطقّ
عزام عض كتف حاتم بألم /حاااتتتممم ويش بلاااك
حاتم ابعد عنه وناظر وجهه ورجع خمهه وضحك /تقول ان كانك تبيني هذا ابوعقاب هانت ياعزام هاانتت
عزام ابتسم وشد عليه /كففو الحمدلله هذا انا قايلٍ لك اصبر والفرج قريب .. الله يتمم هالفرح على خير قل امين وهالحين فكني بديت اختنق
حاتم فكه /هالحين اكلمه ؟
عزام ضحك /ان كانك مشتهي تروح من يدك رح له اصبر خلها بكره
حاتم سكت شوي /اي بالله صادق ، والله ياخوك ماعاد صار بي عقل ماني مصدق ماني مصدق
-
ردّت وحيلها مهدود .. جلست وزان زينة ومسكت الحطب تحطهن على النا حطبة حطبة بصمت
زينة تناظرها /ايه .. طولتي واجد
عايشة ناظرتها /قلت له ان كانك تبيني هذا ابوي بوعقاب
زينة استاسعت ضحكتها /وشلوون يعني !
عايشة لفت عليها /وش اللي وشلون يعني
زينة طاحت فوقها وخممتها وهي تضحك /اخخييراً وه وه تو مااسفر وجهش ، اجل من الليلة عرس
عايشة ابتسمت /يقول لي منتي صاحيه يازينة كان يعاتبني ومايدري بأني اسعد خلق ربي بهالعتب
زينة /والله لو تعودينها وتضيقين صدره اني لا اوريش نجوم الليل بالظهر
عايشة كشرت /هالحين انا اللي مضيقتن صدرهه !
‏-
مرّ هاليوم وظنٍ كلن منهم سعيد ، زين ماتطير به الارض من السَّعد
-العصر ...
مصعب عقد حواجبه /وبعديين وش هالكلام ياسهام ، انا هالحين مابيش ترين امّش ؟ ولا ابيش
لكنّ انتي خابرتني هذي دياري وهذا مسكني مانيب اتعداه غير نوبٍ ويّا حاتم
وش يوديني لها ولا معي سياره وانتي خابره
سهام عيونها دمعت /بس انا ولهتت على امي وابوي بعد انت افهمني ماعمري بعدت عنهم هالكثر
مصعب ابتسم /طيب تبيني اوديش لأم عقاب كود ان امش تجي الليلة ولا باكر ومنه كود انها تطفي الوله
سهام بلعت ريقها ورجعت شعرها خلف اذنها /يالله ابلبس واجيب عباتي واجيك
ضحك اول مافزت تركض تاخذ اجمل لبسها ونست دمعها اللي حفر قلبه وكنّه هو اللي باكيه
بعد ربع ساعه .. جته سهام وهي فالّه شعرها لنصف ظهرها ومموج بطبيعته يحبّه
وجلّابية شرتها لها امها من البلاد .. وزادت على زينها الصافي مكياج من اللي عندها قبل خفيف ..
مصعب ابتسم يوم اقبلت/هونش علي بالزين
سهام ضحكت ودارت اكثر من دوره /ززيينن ؟؟ مسك طارف شماغه وعض عليه وهو يبتسم لعينها /ابك امشي امشي اعنبوحيّ عدوانش
سهام لبست عباتها بسرعه وطلعت معه ووصلها وسلم على ام عقاب وراح لخيمة الشيخ ابوراجح
جلس عقب ماسلم شوي ودخل عليهم حاتم ووجه عكس عن وجهه قبل كم يوم !
الا وجهه يرد الرّوح .. جلس بصدر المجلس وهذا اللي يحق له وهذا مكانه ، وبالتحديد جلس بين ابوعقاب وسعود عم عايشة
عزام بأول المجلس يناظره ويبتسم ، رد له بسمته حاتم براحه وجهر بصوته / ياشيخ ولا هنتوا يارجال كلكُم
ابوراجح /سم
الرجال الموجودين هم قرايب عايشه وحاتم ماهو احدن غريب .. توّ محدن جاء واستغل الفرصه حاتم لجل يخطبها من عمها وابوعقاب .. برك كفوفه على سعود وابوعقاب /العلم يخصكم .. انا شاري قربكم ياابوعقاب وياسعود ولاهانوا الرجال .. وابغي اطلب يد عايشة بنت صقر على سنة الله ورسلوله وشاريها بالدم وتبشر باللي تبيه .. وعهدٍ عليّ لاسعدها طول عمرها
انشرح وجه ابوراجح ، ويوم عن يوم ويزيد فخره بحاتم ويشهد برجولته ماعتمد على احد ولا ينهي اموره ولا يبتديها الا هو /عشت ياولدي وعسى يكتب الله اللي به الخير
ابوعقاب ابتسم وشد على يدينه /والله لو انه في يدي ماترددت وبدينا فالعرس الليلة .. لكن الراي رايها ياحاتم والله ان قربكم ينشرى بالروح
سعود ابتسم وضرب كتف حاتم .. من بسمته ومن ثقته وكنه درى بأنه وثق موافقتها .. وكنه درى عن معدن الوفاء الأصيل اللي يكتسي قليب عايشة /الله يوفقك ياخوي وقربك ياابوراجح يُفتخر به
مصعب ضحك /بالبررركه يااابن عمي شكل الغيره ذبحتك ورحت تبي تعرس
حاتم ضحك /ايه الغيره رمّدت قلبي لجل كذيه ابي اعرس
عزام /الله يوفقكم للي يحبه الله ويرضاه .. وتستاهل الطيب يابوراجح
حاتم ابتسم /الله يجزاك خير وعقبالك ياابوفزاع
ابوراجح بضحكه وياشر له بيده / ابد ابد لاحقكم
ضحك عزام وهو يثير نار الضو لجل تفوّح الماء ...
-
طلع سعود من المسجد عقب صلاة المغرب
وراح لعايشة
وقف قدام خيمة ابوعقاب يتحراها .. لين طلعت
وقفت مكانها وشدّت شيلتها .. /وش بغيت
سعود ابتسم /وعليكم السلام
زينة رفعت حاجبها وتناظره
سعود /اندبي لي عايشة لاهنتي
زينة /خير ان شاءلله
وراحت وقابلت عايشة قدام المراية وتسرّح شعَرها /عمش سعود برا يبغيش
اخذت شيلتها وراحت له وضحكت عينها من شافته /ارحب ياهلا بهالزول
سعود قبّل راسها وقبلت كفوفه وهي بكل مرةٍ تشوفه توجس زول ابوها قبالها /البقى ياريحة الغالي البقى
عايشة ابتسمتت وعينها بعينه /وش الطاري اللي جابك لي من جاب طاريي لك هاه ؟
سعود لف غترته على راسه ويراقب عينها /حاتم
تغيرت ملامحها لصدمة تحاول ماتبينها /هاه ! وش قال ؟
سعود ضحك ورفع حواجبه بحيله /هقوّش ماتدرين وش جاب طاريش بين العرب على لسان حاتم !؟
نزلت عيونها للأرض ووجنها كود يقطر دم من حَماره وسكتت
سعود بحب ومسك كفها /هاه ياعويش .. لاتكسرين قليب الرجال ، ووالله انه شاريش ويبغيش بدمه
وابشري بالسند ليمنّش تضايقتي هالقد منّه -واشّر براس اظفرهه-
عايشة اصبح كل مابها يرجف حتى يدينها اللي سعود متجودٍ بها .. ترجف /البارح لاقيته
سعود ضحك بقوة /حتى هذي ماصبرتي عنها ياعويش قولي لي وشلون قلبش يبي يَقوى يرفضه اذا انتي ماصبرتي وشفتيه .. مير عسى بهاللقى خيره ولاتعودينها تعصين كلامي
عايشة رفعت عينها له /جعلي راقده بمكان ابوي عاد عصيته
سعود خمها وشم ريحتها وكن صابته جنّه /استغفري الله ياعويش استغفري لاتضيقين خاطري
ابتسمت وشدت عليه براحه
-
بآخر المغرب
زينة وام عقاب وعايشة وابوعقاب بمجلسٍ واحد وعايشة تحوف الضو
ابوعقاب دنى من عايشة /الليلة ياعويش حاتم خطبش مني ومن سعود ، وكنه الولد صامل وزودٍ على ذا يقول انه شاري قربنا وشاريش بالدم وتبشرين باللي تبينه .. وياعويش ترا الرجال واهله غاليينن علينا وانتي خابرةٍ قربهم لنا وهذا حاتم مثل المرجله والكرم وانتي خابرته منتب تجهلينه
وقبلها امه جايه ولزوم تعطينا ردّش ذالحين ياحيي وماحدن لازمش على شي
عايشة بركاده وقلبها يكاد بظهر من محلّه /انا موافقه يابوي ، ولكن يابوي عندي  شرطٍ وحيد كانه يبيني ان كان الله كتب مابيننا عيال اول ولد ابي اسميه صقر وبس والله يكتب اللي به الخير
ابتسم واشر على خشمه/ابشري وعلى هالخشم .. ماطلبتي شي .. وعسى الله يوفقش
اي والله توني اوجس الفرح من سنين .. وتوّ الفرح ماكتمل لين اوصلش لباب بيته
عايشة خمته وضحكت /لاتقول باب بيته .. باب بيتكم تليق اكثر
ناظرها بإبتسامة وضحك وشدها وقبّل راسها
زينة ابتسمت من قلب /ممبروووكك مبروووك ياعوييش يالله وش كثر اونستيني يابعد حيي والله وابشري بالخير مع حاتم
ام عقاب /وانا بنيتي مهيب اقل منه ، لا اله الا الله زين وحسن ودلال وغنج وشذاره والسنع ولا مثلها بنسوان البادية كلهن ولا وحدتن منهن تجي عليها .. ابوعقاب ناظر عينها /اشهد لله
زينة /اجل قبل ياخذش حاتم ابي اعطيه وصاةٍ هذا طولها .. لايجيبش لنا بيوم زعله ولا يزعلش ولا يتركش لوحدش بالبيت وتستاحشين ويجيبش كل ليلة لي ولا يتركش تحطبين ياحيي مايطيعني قلبي ووبعد لاينسى يظهرش كل ليلة يونس قليبش وولامنّي ولهت عليش تجين ترقدين عندي
ابوعقاب عقد حاجبه /هاه ! هو انتي ماشبعتي منها .. خليها تسير بدربها يازينة وكاد ناله عليها
عايشة فزت من على صدره وتناظره/هاه .. هو انت تبي الفكه مني !!
ام عقاب تغيرت نبرتها /لا ياقليبي ، لايابعدهم من يبي الفكه من هالزول وهالطيف الا ياجعلني قلبه ولاذوق فقده
ابوعقاب /استغفري الله يامرة وش هالطاري
زينة خمتها وتاخذ من ريحتها .. ريحة طيبها وعودها /لا يابعدهم وش الدنيا بليّاش
عايشة تضايقت /يووه يايمه هالطاري لاعاد تجيبينه ضيقتي صدري
ابوعقاب ابعد عايشة عنه /يالله يالله انا ابهجّ منكن الرياجيل يتحرونّي
عايشة شدت عليه /وهو انت مغير معهم ياقليبي الوكاد انك تبينا ناله عليك
ابوعقاب فكها بالقوة وهو يضحك /ايه ماجاش شي لي هالحين مابعد اعرستي ولاعرستي تعرفين وش هو الوله .. عايشة عقدت حواجبها /والله مايردني عنكم ولد ابوه ووابي اصبّح وامسّي عندكم
زينة /والله شكل محدن يبي يتقطع وله غير حاتم ياوجدي عليه
‏-
أنتشر خبر خطوبة حاتم وعايشة والشيخ ابوراجح حكَم ان كل ليلة تذبَح الذّبايح وكلن معزوم الين مابعد العرس بيوم ...
واهل عايشة جوا وجالسين عندها لين بعد العرس وكل اهل حاتم واهل عايشة فرحين والارض ماتاسعهم من الفرحه ....
واغلب هلَ البادية باركوا ولكن ماكان الكل مبسوط على هالعرس
فـ اغلب بنات البادية رسمن امهاتهم حلم الزواج من ابن الشيخ ..والشاعر ، ومضرب المثل بالمرجله والمروّة .. واكيد كم وحدةٍ منهن حلمت تاخذه ولكن الحلوم ماهي حقيقة !
واما عن عايشة فـ كانت عيون تطالعها من بعيد لين اعماها الشر وهي ماتدلّه
يعني معقوله .. خطبها ووافقت وتبي تاخذه .. وجايبينّي لكن يتحرّق قلبي وانا بكل ليلة اباكل من ذبيحة عرسهم وابروح ابارك لها بأنها اخذت غيري !!!
-
اقترب منها وسحب السطل الثاني بإبتسامه وعباه ماء من الغدير ووقف جنبها /وش تسوين
عايشة ناظرته ونزلت راسها وميلت فمها وبضيق لين بانت غمازتها حدر شفاتها ودنقت تبي تاخذ منه  السطل ووخره عنها ودنى منها يمازحها/وش بلاها شيخة البنات ، هاه ، وش بها ياعلي العمى ان زعلتها
رفعت عينها له وناظرته بعصبيه /لاعاد تدعي على عمرك
عض طرف شفاته وعينه على عينها وقلبه يضرب ياقوّ نظرتها وكودها على قلبي .. قرب منها وقبّل جفنها واهدابها وهو يضحك / وهو انتي تخافين علي ؟
عايشة ضحكت غصب وعينها تضحك بوسط عينه /ابتس انا وشلون تحديني الضيقه وانت حولي وبوجهي بكل مكانن اخطيه
حاتم عقد حواجبه ومسك يدينها / وش مزعل هالعين من يقواه قلبه
عايشة /مدري ياخوك بعض العرب ليمن قال الهرج مايحسب له حساب من شوي بمجلس النسوان
حاتم رفع حاجبه /ياخوك ؟ احترميني ابك انا رجالش ، وبعدين من هاللي قاله وكدر هالخاطر افصل راسه عن باقي جسمه ..
عايشة بغيض /صادق ؟ افصله وكوّد قبال عيني لجل يتّعض غيره
حاتم ضحك  بحب ومزوح/ويمين ياعويش انهم مغتاضين منش ومحترّات اجل به احدن يشوف هالزين وهالدلع ومايغتاض ، ولا بعد زودن على كذيه خاطبش حويتم .. ماعليش منهن والقيهن مقفّاش
عايشة كشرت /ان كانهن يرمنّ هالهرج لجلك يبطن عليك مقصورات العمر
حاتم ضحك بصوت عالي ورش على وجهه من الماء اللي بالسطل /يمه ياقلبي وياوييل حالي ، ابك خذوني عنها ذي لاتعلق بي
عايشة ضحكت /هاه بس عطني السطل لجل اوديه لاتشيش ام عقاب
حاتم اخذ السطل منها /امشي امشي غدي اشبع منش لين يحلها الله
ضحكت ومشت معه لين بيت ابوعقاب
ام عقاب / لا اله الا الله تحيطهم ماشاءلله هالوجيه اللي ترد الروح
حاتم ضحك /وجهي ولا وجهها ؟
ام عقاب /القمر مايزين بلا سماه
حاتم لف عليها /الوكاد انها قمري وسماي
عايشة ابتسمت ومدت لأم عقاب المويه /يالله انا ابي ادخل اسوي القهوة واشب الضو بغيتوا شي
ام عقاب ناظرتها /هو ! اعزمي ابوصقر معش ، زينة عند سهام
عايشة ضحكت من قالت ابوصقر وناظرته /هاه يابوصقر حياك
حاتم ضحك /انا علي شبه النار وانتي القهوة
عايشة /اجل الحطب شفه ورى الخيمه وانا بولّم الدلال ٓ .
-
سهام حطت القهوة / وه يابنية ولهت على هالوجه ويينك
زينة توازنت /اصبري يختي هالمكان غريب خلي اتعرف عليه شوي
سهام ضحكت /لا اجل تعودي عليه
زينة /ايه قولي وش اخباركم انتي والرجال هاه متى بتجيكم زينة ؟
سهام عقدت حواجبها تحاول تفهم وطيرت عيونها /وش زينته بعد ، وبعدين تو الناس تونا مالنا حول شهر
زينة ضحكت على وجهها معصبه وخجلَه / الا متى تبي تجي امش
سهام تصب قهوة/ عاد تدرين يوم دقيت عليها وقلت لها عن عويش وحاتم تشنجت الظاهر -ضحكت وهي تناظرها- سكرت بوجهي على طول
زينة استغربت /انتي صادقه ؟ وش نوحها ذي
سهام /والله مدري كنت ابسألها متى تبي تجين بس ماحصل
-
حط الحطب وووقفهن وطلع من مخباه كبريت وشبه وهو يحوطه بكفوفه لجل مايجيه الهواء ومركز وكل ماطفت رجع يشبها
وكل ذا تحت عينها وهي تناظره وساجة فيه وتبسمت بهدوء يوم زفر والنار كل شوي تطفي
قربت له وحطت كفوفها على كفوفه /قرب شوي الهواء بارد ويبي يطفيها اشعلت الكبريت وحطته وحطت عليه عسب النخل الجافّ لجل يشتعل بسرعه وبدت تشب الضو .. عايشة سكرت عينها وهي تشم ريحتها /ياااه ياريحة الحطب الا يابعد حيي هالريحة
حاتم /هاه وين الدله
عايشة مدتها وحطت صندوق خوص يتسكّر بخيط
حاتم /وشو ذا ؟
عايشة ضحكت وفتحتها / هذي عدة القهوة حقتي
كان بها زعفران والهيل والقهوة ومسمار وكل اللي ممكن ينحط بالقهوة / ابد كل من يبي قهوة يتنقى واحط له اللي يبي مدلعتهم
حاتم ضحك لضحكتها /عقبالي ان شاءلله
عايشة /الماء فاح الماء
حاتم وقت على ركبه وهو يفتش غطاء الدله /يالله تصرفي وسويها ودي براسي يدوخ من زينها
عايشة /هذي قهوتي يارجال انت صادق ؟ تبي تجي كل يوم وتطلبني اسويها
حاتم ضحك /لا ابشري مانيب متقهوي غير عندش
عايشة /ابد كل ماشتهيت قهوة اقلط
حاتم عدل غترته /عاد تدرين ان القهوة دايمٍ ريحتها عند خشمي
عايشة ضحكت /من تالي ولا من يومك
حاتم ضحك /من قبل شوي .. خلصت من القهوة وجلست معه وخلتها تطبخ
حاتم /الا ماقلتي متى تبين العرس .. انا هالشور مخليه عليش
عايشة رفعت حواجبها وناظرته نظره طفولية /انا ؟
حاتم معه دفتر صغير ويكتب شوي ويناظرها /ايه انتي به عروسٍ غيررش ؟
عايشة ورّدت وجنتيها وبانت غمازتينها .. رفعت عينها له وهي تضحك ويدها على فمها وكن الخجل اربكها وماقوَت تهرج  وقامت تصدد ..حاتم ناظرها وابتسم نصف ابتسامة /بلاش انتي ؟
عايشة اخذت نفس /بلاي .. الله لو تدري وش بلاي
حاتم وعينه على الدفتر رفعها عليها وضحك /وشهو بس .. لايكون مبتليه بحدن غيري
عايشة تنهدت ورفعت شيلتها /ايييه
حاتم /من هو بلاش
عايشة شافت القهوة تطيش وصرخت /القهههوه القهوه
فزت ومسكت الدله بقطعة قماش /ياويلي
حاتم /عسى ماصار لش شي
عايشة /لا وانا بنت صقر
بعد دقيقتين .. اخذت الفناجيل وحطت التمر ومعمول امها اللي تجيبه من الديرة .. صبت له قهوة ومدتها
حاتم /تبي رايي
عايشة اخذت تمره /مايحتاج تبي تعجبك واجد مدحوها
حاتم / اسمعي هالدقايق وش طرى علي من الابيات