မေတ္တာ 'လွန်' (Editing)

Ep-17

အပိုင်း(၁၇)

၂၀ ရက်နေ့...

ယနေ့ အက္ခရာအတွက် ပထမဆုံးရင်ခုန်ရတဲ့နေ့ပင်.
စွဲညှို့လည်း တစ်ဦးတည်းသောသူငယ်ချင်းအနားမှာ ရှိနေပြီး မင်္ဂလာကိစ္စ အဆင်ပြေပါစေ ဆုတောင်းပေးမိသည်

မဟာရော မင်းခန့်ညားရော စွဲညှို့ကို မြင်တော့အနည်းငယ်အံ့ဩသွားကြပေမယ့် ခေတ်ကတော့ အံ့ဩဟန်မရှိ စွဲညှို့ထင်ပါသည်
ခေတ်က အက္ခရာနဲ့ဆုံဖူးတာကြောင့် ယခုစကားကမ်းလှမ်းရာတွင် စွဲညှို့ ရောက်အောင်လာလိမ့်မည်ဆိုတာကိုသူသိပါသည်
ထိုသည်ထက်ဆိုးသည်က စွဲညှို့ခေတ်ကို သေချာစွာလိုက်ကြည့်နေပါသော်လည်း  ခေတ်ကသူ့ကိုတစ်ချက်ကလေးမှတောင်ကြည့်မလာ
စွဲညှို့ခေတ်နဲ့ဆက်သွယ်ဖို့နည်းအမျိုးမျိုးနဲ့ကြိုးစားပေမယ့် ခေတ်ကသူ့ကိုတချက်ကြည့်လိုက်တိုင်း စွဲညှို့ လိပ်ပြာမလုံသလို အကြည့်ပြန်လွှဲကာ မရင်ဆိုင်ရဲဖြစ်ရပြန်သည်..
စွဲညှို့မျက်လုံးအိမ်ထဲတွင်တော့ တောင်းပန်စိတ်အပြည့်နှင့်ဖြစ်နေပေမယ့်  သွင်တစ်ခေတ်သည်သူ့ကိုတစက်ကလေးမှကြည့်မလာတာကြောင့် စိတ်မကောင်းဖြစ်မိသည်..

အက္ခရာရဲ့ မင်္ဂလာကိစ္စဆွေးနွေးမှုက‌အနည်းငယ်ကတောက်တဆ‌လေးရှိခဲ့ပေမယ့် နှစ်ဦးသဘောတူချစ်ကြိုက်ကြသည်အတွက်ကြောင့်အဆင်ပြေပြေပြီးသွားခဲ့သည်..
အက္ခရာနဲ့ မင်းခန့်ညားဆုံတွေ့ပုံက ရိုးရှင်းခဲ့ပေမယ့် လက်တွဲဖို့တော့ ခက်ခဲခဲ့သည်
မင်းခန့်ညားက အက္ခရာ အဖေပိုင် ခရီးသွားလုပ်ငန်းတေထဲကမှရန်ကုန်ရုံးချုပ်တွင် ရာထူးကြီးကြီးရထားသူဖြစ်ပြီးအရည်ချင်းရှိသူလည်းဖြစ် ရိုးသားပြီး တည်ကြည်ဖြောင့်မတ်သူဖြစ်တာကြောင့် အက္ခရာနဲ့ လက်ဆက်ဖို့အရေးစဉ်းစားပေးခဲ့တာလည်းဖြစ်သည်
သည်မင်္ဂလာပွဲတွင်တော့ တင်တောင်းငွေသည်အဓိကမဟုတ် သူတို့နှစ်ဦး၏ ချစ်ခြင်းခိုင်မြဲဖို့သာအဓိကဖြစ်ပေသည်
စကားပြောဆိုခြင်းအထမြောက်ခဲ့သလို စေ့စပ်ပွဲရက်ကိုပါ တပါတည်းသတ်မှတ်လိုက်ကြသည်
မင်းခန့်ညား နိုင်ငံခြားခရီးစဉ်တစ်ခုကြောင့် ပြည်ပထွက်ရမည်ဖြစ်တာရယ် အလုပ်ကိစ္စနှင့်စပ်လျဉ်း၍ ရက်ရှည်မည်ဖြစ်တာကြောင့် စေ့စပ်ပွဲရက်ကို အစောဆုံးစီစဥ်ခဲ့ကြသည်