إنتقام إمرأة ♡ بالدارجة مكتملة ♡

الجزء 51 والأخير

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny
الجزء:251
يسرى: لا تانا معنديش مشكيل
ريتاج: فكرو بشويا عليكم وللي بغيتوها نديروها ليكم
صابر: اه روجين غيجي باسم هاد الايام هو غيشد عليك الخدمة هنا اي اجة غتديروها تكوني انت من دارك منبغيش نعرفك كينا فالشركة الا الى شيحاجة ضرورية
جبران: (ضحك) احسن حاجة غتدير حيت انا مكتسمعش ليا
صابر: لا غير هنني راسك وصيت باسم وها سلمان حتى هو غيبدا باش تاهو اعرف خدمة كيديرا تماك واشد كلشي تاحد فيهم مغيخلليها فالشركة
روجين: تحاميتو
ريتاج: ارتاحي الخدمة راه مكتهربش
سلمان: مي انا ديجا معاونها فالبروجي

صابر: (مزال عندو شوق من جهتو) عارف انا باغيك تعرف كلشي لبروجي راه مغتبقاش جالس فالريسطو شيحاجة ديال شويا وصافي والشركة كتبغي الوقت غتتعلم كلشي باش تبقا تعاون مرت خوك وباسم مللي غتعرفو
روجين: (مسحت فمها ) امم سلمان فين غتبغيو تسكنو انت ويسرى ؟
سلمان: (شاف فيها وفجبران) انا معرفتش نقدرو فداري
صابر: لا علاش عزل بلاصة للي بغيتي ناخدو ليك فيها دارك
روجين: علاش مبغيتيش تبقا معانا ؟ (شافت فيه بحال شي بنية صغيرة )
سلمان: لا مي ميمكنش نبقاو معاكم ديماا تانتوما تبغيو راحتكم
جبران: نوو بالعكس حنا ديما مشغولين بالخدمة والى تجمعنا غنتجمعو فالليل للعشا بقا هنا والى كاع كاع راه نشوفو ليك دار فشي بلاصة مريحة حدا بحر تبقاو تمشيو كل ويكاند
سلمان: اا (كيحك فراسو معرف ميقول ليهم) معرفتش مهم للي بغات يسرى معنديش مشكيل
ريتاج: خلليوهم افكرو على خاطرهم اه سلمان راه باباك اقادليك وراقيك وبقاو تجيو عندي لاميغيك دوزو الوقت
سلمان: ان شاء اله …....... كملو ماكلتهم وطلعو تفرقو على بيوتهم روجين كانت وصات سوزان ولطيفة طلعو قادو للكوبل جديد بيتهم مزيان وزادو شي شموع وشيلعيبات مع دخلو سلمان ضحك عرفها غتكون غير هي )
سلمان: شفتي مرت خويا شحال كتفهمنا
يسرى: (بخجل) عاجبك الحال
سلمان: اكيد  (طبع قبلة على جبيتها وخلاها دخلت تبدل وهو تاهو بدل وجاو تخشاو فبلايصهم ) انا عارفك هادشي علاش خلليني غير نبوس
يسرى: هههههه 
سلمان: كتضحكي (بدا كيهرها) راه غا ماباغيش نكعك نمما ناخد حققي كللو
يسرى: لا لا مازال الحال

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny
الجزء:252
سلمان : هانا الالة مقلت ليك والو (عنقها عندو وشعل تلفازة ) نديرو شي فيلم فنيتفلكس
يسرى: امم (شافت فيه) غتبقا كتبغيني ديما
سلمان: (باستغراب) اه علاش هاد سؤال
يسرى: (تقادت فالجلسة وتقابلت معاه) اي واحد فينا كيكون كيتسنا ربي ارزقو من عندو وانت الحمد لله بان باباك ومغيخصك حتى خير معاه وغيحاول اعيشك حسن ببزاااف من للي كنتي عايش هادشي مغيأترش علينا ياك ؟
سلمان: (عقد حواجبو وساف فيها) علاس غيأثر انا مبغيتكش حيت معنديش انا بغيتك حيت انت وحيت قادرا تصبري معايا كيفما كانت الاحوال وتانا نفس الشئ ومتنسايش انا كنت عارف بابا شنو عندو وعارف كون مشيت عندو نقد واخا ايديرلي غير دار مهم ضروري مكان غيدير ليا شيحاجة مي انا ماباغيش ودابا ماباغيش كنحاول نوالف او صافي كنقول كيفما كيدير مع خويا راه كيدير معايا غير باش نتقبل اي حاجة من عندو امما انا مالباغيش باغي كلشي من عرق كتافي
يسرى : قربت شدت ايدو) مقلتش هكا باش تكعا منني ولكن باش من الاول ترد لبال حيت مغنقدش نخسرك شي نهار غادي تخدم وغتتلاقا ببنات وغتعرف بنات فهاد النطاق وكنين وحدين للي كيلصقو سوا مزوج سوا لا انا ثايقة فيك لكن معارفاش ليام معامن غادي تلاقيك
سلمان: (خدا ايدها باسها ) انا احبيبي فهمتك وكوني هانيا انا منخلليش للي تتجاوز معايا الخط الاحمر خدمة خدمة وصحبة صحبة وانا معنديش صحاب يعني بقات غير الخدمة مفهووم؟
يسرى: مفهووم اسيدي امم وشنو قلتي على سكنة هنا مع خوك
سلمان: عاجبك هنا؟
يسرى: صراحة اه وعاد غادي نتوانس مع روجين ونبقاو مرة مرة نسافرو هكا حسن لا ؟
سلمان: انا تانا عاجبني جلسة هنا معاهم مبقيتش بوحدي وكين مع خويا ( جرها ليه حتا طاحت على صدرو) انا بانلي مغنصبرش عليك
يسرى: تافقنا حبيبي ماشي دابا
سلمان: توحشتك شنو ندير مغنوصلوش لتماك غير كوني هانيا ….. كروها ليه كثر ودخلو قبلة طويييلة نخلليو هادو ونمشيو عند ابكالنا للي جالسين فبيت ولدهم كيبلانيو
جبران: للي ايشوفنا اقول غير مصطيين
روجين: هههه غير ناخدو فكرة وصافي هاد سيمانة نوجدوها
جبران: ان شاء الله
روجين : (جالسين غير فالارض قربت ليه باستو وشافت فيه) حبيبي باغا نهضر معاك فشيحاجة
جبران: (كيرجع فشعرها ورا ودنها) قولي حبيبي شنو كين
روجين: متكعاش غير فهمني
جبران: (ركز معاها) غير هضري
روجين: شركة ديال توفيق
جبران: (عقد حواجبو) مالها ؟ مالو تاني
روجين: مهم انا غير بغيت نشرح ليك من الول باش تفهمني فين غنوصل انت عارف انا وسفيان للي وصلنا الشركة لهكاك
جبران: عارف وحتى الوليد معاك
روجين: وكين واحد الشخص للي معندو ذنب فهادشي
جبران: امم ماماه وباباه الله ارحمو امما مكينش شيحد اخر
روجين: اه حيت كون كان باباه عايش مكناش نديرو ليه هكاك كننا غنشوفو شيحاجة اخرى ودابا هادشي درناه عارفني منادماش لكن فكرت فماماه حيت عمرها دارت ليا شيحاجة كيف منبغيوش وليدينا اتاداو مناديوش واليدين ماليهم ذنب
جبران: بصح شنو بغيتي ديري الى هكا على ماماه انا معاك
روجين: غنهضر مع سفيان اتكلف بيها وانا نعاونو اسكنها فدارو باش لاخر مياخد والو من بعد ونتكلفو بماكلتها وشرابها ونخلليو وحدة تقابلها
جبران: صافي حبيبي مزيان(ابتاسم وكيتفحصها) هادي شيحاجة زوينة
#يتبع.....