ايه الفرق بين قيام الليل والتراويح والتهجد ؟
١- اي صلاة في الليل اسمها قيام ليل
والليل ده اللي هو من بعد العشاء للفجر
٢- لو قيام الليل صليته بعد العشاء في رمضان بيبقي اسمها
#التراويح
٣- لو قيام الليل صليته في ثُلث الليل من الاخير بيبقي اسمه
#تهجد
"الثُلث الاخير من الليل ده اللي هو اخر تلت في الليل
يعني تقريباً من بعد ١٢ بليل لحد الفجر"
وده وقت غالي حداً عشان ربنا بيتنزل فيه ويجيب الدعاء
٤- مش شرط تنام وتصحي عشان يبقي اسمه تهجد
عادي لو فضلت صاحي وصليت في الثلث الاخير بيبقي تهجد برده
٥- ايه عدد ركعات قيام الليل ؟
- اي عدد ركعات حتي لو صليت ركعة الوتر بس
بيبقي اسمه قيام ليل
- بس طبعا في رمضان مستحب نصلي كتير مش مجرد ركعة وتر
- طب كتير ده كام ؟
السُنّة ١١ ركعة في الليل سواء في رمضان او غيره
مكونين من ١٠ متقسمين اتنين اتنين اتنين اتنين اتنين
وتختمهم بركعة الوتر
- وال١١ ركعه دول ممكن تقسمهم بقي بين التراويح والتهجد
- يعني أنا مثلاً بصلي ٨ في التراويح
وفي التهجد بصلي ركعتتين وركعه الوتر
- طب لو عايز ازود في القيام ؟
عادي برده براحتك زي ماتحب زود ركعتين في ركعتين براحتك
٦- معلومات عن الشفع والوتر :-
- الشفع ده من القيام ومش حاجة منفصلة
ومعني شفع يعني كلمة ركعتين يعني اي ركعتين قيام اسمهم شفع
سواء كانوا في التراويح او التهجد
- الوتر بقي زي ماقولنا من ضمن فيام الليل برده
- الليلة يتصلي فيها وتر مرة واحدة بس
- ومستحب تكون اخر صلاة في اليوم هي الوتر
- فلو هاتصلي التراويح والتهجد يبقي خلي الوتر تختم بيه التهجد
- ولو هاتصلي تراويح بس يبقي تصلي الوتر معاه
- طب لو صليت تراويح وصليت الوتر وبعدين قررت تصلي تهجد ؟
يبقي ماتصليش وتر تاني خلاص بقي لان هو وتر واحد في الليلة
- ممكن تصلي الوتر ركعه لوحده او تصليه متصل باخر ركعتين قيام بحيث يبقوا تلات ركعات من غير تشهد في النص
- الوتر من احب الصوات عند الله
وفيه حديث "إن الله يحب الوتر "
٧- ينفع تقرأ من المُصحف وانت بتصلي عادي ومُستحب كده كمان عشان تبقي جمعت بين عبادات كتير
"قيام-قُرأن-ذِكر-دُعاء"
وينفع تقرأ من الموبايل او ال ipad بس تقفل الصوت وتعمله وضع طيران عشان ماتتسحلش مع اي notifications
أنت تقرأ
تدبروا
Spiritualتدبروا عباره عن : مواقف قصص تأملات معلومات اتمني ان تفيدكم و تكون حسنه لي و ان انفذ قول رسول الله صلي الله عليه وسلم ( بلغوا عني و لو أيه )
