إنتقام إمرأة ♡ بالدارجة مكتملة ♡

الجزء 3

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny
الجزء ١١:
لبست بطلتنا كسوة عادية طلقت شعرها وهزت صاكها لقاتو كيتسناها لتحت ركبت سلمت عليه
توفيق: (كيلعب بشعرها) صافا حبيبة
روجين: (بخجل) صافا وانت كيداز نهارك
توفيق:: مزيان كان ناقصني غير انت (بدا سايق وايديه فايدها ) اول سهرة لينا 
روجين:: وي واخا من اخر مرة حرمت
توفيق:: دابا حنا اونسومبل مغتحسيش براسك بوحدك
روجين:: وي .... ابتاسمت ليه وكملو طريقهم حتى وصلو نفس المناضر متكررين غير هاد المرة دنيا عامرة أكثر دخلو لقاو فدوى وسفيان ومنال واقفين سفيان معنق منال من اللور وخاشي راسو فعنقها حتى وقفو وهي تبعدو منال
منال: (كتطلع وتهبط فيهم) جيتو
روجين: وي صافا
فدوى: (شادة كاس ويسكي ومبتاسمة كيف عادتها) مرحبا مرحبا تعطلتو
توفيق: يالله سالات فين دراري
فدوى: ههههه مامساليينش
سفيان: مشتينيش واقف كنتسنا شي بيت اخوا
توفيق:: ديما انت زربان 😏 حبيبة اجي ناخدو ششيحاجة (مشاو)
فدوى:: صاحبتك ضبرت نييت
منال: واييه طاحت على الماسة بنت اللدينة مي هانيا
سفيان: (شاف فيها عاقد حواجبو عندك انا ولا مكافيكش
منال: (تداركت الامر) لا احبي انا قلت شيحاجة
سفيان:: وا تعالي نتكواناو لفوق شوفي كيف داير (أشار للمكان المعلوم) راه غنتفرقع
منال:: مكتصبرش
سفيان: شوفي شحال وانت مبعدة وكنبغيك وتاترفضي وشاد معاك لخاطر جيني من اللخر لاش مقلوبة هكا (فدوى مشات)
منال: ما مقلوبة والو مكتفكرش ليا غنبقاو هكا كلشي درناه وتازواج ماكين
سفيان:: راه غير نشد خدمة مقادة وغنجي نطلبك من داركم انت ماباغانيش نجي دابا
منال: حيت ميمكنش ازوجوني لواحد مخدامش وانت فبلاصت منهضرو باغي غا تح... صافي
سفيان:: (خرج فيها عينيه) يااا
منال:: اوووف صافي خلليني عليك ..... مشات وخلاتو واقف تاهو مشا للطواليط ابرد على راسو

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny
الجزء::12::
بطلتنا وتوفيق مشاو للبيفي خداو اشبغاو وجلسو ياكلو سالاو دخلو شطحو شوي كيشطحو وتوفيق ايديه مزاكيينش كيدوزهم على جسمها كتحاول تبعدو سالاو ووقفو فالبالكون لاصقها معاه محاوطها من خصرها وكيهضرو
روجين:: شحال وانت كتعرفهم
توفيق:: سنين علاش
روجين:: صحابك موالفين هنا
توفيق:: هما انا مالي (باسها) شنو كيديور فهاد لعقل غا هضري
روجين:: والو غا سولت
توفيق:: (شاف فالكسوة) كون قلتي ليا كون خرجنا شرينا حويج باش تحضري ليوم
روجين:: علاش مال هادي
توفيق:: ماشي ديال هاد المناسبات (جر الكسوة من الكول بخفة وطلقو ) الكول مغطي بزاف
روجين:: (شافت فيه باستغراب) !!! علاه بغيتيه معرري
توفيق:: منشوفش حبيبتي انا واصلا دي غوب للي صدرهم معري كيجيو زوينين
روجين:: (عقدت حواجبها بدا مكيعجبهاش الحال حيت شحال من مررة هضر على لبسها وأنها كتلبس مستور كثر من معرري ) مكنلبسش هكاك بزاف مزاعماش وقلتها ليك
توفيق:: وانا كنبغي حبيبتي هكاك
روجين:: باغي كلشي ابقا اتغزل فيا هادشي للي بانلي
توفيق:: لا اكيد لا لكن باغي نشوفك لابسة حويج للي اعجبوني ستيل ديالك مزوينش انت زوينة ومخبية راسك فهاد الستيل اغلبية سبور ولا كومبلي دالخدمة مكتغيريش
روجين:: انا هكا
توفيق:: متكعايش انا غا كنشرح لك شنو كيعجبني
فدوى:: توفيييق الى بغيتو ترتاحو راه لفوق
توفيق:: واخا  اجي بب
روجين:: فين
توفيق:: نطلعو لفوق حسن ........(طلعو حل البيت فين كانو ديك المرة ودخلو جلس وجرها جلست حداه  )
روجين:: كون غي خلليتينا لتحت
توفيق:: تتفرجي فيهم كي.... هكاك عريانين
روجين:: (زيرت على ايدها حيت حست براسها ماشي هي هاديك ومعجبهاش اخصر الهضرة) مكنشوفش
توفيق:: خللينا هنا مرتاحين اولا؟ (ايدو كتلعب فظهرها وهبط راسها قربها عندو ودخلو فقبلة مردتش لبال حتى حل ليها السنسلة بدا كيهبط فكسوة وهي تبعد دغيا  ) مالك
روجين:: لا اتوفيق
توفيق:: علاش شنو المشكيل
روجين:: (وقفت) باين شنو ماباغاش هادشي باقي وقتو
توفيق:: راه مغنديرلك والو غير هادشي لاش خايفة
روجين:: لا لا .....
#يتبع.......