@Rahma_Reda ( جميع الحقوق محفوظة للكاتبة )
Part 16
RahmaReda205
RahmaReda205
RahmaReda205
اشرقت الشمس معلنة صباح يوم جديد ... فها هو قد أتى اليوم المنشود .. خطبة آلاء و حسام ( عقبال الفرح يا حبايبى )
استيقظت باكراً و قامت فأخذت روتينها اليومي و ارتدت ثيابها
و توجهت مع ميرال وشمس الى صالون التجميل ..
وهن فى السياره ...
" ميرال " احم .. جماعه انا عايزه اقولكوا حاجه
" شمس / آلاء " خير
" ميرال " هو يعنى .. انا معجبه بسيف و بحبه
شهقت آلاء بفرحه :- سيف ابن عمى ؟
" ميرال " ايوه هو انتى تعرفى سيف غيره
" شمس " بصراحة سيف شاب محترم و اخلاقه عاليه و انا بحترمه جداً
" آلاء " بفرحه :- أخيراً هنفرح بيكى يا ميرال .. الف الف مبروك يا قلبي
" ميرال " استنى بس الف مبروك على ايه ؟
نظرت لها آلاء و شمس بتعجب فقالت ..
" ميرال " بحزن :- انا بحبه بس هو لاء .. هو بيعتبرنى اخته
" آلاء " انا افتكر انكوا كنتوا بتحبوا بعض اووووى يا ميرال من وانتوا عيال
" ميرال " بحزن :- ايوه .. ده كان زمان بقى .. دلوقتي هو مبقاش يحبنى
" شمس " قصدك تقولى انه نسى و انه حالياً مش شايف حبك ليه و لا حاسس بيكى ؟!
هزت ميرال رأسها بنعم بحزن
" آلاء " وقد لمعت فى ذهنها فكرة ما :- يعنى هو مش حاسس ! .. احنا بقا هنخليه يحس و هيجى لحد عندك ويقولك تتجوزينى ! و بكره تقولى آلاء قالت
" ميرال " عندك فكرة ؟
" آلاء " اهااا
" شمس " يا خوفى من افكارك دى يا آلاء
" آلاء " ههههههه لا متقلقيش .. بصى يا ستى ..................................
وقصت لها ما تنوى فعله ..
" شمس " بذهول :- الله يخربيتك .. انتى جيبتى الفكرة دى منين ؟!
" آلاء " عيب يا بنتى ده انا عبقريه
" ميرال " بتردد :- انتى متأكده من الفكره دى يا آلاء ؟؟
" آلاء " اهاا .. متخافيش احنا معاكى .. اعملى بس اللى هقولك عليه .. ويلا ننزل علشان وصلنا ..
نزلن من السيارة و دلفن الى صالون التجميل حيث بدأت الميكب آرتست بوضع الماسكات ل آلاء
RahmaReda205
دلفت الى القصر بعد غياب يومين فوجدت القصر فى حاله من الهرج والمرج .. فاليوم هو خطبة آلاء البحيرى و حسام عزام لذا ف العمال يعملون على قدم وساق ..
رآها سيف فتوجه لها بغضب و وقف امامها ..
" سيف " بغضب و حده :- كنتى فين يا إلهام ؟ بقالك يومين بايته بره البيت
" إلهام " ببرود :- كنت بايته عند واحده صاحبتى .. عادى يعنى
" سيف " بصوت عالى اجتمعت عليه العائله :- هو ايه اللى عادى .. يعنى ايه واحده محترمه تبات بره بيتها ؟ .. كنتى بتعملى ايه بره البيت يا هاااانم ؟
" ياسين " وقد جاء على صوت سيف العالى :- فى ايه يا سيف ؟ بتزعق ليه ؟؟
" سيف " بزعيق و صوت عالى :- تعالى شوف الهانم المحترمه اللى بايته بره البيت .. و بتقولى كنت بايته عند صاحبتى عادى
" ياسين " بهدوء و قد نظر ل إلهام :- سيف معاه حق يا إلهام .. مينفعش اللى حصل ده
" إلهام " بردح و قد انفجرت من الغيظ :- انت اللى بتقولى كده يا ياسين بيه ؟ ما تروح تشوف أختك الأول .. آلاء هانم اللى راحت حبت صاحبك من وراك و ....
قاطع كلامها صفعه مدويه سقطت على وجهها .. عم الصمت فى ارجاء القصر ...
" سيف " بغضب :- اوعى تنطقى حرف تانى عليها انتى سااامعه ! .. دى اشرف منك مليون مره .. عمرك ما تساوى نفسك بيها
" إلهام " و قد و ضعت يدها على وجهها من شدة الصفعه :- انت بتضربنى يا سيف ! بتمد ايدك عليا !! ده كله ليييييه ؟ علشان آلاء ؟!
ماشى .. ماشى يا سيف
تركته واقف ينظر لها بألم و يلعن نفسه لأنه رفع يده على اخته و صعدت الى غرفتها .. لما كل ذلك .. ايحبها لهذه الدرجه ؟!
وضع يده على كتفه برفق :- سيف
" سيف " بهدووووء :- انا كويس .. روح انت علشان حسام و ياسر مستنيينك
" ياسين " مش هتيجى معايا ؟!
" سيف " برفض و هو مازال على هدووووئه :- لا .. انا تعبان شويه و محتاج ارتاح
اومأ ياسين بحزن على حالة اخيه فهو يعلم سبب حزنه وألمه ..
أنت تقرأ
رواية " حب من اول نظرة " ✨ ✓
Romanceرواية " حب من اول نظرة " ✨ بدأت فى الثلاثون من أبريل لعــــام 2021✨ Fri🥀30/4/2021✨ ✍🏻Rahma🥀Reda✨
