إنتقام إمرأة ♡ بالدارجة مكتملة ♡

الجزء 6

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny
الجزء 26:
روجين: (شافت فليت للي كان دخل حط ليها فبيتها الساشيات ) شكرا
ليث:: همم باسم جبتي لوراق
باسم:: اه مفهمتش اشباغاهم
ليث:: غنسافرو وخصني وراقها
باسم:: (شاف فيها دغيا)فين
روجين:: غير عطية انا غنعاود لك (عطاه لوراق وهو مشا خرج وخلاهم عاودتليه روجين كلشي بلبكا وهو معصب) باسم متقول والو
باسم: وااااش ولد الق.... لاعب كي بغا وتاتقوبي متقول والو شنو نصفق ليه من الاول قلتلك ديك الق.... مكنحملهاش وهاد الز.... مكنرتاحش ليه وانت مامسوقاش ليا
روجين:: متزيدش على مابيا اباسم والله حتى ندمت
باسم:: اشغتديري دابا
روجين:: غنمشي مع ليث كنضن لامريكا هو غيعاونني وكون اكيد اباسم هاد الضربة غتقويني وبغيتهم ميعرفو والو خالي انت للي غتدوي معاه وغتشرح ليه غير اشطرا مع مك وبللي غنسافر وانت معارفش فين
باسم:: راه مشغول عليك
روجين:: غادي ارجعني وانا ماباغاش نجي مازال نحط رجلي فامريكا وغنعيط ونهضر معاه
باسم:: وديك الكلبة
روجين:: لا هي لا لاخر غيعرفو شيحاجة غتخسرو عليهم باقي معرفناش فين مشات وصافي
باسم:: واش تقة ليث
روجين:: متتصورش شحال عاونني وكان كينبهني بزاف لكن انا كلامو معطيتوش قيمة ومفهمتوش لكن مللي وقفت عليه وقف هو معايا وكان راجل
باسم:: مزيان اختي الله اييسر ليك مهم ردي لبال لراسك
روجين:: وحتى انت نفس الحاجة شوف غنخللي لك لكارط كيشي الى خصاتك شيحاجة خود مول الدار راه كل شهر كيصيفط ليا فيه
باسم:: لا لا
روجين:: هضرت معاك قرا اباسم واعتامد على راسك وقلب على خدمة مزيانة كمل الدكتورة وقلب على مركز مزيان ومك الله اسمح ليها
باسم:: هفففف واخا (خدا لكارط) بقاي تعيطي اروجين عقلي غيبقا عندك وقبل متمشي نشوفك
روجين:: واخا ............ ناض باسم ودعاتو ودخلت قلبت لحويج للي جاب كانو منوعين بيجامات حويج لحروج وحتى الملابس الداخلية سمعت صوت تلفونها مشات ليه نساتو شاعل لقات توفيق كيصوني طفات التفلون وخلاتو هكاك غيحماق بالتقلاب .... بدلات عليها روجين ومشات للكوزينة طيبت لغدا ليث دخل تغدا معاها ودخل لبيتو كيقاد فخدمتو ... كاعي؟ اه كاعي حيت كاع تصرفاتو كيبينو ليها راه كيبغيها لكن بتصرفها بيناتو لاشئ عندها وانتوما عارفين شي رجال نفسهم عند نيفهم باش تطلب تخلص هكاك فلوس معجبوش هاد التصرف خصوصا انسيستات عليه ...... تغريد مع المصايب للي طاحو عليها مداتهاش فتصرفها او تصرفاتها كيفاش كتعاود على توفيق هو كيمرضو وهي مامسوقاش او ان صحة القول مامنتابهاش بللي كتضررو دوزو ايام تماك توفيق غيهبال بالتقلاب و ابراهيم كيعاير فمرتو واخا طمن عليها مابغاش ابين ليها كيفما طلبات روجين اما منال ففرحانة وكتطلب الله باش ميلقاوهاش ...... صابر اب ليث تعضر مجيؤو هدا لاش قاد ليها وراقها غير من تماك مكانش عندها وقت فين تفكر ولا تحزن حيت غاديا بالعكس كانت عندها عزيمة قوية باش تخوي لبلاد جمعت حويجها وفالمطار شافت باسم ركبت هي وليث للي ولا مخللي مسافة وتاهيا مخلياه على خاطرو ساعات طويلة دوزو فالطريق حتى علنت المظيفة على الوصول هبطو وهنا فين غتبدا رحللة وحياة جديدة
#العودة_للحاضر...........
روجين بعد مابقات مدة كتسترجع شنو وقع العامين للي مضاو ناضت لبست عليها مع هابطة بان ليها الشخص للي كان فاول جزء قريناه طالع كان غيدوز واخلليها حتى وقفت قدامو
روجين:: ليث (حاوطت عنقو ) نهار نكون فارغة من انتقامي للي باقي مكملتش كون اكيد انا للي غنجي ونطلبك نتزوجو مابغيتش نتزوج بك وانا باقا باغا نعطي درس لهادوك للي ميتسماو فهمني بلاما نهضر انت عارف مزيان شنو كتعني ليا
ليث:: وانا كنبغيك اروجين ومابقيتش قاد نصبر .....!!