تدبروا

٣٤ : اخطاء شائعه في الحيض

#للنساء_فقط

🚨أخطاء شائعة في الحيض🚨

س1/ أول مااحس بوجع الحيض (البريود)  مش بصلي عشان ممكن تبدأ في أي وقت فماأصليش وهي عندي..صح ولا غلط ؟
ج/غلط ...ماينفعش تبطلي صلاة إلا بنزول دم صريح وأي وجع قبل نزول الدم بتصلي فيه عادي
******
س2/طيب بيكون فيه إفرازات بني قبل بداية الحيض ..هصلي ولا لا في وقت الافرازات؟
ج/ طالما مانزلش دم صريح ...يبقى تصلي بس هتتوضي لكل فرض بعد الأذان عشان الإفرازات دي
******
س3/ بعد نهاية الحيض وانقطاع الدم مش بغتسل على طول بسيب يوم احتياطي عشان لو نزل دم تاني ..وبعدها بغتسل وأصلي .. صح كده ؟؟
ج/ لا غلط ..
واجب عليكي أول ماتشوفي الطهر تغتسلي
والطهر ده بيكون
■بالجفاف ...يعني مافيش دم ولا إفرازات بأي لون
■أو بوجود إفرازات شفافه أو بيضاء اسمها القصه البيضاء
أول ماتشوفي علامة من دول يلزمك حالا تقومي تغتسلي وتصلي
******
س4/ ليه لازم أقوم أغتسل ع طول طب لو عندي امتحان ومش فاضيه أو الجو برد ومش هقدر ...ايه المشكلة لو أخرت الغسل شوية؟
ج/المشكلة إن تأخير الغسل معناه تأخير صلوات عليكي عن وقتها وربنا قالنا《 إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتًا》
يعني كل صلاة ليها وقت محدد ماينفعش تتأخر عنه ..فإنتي كده بتتعمدي تأخير الصلاة عن وقتها المحدد أو تضييعها ..ودي كبيرة
******
س5/ طيب ينفع اتوضاواصلي ع طول لو مش هقدر أغتسل لو الدنيا برد مثلا ؟
لا ماينفعش لازم تغتسلي
سخني مياه بأي طريقه واغتسلي
******
س 6/هو لازم أغسل كل اللبس اللي بلبسه أيام الحيض (البريود)..؟؟
ج/لا مش لازم يتغسل كله
هتغسلي بس اللي جاله أي أثر من الحيض( دم أو أي لون من الحيض)  والباقي اللي ماجالوش أي أثر من الحيض هيكون طاهر يتلبس عادي بدون غسيل
*****
س7/ ينفع الغسل وأنا حاطه مانيكير أو  ضوافر أكليريك ؟
ج/ لا...ماينفعش
لازم ازالة أي حاجه تمنع وصول المياه مانيكيرأو مقوي الأظافر اللي زي المانيكير بس شفاف أو ضوافر أكليرك أو التاتو اللي بيكون على ورق مطبوع لأنه عازل هيمنع وصول المياه

******
س8/ لو كاوية شعري أو عاملاه بروتين بيكون والمفروض مايجيلوش مياه ..ينفع أمسح عليه ؟
ج/لا ..ماينفعش
لازم في غسل الحيض تغسلي شعرك كويس اوي وتتأكدي من وصول المياه لفروة الراس
******
س9/ لو أذن الفرض عليا قبل نزول الحيض بس أخرت الصلاة شوية فنزل الحيض وأنا لسه ماصليتش الفرض ده ..اعمل ايه ؟؟
ج/ أول ماتطهري من الحيض اقضي الفرض ده ..وسجليه عندك عشان ماتنسيش

#منقول