إنتقام إمرأة ♡ بالدارجة مكتملة ♡

الجزء 8

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny
الجزء 36
جبران:: (حط فورشيط من ايدو وخدا ايدها قبلها) وغتبقاي هكاك ان شاء الله كولي باش نمشيو
روجين: : فين
جبران:: عندي بلان فراسي يالله فكرت فيه فاش كننا كندورو
روجين:: مغتقوليش؟
جبران:: لا حبيبتي
روجين:: اجي علاش اول مرة سولتك قلتي لي سميتك ليث جبران ومقلتيليش ليث جبران العلوي
جبران:: ههههه مكتعجبنيش
روجين:: اممم زعما كون معرفتش باباك وعرفت كلشي كيعطليه مسيو العلوي عاد سمية فلوراق منعرفش
جبران:: بصح كلشي كنقولو غي سميتي معندو ميدير بلكنية مع فيها جوج متنلقاش مشكيل
روجين:: مي عجبتني جبران كثر من ليث
جبران:: هممم زعما
روجين:: ايييه
جبران:: اشجانا
روجبن::شنو
جبران:: اشجانا تقلتي شيحاجة عجباك فيا واخا غا سمية مهم عندي أمل
روجين:: ههههه شنو ندير انا هك
جبران:: (تنهد) ولليتي هك
روجين:: لا بالعكس هادي الحاجة للي خلالي موت واليدية كنحاول نكبت راسي فكلشي غير ديك هاد لبلاصة زوينة كنخرجها غير بزز كنخاف تعجبني الحاجة ولا نولف على شخص لي (سكتت)
جبران:: ايمشي واخلليك
روجين:: اه ونقد نقول شنو وقع زاد خلاني نبقا على هاد الحال
جبران:: ماشي حل اروجين عارف نفسيتك باقا مأزمة خصوصا من طرف عائلتك لكن خصك تعرفي بللي كينين ناس باغينك حتى هما وتاهما خايفين اخسروك (تنهد) وغنمشيو غير لباسم عارفا شحال عزيزة عليه
روجين:: ويي باسم للي صبرني طول هاد السنين كان حنين وفوقما دير ممو شيحاجة كيجي فصغر كان كيلعب معايا وايراضيني بفنيدة ولا شكلاطة وفكبرنا ميمكنش ميعاتبش ممو حتى الى مهضرش كيجي خالي كيشريها ليها
جبران:: شفتي
روجين:: تعودت على هكا
جبران:: واخا غيجي نهار للي غنبدلك فيه فخبارك حيت ضروري اروجين تعبري على شنو داخلك
روجين:: كنقول
جبران:: غا لحوايج السلبية وماشي كلهم وهادشي مامزيانش شووفي دابا ولاو مواقع التواصل شتي غير ديك تلوحي صورة وتحطي مريضة ولا فرحانة ولا اي حالة انت فيها راك زدتي خطوة للقدام اما باش تبقاي حابسة راسك هكا راه صعيب (تنهد) مهم صافي نسدو بب (مع الكلمة هزت عينيها بتوتر) نوضو ساليتي
روجين:: وي ساليت يالله ......... عيط لسيرفور جا خدا لحساب وخرجو عطاها سوارت السيارة جلست فيها وطلع هو للمركز التجاري حتى تم خارج جار فاليز صغيرة حطها فالكوفر وركب
روجين:: لاش شاري فاليز
جبران:: هههه غا ملقيت فين ندير لحويج للي خديت وششت بلا اسئلة باغا لما ناخدوه قبل منشدو طريق
روجين:: واش غنسافرو
جبران:: غير ساعتين ونوصلو مابعيدش بزاف
روجين: اوكي خود الما .........
#يتبع........

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny
الجزء 37
تحرك حتى بانلو سوبر ماركت دخل خدا ما وخدا سقاطة عارفها معاها رجع ركب وتحركو هادشي غا يالله كلات وخددات الشاسي جبدت شكلاط وبدات
جبران:: باقي فك الجوع متغديتيش مزيان
روجين:: هه لا ميمكنش نققاوم الشكلاط
جبران:: (ابتاسم) بالصحة
روجين: ميغسي ........ كملت ماكلتها هزت تلفونها ضروري من السيلفي وزيد الاغاني مطلوقين مهم بقات مدوزة وقتها ومرة مرة تسولو على شيحاجات فالطريق دخلو وسط شجر وجبال ولخضورة داكشي زوين حتى وقف حدا واحد الدار حل لباب هبط ودار حل ليها هزت راسها فالشلال هابط من تم بقات كتمتع عينيها فهاد المنظر اما هو فجبد الفاليو ولي شاسي هزهم دارت شافت فيه مبتاسمة تعلات طبعت قبلة فخددو
روجين: غنباتو هنا
جبران: : اه
روجين:: نحططو هادشي ونهبطو للشلال
جبران:: واخا اجي ...... تقدم هو حل الباب دخلو  هي دارت فالدار استكشفتها كانت كوزينة وجوج بيوت وصالة محلولة ودريجات مع طلعو كان غير سرير تماك حلت البالكون وبانليها من تم الشلال
جبران:: (حط داكشي للي شراو تم وجا وراها حاوطها من خصرها) عجبك هنا
روجين:: اه زوين (غمضت عينيها) مريح هنا
جبران:: شنو بان لك نبقاو شي ايام هنا
روجين: : (حلت عينيها ودارت عندو) وخدمتي
جبران: : الوليد مغيقول والو عارفني جاي غير على قبلك
روجين: : تنشوف خللينا دابا نهبطو
جبران:: واخا اجي ....... تم غادي هي وراه حط تلفونو وسوارت خرجو سد الباب غير هكاك الدنيا مأمنة هنا مع تحركو وقفتهم بنت وامراة
امرأة:: (امرأة فالسبعينات تقريبا تجاعيد على وجهها وبشوشة بداو كيتكلمو بالانجليزية) مستر ليث
ليث:: السلام مدام كرستين لباس 
كرستين:: الحمد لله اولدي وانت بيخير شحال مشفناك غبرتي علينا
ليث:: مع الخدمة هدا لاش (دار عند البنت للي عينيها محيدوش من على روجين) كاميليا لباس
كاميليا:: وي وانت
ليث:: مزيان كيف بقيتي
كاميليا:: الحمد لله مزيانة كلشي بفضلك (عينيها كيمشيو لروجين للي غير مقابلاهم )
روجين:: ( خشات ايدها فايدو وهضرت غير بالدارجة ) شكون هادو
ليث:: من بعد ونقوليك مدام كرستين نقدم لك روجين
كرستين:: مرحبا ابنتي مرتك زوينة اولدي
كاميليا:: مرتك؟؟(شافت ايديهم) ملابسينش خواتم
ليث:: نو باقي (ضحكت ) مهم نخلليكوم دابا .(جرها وتحركو ورجعت دارت روجين بلاما تعيق بانت ليها لوخرا باقا حاضياهم ورجعت شافت قدامها ... وصلو للشلال للي كان قريب بزاف من تم بطلتنا مفكرتش جوج مرات حيدت سبرديلتها داغي ماجا فين ايدور ايشوفيها حتى تلاحت )
جبران:: واااش حمقاااا .......
#يتبع.......