إنتقام إمرأة ♡ بالدارجة مكتملة ♡

الجزء 15

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny 
الجزء 71
هبط احمد تلاح فالبيسين وقال لجبران اطلع بقاو انككو فوق راسو حتى قالهم يالله هما غاديين ولوخرين جايين علموهم بللي عندهم شيحاجة وصافي مشاو للدار الرجال دوشو وهما بدلو عليهم سالاو لوخرين بدلو وخرجو مشات تقدات اي حاجة بغاتها ورجعو للصونطر طلعت داكشي للبيت لقاو لوخرين دوشو وكيلبسو غا سالاو وتقسمو على السيارات وتحركو .......
احمد:: غنسبقهم باش اتبعونا نمشيو للريسطو للي كيعجبنا
جبران: : اه صافي سير هو مزيان (كانت روجين كتشوف لبرا من الزاج خدا ايدها حتى شافت فيه) شنو مشهيا تاكلي
روجين: : للي كان مافراسي والو دابا
رونق: : كون غير جبتو شي وحدة غدا تصاوب لينا كسكس توحشتو
احمد:: هاهيا بدات تتشرط عوتاني شكون عنجيبو
رونق:: شي طباخة تاتطيب زوين جبران هضر
جبران:: للي بغيتو انا معاكم  عجبك الجو
روجين: : الصهد بزاف
رونق:: وي مي امريكا سخونة تاهيا بزاف فالصيف
روجين: : كانو كيبانولي تصاور ديال بليص فالجبال فين كياكلو
احمد:: هههه تماك فين غادين بيكم الجو زوين تم وكين واد هكاك دايز قدامك منظر زوين غيعجبك ........ خداو وقت باش وصلو للجبال ولبلاصة للي موالفين كياكلو فيها قلبو على بلايص فين حطو السيارات وخرجو روجين بقات واقفا مع رونق داويين على اشغيديرو حتى وقف عليهم
جبران: اشكين
روجين:: والو غير داويين
جبران:: اجي احبيبة نرجعو للدار ودويو حتى تشبعو زيدو (جرها وقربو للوخرين)
فاتي:: لاش جبتونا هنا
عمران:: بالعكس زوين هنا
جبران: وي نبعدو على الصداع هنا زوين يالله ( شد فايد روجين تمو غاديين هما القدام عاد تبعوهم لاخرين كين واحد الجسر صغيور بين الشانطي وفين غيجلسو ياكلو يعني هو فوق الواد تمو غاديين وتبعكيك دلاخرين لا خايفة بشويا متزعزعوهش روجين طلقت من جبران ونقزت ليه على ظهرو تعلقت فيه)
جبران:: ههههه حمقة (وصلو) هما خايفين زدتي كملتي عليهم
روجين: : انا مالي (هبطت وجات قدامو ) هما خوافات
فاتي:: (جاو عندهم) حشومة علك ديك التنقيزة كنتي غاتلوحينا حنا
عمران:: ههههه ضحكوني بغاو ابكيو هدا غا صغير وكنتو غتسخفو زيدو زيدو
انس:: صبر نخلليهم اجمعو لينا طوابل وكراسة
عثمان:: وي بلاتي نمشي معاك (مشاو هما ولوخرين بقاو واقفين روجين جبدت تلفونها كتصور فالمناظر للي تم من بعد بدات تاخد فلي سيلفي جبران غا مقابلها حيت بعدت من حداهم)
فاتي:: بانلي روجين عمرها جات لمراكش
جبران:: نو ديجا جاية مي شحال هدا علاش
فاتي:: غا بانتلي عجبها هنا وتاتصور
مريم:: زوين هنا وخا تجي حتى يوميا غتبقاي تاخدي فلي سيلفي كترتاح هنا
فاتي:: معجبنيش كون علمونا نجيو غير بسبرديلة (لابسة طالون)....
#يتبع...........

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny 
الجزء 72
جبران ضرب فيها واحد الشوفة ديال من نيتك ومشا عنق روجين من لور وكملو السيلفي حتى جاو انس وعثمان ومشاو تجمعو فطبلتهم طلبو طواجن وبداو ماكلتهم فاتي عينيها غا على الكوبل ديالنا ورونق مقابلاها كيبقا اهز واحط قدامها ومرات تيقاد النبزة واوكلها مهم واخا وسطهم مدوزين وقت بزوج .... كملو ماكلتهم ناضو غسلو وروجين جرت عثمان للجنب خلاتو هو اتاصل بالصونطر باش اوجدو شيحاجات بما انه هو للي حاجز
فاتي (مشات عند الهام) شوفي للي جالسة تاتحامي عليها راها جرت لك الراجل اقلب على مك وامشي عندها
الهام:: م ميديرهاش ا ا انا للي كنعرفو
حسناء:: كلنا كنعرفوه عينيه زايغين وبقاي مخلياها حتى طيرلك بيه راه بانليا غا كتضحك على ليث مسكين
فاتي:: واييه باينا فيه كيبغيها مي هي كيف الحية كتضرب غا من التحت ..... بقاو كينككو ليها فوق راسها حتى مشات وقفت عليهم
الهام:: كينا شيحاجة (وشدت فدراع عثمان )
عثمان:: لا والو غي على شيحاجة صافي اروجين غا كوني هانيا
روجين: : اوكي شكرا (ابتاسمت ليه ومشات عند جبران )
عثمان:: مالنا
الهام:: انت للي مالك غا حال فمك فيها ودابا تاتهضرو جنب اشبيناتكم
عثمان:: من نيتك البنت يالله شفتها لبارح وولا اشبيناتكم واش مريضة ولا مالاالك ...... خلاها وزاد رجع عندهم طلعتلو الزعاف  بقاو  شويا ورجعو ادراجهم وصلو للصونطر لبنات كانو باقين لابسين لي مايو لتحت نيشان للبيسين اما هما فبقاو جالسين روجين طلعت للدار مشات للبيت خدات الخاتم عاد رجعت هبطت عندهم
روجين:: جبران اجي نعومو
جبران: : لا
روجين:: 😳 لا!!! ياك
جبران:: (جرها جلست فوقو) عمت صباح مافيا للي اعاود ادوش
روجين: : بليز باغاك فشيحاجة
جبران:: فاش
روجين: : نهبطو للبيسين ونقولك (كتلعبلو فلحيتو ) بلييييز
جبران واخا زيدي ..... ناض على سعدو ووعدو حيد التيشرت وهي نصلت الكسوة للي لابسة لبنات بقاو غا كيشوفو فطايتها 😍 بطلنا حط ايدو فخصرها وتلاحو بزوج
جبران:: فاش بباغاني
روجين:: ههه كدبة بيضة
جبران:: ياك (تابعها وهي هربانة كتعوم بعيد) وقفي
روجين:: هههه غتغرقني وانا عارفاك تديرها
جبران:: عارفاها وكادبة
روجين: : غا كدبة بيضة
جبران:: (شدها) هممم شنو نديرلك دابا
روجين(حاوطت عنقو ) تقبل شنو باغا
جبران:: شنو باغا حبيبتي واخا حيت كدبتي انا للي خصني نطلب
روجين:: غيعجبك طلبي انا متأكدة غا واش غتوافق ولا لا معرت
جبران: : هممم غيعجبني شنو هو