إنتقام إمرأة ♡ بالدارجة مكتملة ♡

الجزء 18

♡◇♧💎💎💎 انتقام امرأة 💎💎💎 ♧◇♡
🔞⛔ممنوع النشر ⛔🔞
الكاتبتين:: Ghazal ghizou & Nisrine abdouny
الجزء 86
حفيظة:: كتتشفاااي يا بنت لملقطة
روجين:: ههههههههههههههه فغيمون تاتضحكو شي صورة دابا ونصيفطها لخالي ونفرحو بللي غيوللي جد خصوصا باسم غيطير بالفرحة الى عرف راسو غيوللي خال
وفاء:: لااااا تقوليها نقتلك
جبران:: صااافييي خرجو عليا من هنا روجين 😡
روجين: : شنو نسكت (شافت فوفاء) انت عارفني ماشي دنيئة لهاد الدرجة باش نصدم خالي بهاد لخبار حسن ميعرفش مابقاش ليكم بزاف وتدخلو للحبس وديك الساعة غتخببي كرشك تم وغنوصصي باش متخرجوش حتى تولدي واكبر شوي مزيانة
حفيظة:: عرفتي وتقربي لبنتي اشندير لك
روجين: : اشغتديري عمرك تقربي ليا مزال (شافت فالارجاء ) مالوغوزمون المكان غير مناسب باش نجبد دواساك (شدت فليت) نمشيو (مهضرش لحك تحرك وهما غير كيشوفو فيهم تحركو مع كريمة للحسابات حتى خلصو )
حفيظة: : باغا نسولك
كريمة: : نعام
حفيظة: : هاد طبيب كتعرفيه مزيان
كريمة:: وي كنت خدامة معاه سنين هادي وهو عندو نص هاد سبيطارر
حفيظة: وللي معاه
كريمة:: اول مرة غيجيبها معاه عمرني شفتها باينا كتجيكم شيحاجة
حفيظة:: بنت خت راجلي الله ارحمها ماتت هي ووراها مات باها وبقات معانا كبرناها وقريناها فاللخر ولات باغا دخلنا للحبس باطل بعد مهربات عامين هادي
كريمة:: هربات
حفيظة:: اه هربت وخلاتنا غنتصطاو بالتقلاب عليها ودابا راجعا مطولة عنقها قول هاد الطبيب للي تيصرف عليها ومخلليها فهاد شيي باش تعلى علينا
كريمة:: ايوا مابقا ميعجب معندك مديري
حفيظة:: ايوا خلليناها منها لله الله اعاونك ابنتي (مشات كريمة ولوخرا دفعت بنتها وخرجو مرة مرة تضور تسمكها وتوقف تشوف طاكسي حتى داز شدوه ومشاو افككو حريرتهم ... امما كريمة فطارت عند نرمين ااطبيبة  دغيا وصلت ليها الدوصي سخون .... اما ابطالنا فركبو الطوموبيل وتحركو للدار
جبران:: لاش هضرتي هكاك
روجين: : كيفاش هضرت
جبران:: روجين خصك تبعدي من المشاكيل ماشي تخشي راسك فيهم
روجين: : تانا داكشي للي باغا لكن فاش كنشوفهم كيوللي دممي كيغلي مكنكرهش نطير عليهم نضربهم بزوج غا شادة راسي تمارة للي دوزتها عندهم والعداب للي شفت على ايديهم عمرني ننساه ممكن تصرف خطأ مي بصح مقدرتش نتحكم فراسي مشمتش واللهما شمت حيت كيقولو للي تشفا تبلى مغنبغيش شي بنت طيح فداك الموقف لكن طيرانها للي دارها ليها تعصبت كثر من حفيظة حيت خالي غيمرض الى عرفها وحتى باسم مغيبقاش مرتاح وهادشي واقع هنا هضرت عكس داخلي اجبران غير ضد فيهم مي قسما بالله الى انا للي غنمنعهم اسيقو ليهم لخبار
جبران:: (عنقها عندو وبقا ساكت هو معارفش شنو دازت مننو معاشش معاها لكن نت شنو عاودت ليه عارفها قاسات معاهم واي ردة فعل منها ليهم راه طبيعية ) باغا نمشيو للدار ولا نخرجو
روجين: : لا عيانة غير يالله للدار قول ليا كانو عند بنات امريكيات علاش خدمتي هاد كريمة
جبران: : حيت دوك بنات حتاجيتهم لهيه كثر هنا كيلقاو مشاكيل مع اللغة (لعب فشعرها وسكتو) ...... كملو طريق فصمت حتى حطهم قدام الدار كانت فيلا صغيرة دخلو الشيفور تكلف بالشنط وهما نيشان لبيتهم تسنات حتى خرج شيفور وجبدت حويجها بدلات كان جبران كيبدل
روجين: : جبران
جبران:: امم وي
روجين: : قول ليا كريمة شحال وهي معاك
جبران: : عامين هكاك علاش
روجين: : مكانتش نهار اول مرة درنا كسيدة
جبران: : لا كانت بنت اخرى
روجين: : جيب وحدة من امريكا احسن
هو:: علاش (جلس حداها) دارتلك شيحاجة سولتتي جوج مرات
روجين: : نو مرتاحيتش ليها وصافي (باستو) باغا كافي نصوبلك معايا ......
#يتبع..........