إنتقام إمرأة ♡ بالدارجة مكتملة ♡

الجزء 23

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny
الجزء 111
ماشي غير بوحدهم للي تفرجو فروجين حتى للي فسبيطار كلهم وصلت ليهم كريمة لخبار وتجمعو عليها كيتفرجو واكيد بدات الهضرة ديال مابيناتهم والو وشحال دبلا بلا ونرمين عجبها الحال ..     صباح داز كللو هكا روجين تاصلت بجبران واعتاذرت متقدش تتغدا معاه حيت غيكون لقاء اخر مع صحفية اصتاضفاتها فمكتبها كان واحد واقف على الكاميرا والصحفية جالسة هي وياها فالفوتوي والباديكارد وعماد واقفين بعيد .....
الصحفية:: قبل منبدا بغيت نعبر لك على اعجابي بيك كيعجبني نشوف امراة مجدة هكا
روجين: : شكرا
الصحفية:: مهم اكيد غيكونو اسئلة مشابهة للي طرحو علك زملائي فالمجال بعض الشئ ماشي كلشي بحال بحال غير انا باغا نقرب لحياتك الشخصية بزاف وهي الاساس
روجين:: وي تفضلي
الصحفية:: ذكرتي بللي مسيو صابر ومسيو ليث للي هو ولدو هما سباب شنو وصلتي ليه  تقدري تشرحي كثر
روجين:: بفضلهم وبمساعدتهم وصلت للهنا مسيو صابر او نقول عمي كيف موالفا كنقوليه حطاه فمرتبة الاب ديالي الله ارحمو  وزيدي ان المراة مللي كتتقاص وكيكون قلبها مجروح ممكن دير اي حاجة باش تقوي راسها اكثر واكثر
الصحفية:: يعني مسألة حب
روجين:: ههه كتسليلي لساني
الصحفية:: غير شوي باغين نعرفوك اكثر
روجين:: اوكي عمرني هضرت على هادشي مع شيحد اخر من غير للي قراب منني انا كنت مخطوبة مي تلقيت خيانة مننو هو وصاحبتي يعني بلا تفاصيل وصلت الفكرة والحدث
الصحفية:: وي وصل
روجين:: من تماك وانا برا المغرب بلا خبار تاحد فخبار خالي للي رباني وولدو فقط
الصحفية:: يعني حتى مسيو ليث
روحين:: لا هما اصلا للي عاونوني طلعت لامريكا وبعد مدة بديت الخدمة فالشركة كان بطلب من مسيو صابر وليث وهكا وصلت لهنا
الصحفية:: علاقتك قوية بمسيو ليث
روجين: : وي وبزاف
الصحفية:: وصلوني صوركم الصباح
روجين:: ههه داغي وي كينا ايون غولاصيون للي قوية بزاف
الصحفية:: زواج
روجينن:: اممم باقي متقرر والو الى كانت شيحاجة كيف جاوبت الصباح غادي تعرفوها وانت اللولة
الصحفية:: شكرا لك ...........  كملت اسئلتها ونيت خداو صورة على حياة روجين من كاع النواحي سالات معاها شكرتها على وقتها للي عطاتها وخرجو اما هي فهبطت للريسطو دالشركة خدات شنو بغات وجلست كتاكل ....... سسالات وطلعت عيطت ليها رونق
روجين:: ههههه عرفتك غتعيطي
رونق:: بقرة
روجين: : ياك
رونق:: واش من نيتك مهضرتيش على علاقتك بجبران
روجين: : بلاماا تقولي والو ارونق جبران مامزوجش بيا وزيد انا للي طلبت مننو زواج ومعاود كانت تاشي ردة فعل من عندو ميمكنش نبزز عليه شيحاجة انا فتحت طريق ليه باش اتأكد بللي مابقيتش رافضة الزواج وصراحة كنت كنتسنا ورا مطلبت الزواج على الاقل ايجيب ليا خاتم كيرمز للخطوبة كيف درت مي ماكان والو
رونق:: ضروري مغيكون كيفكر فالموضوع
روجين:: علاقتنا ماشي ديال افكر فالموضوع ارونق مكنعرفوش لبارح راه اعوام بلا مللي بدات علاقتنا كنضن متردد او ممكن ايكون مابقاش باغي ......
#يتبع......