إنتقام إمرأة ♡ بالدارجة مكتملة ♡

الجزء 47

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny
الجزء 231
وصل ل نهار الخطبة كان صالون مقاد ومحطوط فيه بيفي مشكل بالحلويات ولعواصر ولي سالي و الشكلاط و الفانيد ولي كيك مهم منوع وعامر  روجين كانت لابسة  قفطان فلخضر ملكي جامعة شعرها سفنجة دايرا حلقات وميك اب خطير جات كتحمق مع كوليي كان هدية من جبران وخاتم زواجها وساعة فاليد لبسات غي بلغة كرشها كتبان بارزة وزادتها جمال جبران كان غي جالس ومقابلها باقي مرضاتش عليه وكتهضر معاه فحدود ومخلياه كياكل جنابو شافها كملت ناض كان لابس لكلاس وجاه كيوت مع اللحية وساعتو فاليد وخاتم الزواج وقف بكل رجولة قرب عنقها من الخلف ميمكنش مترتاعشش وهو مدة مبعداه عليها شافت فيه بتوتر طبع قبلة فعنقها
جبران:: خطوبتك انت ليوم بانلي (مبتاسم)  مرتي جات زوينة (دورها وايديه على خدها ) كتاخد لعقل (قرب غيبوسها عضت على شفتها ودتتلو حنكها باسها فيه ) !!! (جمع حواجبو ) ماشي براكة اروجين
روجين:: غتسافر غدا ياك
جبران:: يعني غنسافر وانت هكا
روجين:: اكيد اشباغيني ناخدك فالاحضان
جبران:: ياك واخا ..... بقا مخنزر وشار براسو باش تتحرك هزت تلفونها وسبقاتو هازة قفطانها ومشات لبيت يسرى فحين هو هبط حاقد )
روجين:: اوووه عروستنا جات زوينة
يسرى:: بصح ...... كانت لابسة تكشيطة كلها عقيق فالباج بااااااارد دارت كوب سامبل شعر مطلوق وتاج شغير فوق راسها  كان سلمان شرالها سنسلة رقيقة زويونة دايراها فعنقها واييها  خاويين بما انهم غيعاودو البسو لخواتم وقفت لابسة صباط كللو احجار كتبان عروسة طلعت فننة
روجين:: تبارك الله كتحمقي
يسرى:: ماما عيطت راهم تقريبا وصلو
روجين:: مزيان (جلست ) مغنقدش نبقا طالعا هابطة غنهيط لسوزان تخلليهم اطلعو لهنا هي وختك وباباك
يسرى:: صافي واخا ....... بقاو كيهضرو وروجين كتجبد مواضيع باش متخلليهاش مستريسيا ... اما لتحت فجاو عائلة صابر وشي صحابهم جالسين كيهضرو بتبات وروجين تاهو معاهم اما سلمان فمع ريتاج فالجردة كتهدن فيه حتى جات لطيفة علمتهم بللي وصلو وصف جبران وصابر مللي سمعو سيارات دخلو  لقاو ريتاج و سلمان عند الباب لوخرين جاين بصلاة وسلام وكيصونيو بالسيارات مهم دايرين فوضى وفرحانين ببنتهم هبطو سلمو عليهم
ايززا: (جرت سلمى ) شفتي البرهوشة باركا عليا صالة صغيرة شوف الفيلا قداش تنسالي ليها
سلمى:: ايوا انت مننك منتسوق لا لدعوات لاوالو نجيب للي بغيت راك عاطياهم بنتك
ايززا:: ايوا العرس ونورريهم .... مشمشات سلمت وسوزان قربت لجبران قالت ليه اشقالت لروجين وهو امشي عند محم
جبران:: عمي جيب المدام وخت يسرى واجي نطلعكم عندها
محمد:: واخا اولدي ايززااا ايززا
ايززا:: نعام
محمد: جيبي سلمى واجي  زيد اولدي ..... تقدمو وايززا وسلمءى تابعينهم وعينيهم كيدورو فجناب الغيلا اما عائلة يسرى فتصدمو واكيد الحسد رغم بطاقات الدعوة جابت عمتها تلانة ديال بناتها ومتسوقتش دخلو للصالة ومشاو سلمو على هادوك عينيهم على البيفي ....... يسرى كانت جالسة حتى دخلو واليديها شافةها عيونهم دمعو حتى جبران ابتاسم جات فنيونة
محمد:: تبارك الله تبارك الله (قرب باس جبينها ) بنتي لحبيبة
يسرى:: بابا حبيبي جيت زوينة ياك
ايززا:: كتحمقي تفتفتف الله احجبك وابعد عليك عيون الحساد
سلمى:: جيتي كتحمقي بعدا محشمتيناش وشريتي تكشيطة مقادة
محمد:: سلمااااا  .... سكتت
جبران:: روجين تهبطي ولا تباي مع يسرى
روجين:: غير سبق حتى نجي مع يسرى
سلمى:: ماشي مشكيل غا هبطي بنات عماتي اطلعو
يسرى: لا ماباغا حد انا هبطو بقاي انت وروجين صافي
ايززا:: واخا بلاما تقلقي ليوم نهارك ابنتي يالله اسمحمد .....(هبطو وتبعهم جبران مخرج حتى شاف فيها وكانت تاهيا كتشوفيه تنهد وهبط تبعهم لتحت بقاو جلسين وشي ارحب بشي جات سوزان و لطيفة كيدورو عليهم طباسل وكببو ليهم عواصر حتى لشوي وتسمعت صلاة وسلام تمت داخلا شادة ايد فسلمى وايد هازة بيها طرف تكشيطتها سلمان بقا غا حال فممو فيها هو والكل روجين معاونها فجلايلها ريتاج ناضت من حدا سلمان وقالت ليها اجي حداه جلست حشمانة وبنات عمتها وبنت خالها غياكلوها بعينيهم ....
#يتبع.....