رواية " حب من اول نظرة " ✨ ✓

Part 1🌸

في قصر راقى فخم يدل على حسن الذوق و الرقى ، يتم التحضير لحفل زفاف اكبر اولاد عائلة ( البحيرى ) ، " ياسين البحيرى "
تدخل القصر " آلاء البحيرى " شقيقة ياسين ، ومعها الكثير من الحقائب
" سمر " والدة ياسين :- اتأخرتى كده ليه يا آلاء ؟
" آلاء " سورى يا ماما بس الطريق كان زحمه ... اتفضلى الحاجه اللى طلبتيها
" سمر " ماشى يا بنتى .. يلا بسرعه روحى اجهزى علشان الضيوف قربوا يوصلوا
" آلاء " اوك يلا انا هطلع اجهز
" سمر " ماشى .. فريده .. يا فريده
" فريده " وهى الخادمه :- ايوه يا سمر هانم
" سمر " خدى الحاجه دى دخليها جوه يلا
" فريده " امرك يا هانم
* فى مكان آخر وتحديداً فى الغرفه التى يتم فيها تجهيز العروس
" مها " صديقة العروس :- لولولولولولوى .. الف الف مبروك يا ريرى
التفتت اليها " ريهام " العروس :- الله يبارك فيكى يا ميمو .. قوليلى يا مها .. ايه رأيك .. حلوه ؟؟؟
" مها " حلوه ايه بس ده انتى قمر ماشى على الأرض
" ريهام " حبيبتى يا ميمو
" مها " وهى تحادث وفاء والدة ريهام :- معندكيش عريس ليا يا فوفو ؟
" وفاء " بضحك :- وماله .. ادورلك .. بقولك ايه مش انهارده الفرح ..اشبطى فى اى واحد كده اهو وخلاص
" مها " هههههههه انا بردو بقول كده
عوده الى قصر البحيرى وخاصة في غرفة العريس
دخلت آلاء وعلى ثغرها ابتسامه زادت من جمالها ورقتها
" آلاء " بفرحه :- الف مبروك يا حبيبي
" التفت ياسين لأخته وضمها بقوة وحنان :- الله يبارك فيكى يا حبيبتي .. عقبالك يا روحى
" آلاء " بدموع :- انت هتعيش معانا هنا صح ؟
قبل رأسها بحنان واومأ موافقا :- ايوه يا حبيبتي
ابتسمت بدموع وسرعان ما انهارت بين ذراعيه ، ربت على ظهرها بحنان وقال بمرح ....
" ياسين " بمرح :- خلاص بقا يا لولو يا حبيبتي .. انتى عارفه .. ريهام دى اطيب واحن واحده هتشوفيها ولما تتعرفى عليها هتحبيها بجد
" نظرت اليه بحده وعقدت حاجبيها الرشيقين :- هى مين دى اللى احبها .. دى هتاخدك منى .. عايزنى احب واحده هتاخد منى اغلى حاجة فى حياتى !
نظر اليها بحنان وحب اخوى :- آلاء
تنهدت آلاء باستسلام وقالت :- يا ياسين انا مش متحمله فكرة انها هتشاركنى فيك .. انا مليش غيرك بعد بابا الله يرحمه .. دى مش بعيد تخليك تتغير معانا وممكن تخليك تسيبنا وتمشى
" ياسين " بحنان :- يا حبيبتي مين بس اللى قالك كده ... انا عمرى ما هسيبكوا يا آلاء .. انتوا اغلى حاجة فى حياتى ، وبعدين مش انا اخوكى حبيبك يعنى المفروض تفرحى لفرحى ولا ايه ؟
" آلاء " بسرعة :- طبعاً يا حبيبي .. ماشى يا ياسين .. هحاول بس علشان خاطرى خلينى براحتى
ابتسم برقه وضمها الى صدره بحنان :- ربنا يخليكى ليا يا حبيبتي
وهنا تدخل سمر بابتسامتها الحنونه ودموع الفرحه فى عينيها
" سمر " الف مبروك يا حبيبي ... عقبال ما اشوف ولادك ياااارب
ابتسمت آلاء بينما ذهب الى والدته وقبل كفها ورأسها واحتضنها بحنان بالغ وقال :- الله يبارك فيكى يا امى
ربتت سمر على ظهره بحنان وامومه وقالت :- يلا يا حبيبي علشان تروح تجيب عروستك
اومأ بابتسامه والتفت الى آلاء :- هتيجى معايا ؟
كانت سترفض ولكنها رأت السعاده فى عينيه فابتسمت واومأت بالموافقه ... انه اخاها وحبيبها الوحيد ، وان كانت تحبه حقا فعليها ان تسعد لأجله
ذهب كلا من ياسين و آلاء الى البيوتى سنتر لإحضار العروس و عندما وصلا صعد ياسين الى الاعلى بينما ظلت آلاء واقفه تنتظر فى السياره ، ولكن .. كان هناك من يراقبها بشوق ونظرات حب واعجاب ..، وسرعان ما عاد ياسين ومعه ريهام التى تتأبط ذراعه برقه .. كانت غايه فى الجمال والرقه ، كانت كالملاك بفستانها الأبيض المحتشم ، لم تحتمل آلاء رؤية هذا المنظر .. كانت دائما تعد اخاها ملكا لها وحدها فهو ليس مجرد اخ وانما هو توأم روحها وصديقها الوحيد واليوم اصبح ملكا لغيرها ..

خرجت ريهام من البيوتى سنتر و هى تتأبط ذراع حبيب عمرها الذى احبته بل عشقته من اول نظرة .. عشقت كل شيئ فيه ، عشقت رقته و حنانه و هدوءه وطيبة قلبه و .. وعينيه .. آآآآآآه من عينيه .. كم تحب النظر الى عينيه التى سحرتها من اول نظره ..

Flash Back

كانت ريهام تتجول فى احد اكبر المولات فى المدينه و فجأه وهى خارجه من المول اصطدمت بشاب واوقعت الأكياس منها .. وعندما نظرت اليه انعقد لسانها عن الكلام و سحرها جمال عينيه .. ظلت تنظر لعينيه الى ان ...
" ياسين " احم .. يا آنسه
" ريهام " وقد افاقت من شرودها :- ا ا ا .. انا اسفه مخدتش بالى
" ياسين " بابتسامة زادته وسامه :- لا عادى ولا يهمك
" آلاء " ممكن يعنى لو تبعدى عن الباب علشان نعدى !
" ريهام " بإحراج :- اها.. انا اسفه
و لملمت اشيائها وفرت من امامهما ..
ظل ياسين ينظر الى الفراغ محل وقوفها بشرود و هو مبتسم ..
" آلاء " وهى تشير بيدها امامه :- هييي .. ياسين .. ايه روحت فين ؟
" ياسين " ها ؟
" آلاء " هههههه .. ها ؟! حمد الله ع السلامة .. يلا يا حبيبي علشان ماما بترن
" ياسين " اها .. اوك يلا
بعدها اعلنت شركة ياسين انهم يريدون سكرتيره و عندما تقدمت ريهام فوجئ بها ... و اصبحت العلاقه بينها قويه الى تقدم بطلب يدها و ها هو الآن سيتزوج من عشيقته و حبيبته

End Flash Back

#يتبع........

✍🏻Rahma🥀Reda✨