رواية " حب من اول نظرة " ✨ ✓

Part 5🌸

كانت فى سيارتها متجهة الى منزلها حين رن هاتفها وأضائت الشاشه باسمه .. ابتسمت بشده ..
" آلاء " بابتسامة :- الو
" حسام " حبيبتى ..... وحشتينى
" آلاء " انت اكتر يا حبيبي
" حسام " انتى فين كده ؟ شكلك بتسوقى
" آلاء " ايوه روحت مع شمس المول بعد ما خلصت الكليه .. وانت فين ؟ فى الشركه ؟
" حسام " لا انا فى البيت .. بجهز شنطتى
" آلاء " بتجهز شنطتك !! ليه رايح فين ؟! .. حسام انت هتسافر ؟
" حسام " ايوه يا حبيبتي هيافر لندن ف صفقه مهمه هخلصها وآجى على طول
صمتت قليلا ثم قالت بحزن :- لازم تروح ؟!
" حسام " ايوه يا قلبى .. انتى عارفه ان ياسين واخد اجازه ومفيش غيرى ينفع يروح .. والصفقه مهمه جدا
صمتت ولم تتحدث بينما نزلت دموعها بصمت ..
" حسام " آلاء
" آلاء " ........
" حسام " طب انتى بتعيطى ليه دلوقتي ؟ .. يا حبيبتي هما يومين بالكتير وهرجع تانى .. مش هطول هناك
" آلاء " طيارتك امتى ؟
" حسام " المفروض انها الساعه 7 ونص
" آلاء " بعد ساعتين ! يعنى انت حجزت !؟
" حسام " مش انا اللى حجزت .. السكرتيره هى اللى حجزت
" آلاء " طب انا هجيلك على المطار
" حسام " ماشى يا حبيبي .. هستناكى
اغلقت الهاتف و غيرت وجهتها الى المطار ...

فى قصر البحيرى ....
يقف امام مرآته يكمل ارتداء بذلته ..
" ريهام " استنى يا ياسين
التفت لها :- فى ايه يا ريهام ؟
اتجهت له وعلى ثغرها ابتسامه جذابه .. امسكت بربطة عنقه ..
" ريهام " انا اللى هربطهالك
" ياسين " هتعرفى ؟
شهقت بطريقه مضحكه وقالت :- انت شاكك انى هعرف !
" ياسين " هههههههههه لا انا بسألك بس
" ريهام " امممم .. بحسب
" ياسين " هههههههه لا متحسبيش
انهت ربطها و نظرت له بابتسامة :- خلصت
ابتسم لها و ضمها بعشق :- ريهام
" ريهام " امممم
" ياسين " انا هتصل على حسام واقوله انى مش هاجى و افضل معاكى هنا .. بجد انا مش قادر
" ريهام " ههههههههه طب وحسام
" ياسين " ما يروح لوحده هو طفل !
" ريهام " هههه لا يلا روح علشان ميزعلش
" ياسين " خدى بس تعالى اقولك
" ريهام " وهى تذهب خارج الغرفه :- ماما بتنادى عليا .. ايوه يا ماما انا جايه اهووو
" ياسين " هههههههههههههه .. بحبك يا ريهام

يقف فى صالة المطار ينتظرها على احر من الجمر وها هى تظهر امامه من بعيد كحوريه بفستانها الأسود القاتم الذى أظهر بياض بشرتها ...
" آلاء " من بعيد :- حساام
التفت لها وابتسم بحب وسعاده فركضت مسرعة اليه وتناست انها فى مكان عام .. ضمته بقوه وشوق ...
" آلاء " بدموع :- إوعدنى انك مش هتتأخر وهترجعلى بسرعه
" حسام " بحنان :- اوعدك يا حبيبتي .. كلها يومين اتنين وهرجع
" آلاء " تروح وتيجى بالسلامة يا حبيبي .. هستناك
ابتسم لها وسرعان ما إختفت ابتسامته و قال بجمود ..
" حسام " ياسين جاى يا آلاء
نظرت اليه بدهشه فقال ...
" حسام " روحى انتى دلوقتي و انا اول ما اوصل هكلمك
اومأت بحنان وقبلت كفه فضمها لصدره بشوق .. ابتعد عنها وودعها و بعد ان ذهبت جلس هو ينتظر صديقه الى ان اتى ...
" ياسين " اتأخرت عليك !
" حسام " اوووووى
" ياسين " يا شيييييخ حرام عليك ده لسه معاد الطياره مجاش
" حسام " المهم جيبت الملف اللى قولتلك عليه ؟
" ياسين " ايوه معايا اهو .. امسك
اخذ منه الملف وتفحصه قليلا ثم قال :- تمام
" ياسين " حسام .. انت عارف هتعمل ايه كويس
" حسام " بمرح :- متقلقش يا باشا وراك رجاله
احتضنه ياسين وودعه ثم صعد حسام على متن الطائرة التي انطلقت الى لندن .. بينما ركب ياسين سيارته وعاد القصر..

#يتبع.........

✍🏻Rahma🥀Reda✨