إنتقام إمرأة ♡ بالدارجة مكتملة ♡

الجزء 11

♡◇♧💎💎💎 انتقام امرأة 💎💎💎 ♧◇♡

🔞⛔ممنوع النشر ⛔🔞

الكاتبة:: Ghizou zizou

الجزء 51

غفاو ابطالنا فحضن بعض بدون تفكير او قلق مرتاحين اتواجدهم مع بعض وفرحانين لعلاقتهم ......... سالا النهار ودخل نهار جديد فاقت بطلتنا غلى نغيزات فكرشها وظهرها دارها

روجين: : بفففف ماشي وقتك ....... هبطت راسها لجبران للي باقي على نفس نعستو خرجت ثديها من فممو وضحكت لنعستو هبطت باستو داير بحال البيبي فاش تاتكون ممو كترضعو غا كتحيدلو تيبقا حال فممو هكاك غير باستو بدا كيقلب بفممو وتقلب للجهة لوخرا اكمل نعاسو اما هي تماطات لبينوارها لبساتو ودخلت للدوش دوشت بالخف وخرجت لبست دارت الفوط الصحية حيت بداو اعراضها فأي لحظة تهبط ...... جلست فالكوافوز جمعت شعرها ودارت بقات حاضيا وتتمعن فيه ... شخص دخل صدفة لحياتها ودابا ولا بالنسبة ليها هو كلشي كانت كتتشكالو من توفيق وهو للي اعطيها حلول واخا كان كيتقطع بالغيرة كان كيعاونها حيت ماباغيش ايشوفها متضررة رغم شخصيتو لقوية وطبايعو الصعاب معاها ولا كالم وكيتعامل معاها بلطف غير طبعو ...... حست بلوجع بدا كيجهد وعرفت بللي هاد تلت ايام غتبقا غير فلفراش كتجيها صعيبة بزاف الى مدكتش لبرا متاترتاحش ناضت تخشات حداه هزت ايدو وتخشات فصدرو حتى حل عينو

جبران:: (بصوت ناعس) فقتي

روجين: : امم

جبران:: مالك

روجين:: (حطت ايدو على كرشها) وجع

جبران:: جاتك؟؟؟

روجين:: كيجي وجع قبلها بففف غيخصني نمشي لسبيطار

جبران:: وي قالت ليا سوزان كانت داتك ديك المرة خصك دوزي

روجين:: ماباغاش

جبران:: هضرت نشوفو واش كلشي مزيان باش نبقى مطمن على حبيبتي (قبلها فخدها) انا نوض ندوش نفطرو ونمشيو راه غندي حتى كاميليا الى كان طبيبها غنهضر معاه ادوزها ليوم

روجين:: واخا ........ ناض دخل دوش لبس وجبد حويج عطاها لبستهم وهبطو لقاو كاميليا فطبلة لفطور لابسة كسوة صدرها كللو كيبان ونص فخادها باينين وطالقة شعرها دايرا الميك اب تقول غاديا لسواغي بقات روجين غا كتبقلل اما ليث شافها قال صباح الخير وبعد عينيه عليها

كاميليا:: روجين كتباني عيانة

روجين: : وي مريضة شوي (كطلعها وتهبط) غاديا لشي بلاصة

كانيليا:: لا علاش

روجين: : غا سولت مزيان مللي واجدة باش نمشيو لسبيطار

كاميليا:: لا معنديش ليوم حتى للجمعة

روجين:: حنا غادين ليوم وجبران غيسبق الموعد ديالك باش غدا تمشي بلاما تبقاي تتسناي على والو