ប្រទេសJ ក្រុងY
ក្រុង Y ជាក្រុងដែលពោរពេញទៅដោយក្តីស្រឡាញ់និងក្តីស្អប់នៅពេលយប់ ។ ពន្លឺភ្លើងបំភ្លឺឆ្វេចឆ្វាចចាំងពេញដងផ្លូវនៅបង្កាន់ដៃសំណាក់មានស្រីស្អាតជាច្រើន ។ ក្រុង Y ដែលពោរពេញទៅដោយសំណាក់ស្រីបនជាច្រើនដែលមកធ្វើការព្រោះជំពាក់បំណុលនិងត្រូវយកមកលក់ហើយធ្វើការសងបំណុល ។
ខ្ញុំ ថេយ៉ុង កើតមកក្នុងគ្រួសារក្រខ្សត់ អត់ឃ្លានហើយត្រូវមនុស្សក្នុងតំបន់មើលងាយទៀត ។ នៅពេលដែលខ្ញុំចាប់កំណើតម្តាយខ្ញុំបានព្យាយាមសម្លាប់ខ្ញុំជាច្រើនដងតែខ្ញុំមិនស្លាប់រហូតដល់ខ្ញុំកើតមកគាត់នៅតែព្យាយាមសម្លាប់ខ្ញុំទៀត គាត់តែងតែវាយនិងបន្ទោសខ្ញុំថាជាបន្ទុក ប៉ុន្តែទោះយ៉ាងណាក៏ខ្ញុំនៅតែមិនស្លាប់ ខ្ញុំនៅតែទ្រាំរស់ ។
រូបរាងកាយប្រឡាក់ដោយធូលីដី ដែលមនុស្សជាច្រើនខ្ពើមរអើមនិងមើលងាយ ។ បន្តរស់ទាំងលំបាកពីមួយថ្ងៃទៅមួយថ្ងៃរហូតដល់ខ្ញុំអាយុ១៧ឆ្នាំ ខ្ញុំត្រូវបានឪពុកខ្ញុំយកទៅលក់នៅផ្ទះបនបន្ទាប់ពីចាប់ភ្លឹកបានថារូបរាងកាយខ្ញុំស្រស់ស្អាត ហើយទីនោះជាកន្លែងដែលកែប្រែជីវិតខ្ញុំ ...
« អ្ហា៎...មើលចុះក្មេងនេះមានសម្រស់ស្រស់ស្អាតណាស់ មិនគួរត្រូវមើលរំលងទេ » ថៅកែស្រីញញឹមសប្បាយចិត្តពេលដែលសម្អាតខ្លួនអោយ ថេយ៉ុង រួច ។ មុខដែលមានទម្រង់ស្រស់ស្អាតពីកំណើតរបស់គេអាចនឹងនាំភ្ញៀវអោយមកសំណាក់បនរបស់គាត់កាន់តែច្រើន ។
« ថៅកែស្រីភ្នែកមុតពិតមែន » ស្រីស្អាតជាងគេនៅក្នុងសំណាក់បនក៏លើកនិយាយឡើងមុននឹងលើកមុខតូចស្អាតរបស់ ថេយ៉ុង អោយងើយឡើងខ្ពស់ដើម្បីគយគន់សម្រស់ដ៏ឥតខ្ចោះរបស់គេ ។ ថេយ៉ុង ក៏បានត្រឹមតែនៅស្ងៀមអោយក្មេងក្នុងសំណាក់ជួយរៀបចំខ្លួនអោយនិងទទួលបានការបង្រៀនពីច្បាប់ទម្លាប់និងវិន័យ ។
កែវភ្នែកខ្មៅនិលដែលល្ហល្ហេវសម្លឹងមើលទៅភ្ញៀវដែលចូលមកក្នុងសំណាក់បនជាហូរហែរ ថ្ងៃនេះគេគ្រាន់តែត្រូវបង្រៀនពីច្បាប់មិនទម្លាប់ប៉ុណ្ណោះទើបនៅពេលយប់គេគ្មានអ្វីត្រូវដូចអ្នកផ្សេងទៀតដែលអង្គុយកំដរផឹកស្រានិងបង្ហាញពីចំនាញខាងតន្ត្រីនិងរបាំកំដរអារម្មណ៍ភ្ញៀរ ។
