إنتقام إمرأة ♡ بالدارجة مكتملة ♡

الجزء 35

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny
الجزء171
صابر:: (كيدور فالمكتب وكيهضر)كان خطأ وماشي بايدي غير لعبو عليا مها مللي حملت هربتها بنت خالتي وماشي بزاف باش قالتليا هادشي حيت كانو قالوليا الولد مات
جبران:: (مللي بدا الهضرة سكت وتبع معاه وهو مخنزر) واش كتحماق عليا ولا مالك
صابر:: تهدن مالك
جبران:: واش داري منوض فيها روينة خرجت باش نبرد على راسي جيت هنا لقيت هاد تخربيق واش باغين تحمقوني
صابر:: جلس
جبران:: هاهو جالس
صابر:: البنت معندها دنب فهادشي انا سباب كلشي
جبران:: شنو باغين منني
صابر:: والو متعكسش مع البنت عارف موضوع مخربق وجا على غفلة مي مقدرتش نتعطل وانا شفت الحالة للي عايشة فيها وانا غنسافر بغيتك تسكنها عندك
جبران:: مغنسكش عندي وحدة مكنعرفهاش وزيد مرتي ماكيناش
صابر:: فين روجين
جبران:: خوات دار وزادت
صابر: شنوووو علاش شنو واقع
جبران:: من بعد المهم دير فبالك هادي مغتجيش عندي ومامساليش ليها والصلاة على النبي (وقف وخرج مدار لا هك لا هك نيشان طوموبيلتو وزاد )
صابر: ببففففففف (مشا عندهم )
ريتاج:: والو
البنت:: عادي غتجيه صعيبة تانا بزز باش تقبلت راه عائلتي كينين
ريتاج:: طلعي ابنتي للبيت للي وراوك (مشات ) شنو قال
صابر:: منوضها مع روجين خلات دار ومشات
ريتاج::(صدمها) !!! ويلي باقين مكملو حتى شهر مزوجين
صابر:: واييه معرت شنو دار حتى مشات
ريتاج:: بفففف وهاد الموضوع غيزيد اكمل عليه
صابر:: من بعد ونعاودو نشوفو
ريتاج:: ويييي ...... جبران ساق طوموبيلتو وتاصل باحمد فالطريق مشا لاقرب كافي جلس تسناه فيها حتى جا
احمد:: امالك
جبران:: راسي غيطرطق
احمد:: شنو واقع فالخدمة
جبران:: لا مع روجين
احمد:: مالكم (عاود ليه ) بزوج غالطين مي بدرجة اولى انت
جبران:: ايه غلطت حيت غوت وحكمت بلاما نسمع انا عارفها مابغاتش داكشي اوقع ولكن راه تزوجنا صافي تنسا توفيق ومنال والمرض
احمد:: من الاول عارفها كيف دايرا وعارف هدفها ترجع كرامتها ومتنساش منال جات وهدداتها بيك شوف جوابها هي كيف كان كلللو ثقة فك مي انت بهضرتك بينتي راك متايقش فيها وعاد علاقتكم متوترة مدة بسباب مشاكيل متستاهلش
جبران:: كنت كنتسناها تقول انا مابقا هامني لا انتقام لا والو مي لا قالت العكس وبينت العكس مرفضتش بالعكس عاد ما تاصلت وعلماتني راها مشات واكدت على هضرتها حاس براسي رجل كرسي انا
احمد:: صبر
جبران:: مابقيتش قاد عامين والصرف وانا صابر على هادشي واش انا كنسمعها وكنخلليها تعاود ليا على علاقتها للي فاتت ومخلليها تنتاقم وكتنتاقم وتجي تعاودليا وانا كنسمع وساكت شنو بغات كتر من هكا وعرفتي هاد الهيلالة كلها ومعيطلي الوليد مللي مشيت عندي ختي
احمد:: شنوووو
جبران:: ايبيه اسيدي كيف كتسمع عندو بنت من امراة اخرى هي للي بقات ليا دابا ....
#يتبع.......

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny
الجزء 172
روجين عيات بالبكا ناضت بدلت هزت تلفونها وتاصلت برونق عاودت ليها كلشي وشكات عليها
رونق:: اختي عندو صح انت تزوجتي وبديتي حياتك لاش مزال حاطاه فراسك
روجين:: واللهما حاطاه فبالي يالله غير الفعلة للي دار مصيفط ليه تصويرة بغيت نخرجها مننو
رونق:: وهو شنو كيدير جبران اتكلف لاش انت للي تتكلفي روجين خصك تعرفي بللي حياتكم ونتوما فعلاقة عادية ماشي هي حياتك ونتوما فعلاقة رسمية راكم مزوجين اصاحبتي وهو مغلطتش قالك مخلليك اعوام تنتاقمي دابا صافي تاحد مغيقبل على راسو هادشي
روجين:: عارفا مي هضرتو استفزاتني ولليت للي جات فراسي تنقولها غي ضد فيه هضرت هكاك هو مكرهتش نرد ليه الضربة حيت بصح نجح فشنو باغي
رونق:: منجحش جبران عارفك كيف دايرا ميمكنش اشك فيك نتي فاش شفتي ديك طبيبة معنقاه ولا معرت ماشي بينتي ليه راك شاكة باش اجمع راسو ايوا راه تاهو نفس الحاجة  وانت دغيا جمعتي حويجك
روجين:: راه مدة وحنا منوضينها كل نهار خلليني نرتاح شوي
رونق:: اوكي غدا وندوز عندك
روجين: : متقولي والو على بلاصتي
رونق:: واخا ........ روجين قطعت وناضت لاحت عليها بوليرو هزت بزطامها وسوارت هيطت لسوبرمارشي للي لتحت تقدات اشباغا وطلعت قادت ليها سندويش خفيف وتكات نعاس مابغاش ايجيها ولفاتو حداها وتاهو نفس الشئ مولفاه قاعدة خايبة هز التلفون ايصوني عليها والو طافي مللي سالات مع رونق وهي طافيا تلفونها تشطن عليها وبلا قياس فين غتمشي احمد قاليه مجاتش ميمكنش تمشي عند خالها بقا مكان واحد الاوطيل مي اينا واحد بقا شحال كيددي وايجيب فافكارو ووالو دوزو ربع ايام وهما هكا رونق كل عشيا كتدوز عندها تشوفها عاد تمشي لدارها غير ربع ايام ولفراق بان عليهم باين العياء فوجهم بزوج قلة النعاس والراحة  مخلياهم دابلين اما جبران فمخرجها منهم فالسبيطار بالعصاب للي مدارش خدمتو كينققي ليه ودنيه .......
ليوم فاقت روجين قررت تمشي للدار علا وعسا تلقاه واهدرو مشات للشركة دوزت نهار داز طويل حيت كتتسنا كيفاش غتواجهو حتى الى حساتو بارد تدير السبة بلحوايج فطريقها عيطت رونق
رونق:: فينك
روجين:: غاديا للدار
رونق:: انا جيت عندك
روجين:: نو دار جبران بغيت نقول
رونق:: صافي عيتي
روجين:: مهم غنشوف نحاول نقاد الامور
رونق:: صافي مزيان انا غنجلس فهاد المحلبة بانلي الريب تشهيتو
روجين:: ههههه صافي واخا .... قطعت معاها وكانت دخلت حطت السيارة ودخلت حتى سمعاتو
صابر:: الله اهديك
جبران:: صافي غنبقا نعاود فيها متعاودش تحط رجلها فداري
صابر:: واش حمق ولا مالك
جبران: ماحمق والو رأيي هدا وقراري صافي سالينا ماباغيش نشوف وجها مزااال
صابر:: حاجة بسيطة
جبران:: بسيطة عندك عندي لا (حس بشيحاجة دار بانت ليها مخرجة عينيها فيه وعينيها مغرغرين ) روجين ؟  روجييييين .... تبعها مع خرجت كتجري فهمت الهضرة عليها وبللي مابقاش باغيها هزت طوموبيل وزادت وهو تبعها فالطريق وقف قدامها دار من بابها حل الباب ) هبطي
روجين:: (خرجت ) شنو باقي باغي دارك اسيدي مابقيتش نحط فيها رجلي سمح ليا
جبران:: واش حمقة را روجين  (شدها كانت غطيح ) مالك (حل لباب ديال طوموبيلتو خلاها دخلت ) نمشيو للسبييطار حسن بان ليا
روجين:: بعد منني هئ هئ هئ مابغيتش
جبران:: واخا غير ارتاحي خلليك متكيا ..........مابقاتش قادة تتعافر سكتت وبقات حطت صاكها وتلفونها وتحرك عيطت رونق فطريق جاوب قالها شنو كين وصلت معاهم للسبيطار روجين حلت الباب غا حطت رجليها برة طاحت على طولتها جا كيجري هزها ودخلو للسبيطار ....#يتبع.....