تدبروا

٤ : أوعوا تفهموا رساله ربنا غلط

صفحه واحده في المصحف ربنا جاب فيها :

- أشد ابتلاء في التاريخ ، أشد حاله مرضيه مزمنه في التاريخ ، أشد مرض لا علاج له عند اطباء الارض كلهم و جاب في نفس الصفحه الشفاء

سيدنا ايوب و ابتلاء المرض و فقد الاموال و الابناء و الاملاك لمده ١٨ عام و هو صابر ، و في لحظه واحده ، لحظه وحده الفرق بين دعاءه و بين استجابه الله له و الفرج جه علي كل المشاكل

- في نفس الصفحه ربنا جاب أشد حاله وحده في التاريخ البشري و ازاي الودود وده و آنسه

سيدنا اسماعيل اللي تركه ابوه و هو رضيع في مكان موحش ، اللي كبر بدون اب و لا أخ و تموت السيده هاجر ويصبح بلا أم وحيد لسنين طويله حتي جاء له سيدنا ابراهيم و اخبره ببناء الكعبه

- في نفس الصفحه ربنا جاب أشد حاله سجن و كرب و غم و هم و ازاي ربنا حلها من عنده

تخيل احساسك و انت بتترمي في البحر و في نفس اللحظه يجي حوت يبلعك ، مافيش كرب في الدنيا و لا ضيق و لا هم بيحصل فجأه زي ما حصل مع سيدنا يونس
ثلاث ايام في بطن الحوت يسمع تسبيح الكائنات في قاع البحر و يسبح معاهم و فجاه ربنا ينجده

- في نفس الصفحه ربنا جاب أشد حاله عقم في التاريخ لا يوجد انسان في التاريخ يستطيع ان يتعامل معها و ازاي ربنا اداله اللي لم يحدث في التاريخ

سيدنا زكريا عنده ٩٠ سنه و بيدعوا بأبن له و مراته عندها ٧٠ سنه و عاقر

الفرج جه علي كله ، طلب ولد جاله ولد و أصلح له زوجه و جاله ولد ربنا سماه أسم لم يسمي من قبل ابدا

الصفحه ديه ذكرت أشد الابتلاءات في تاريخ البشريه و ازاي لما أهل الايمان و التقوي اتعملوا معها بإيمان و صبر ربنا فرج ما بهم من كرب

اوعي تقروا رساله البلاء غلط
الله عز و جل لم يبتلي العبد لانه يبغضه او لانه يريد ان يضيق عليك ، حاشاه سبحانه ، و لكن يبتلي العبد ليعود له و يلزم بابه فيحول كربه الي نعمه و عطاء