فى صباح يوم جديد على ابطالنا .. استيقظ ياسين على صوت ريهام ..
" ريهام " و هى تهز كتفه برقه :- ياسين .. ياسين اصحى
فتح عينيه ببطئ و تعب و نظر لها :- ريهام ..
تطلع حوله فوجد نفسه نائم على الأريكه بغرفة آلاء
" ياسين " انا نمت كده ازاى ..
ثم تذكر آلاء فقام بسرعه وتوجه لها فوجدها نائمه بعمق و بجانبها صحن به ماء مثلج و ضماضات ..
" ريهام " وضعت يدها على كتفه :- اهدى بقت كويسه
نظر لها ثم الى الضماضات :- انتى كنتى صاحيه طول الليل تعمليلها كمادات ؟
اومأت بإبتسامه هادئه و قالت :- روح خد شاور وغير هدومك على ما اقولهم يجهزوا الفطار
نظر لها وضيق عينيه و مابين حاجبيه بحنان و عض على شفته السفلى :- انا مش عارف اقولك ايه ؟
" ريهام " وهى تدفعه خارج الغرفه :- متقولش حاجة .. آلاء اختى زى ما هى اختك . ويلا بقا علشان ياسر اتصل بيك من شويه و عاوز يشوفك ..
" ياسين " آه صح .. ده انا نسيته خالص .. انا هروح اجهز .. قوليلهم يعملولى قهوه يا ريرى
" ريهام " بإبتسامه :- حاضر
**************
فى بهو القصر ...
كانت تتمشى بفستانها العارى الذى يشبه قمصان النوم وهى ممسكه هاتفها بيدها ..
" إلهام " بضحكه صاخبه :- ههههههههههه اوك يا بيبى .. هجيلك انهارده .. ماشى يا حبيبي باي
اغلقت الهاتف و التفتت لتصعد غرفتها وجدت سيف يقف خلفها ينظر لها بغضب ...
نظرت له ببرود وهمت ان تذهب الا انه امسك يدها بقوه ..
" سيف " وهو يضغط على يدها و يجز على اسنانه :- كنتى بتكلمى مين يا إلهام ؟
" إلهام " ببرود :- وانت مالك يا سيف ؟
" سيف " بغضب :- ردى عليا وقوليلى كنتى بتكلمى مين ؟
" إلهام " سحبت يدها بصعوبه :- دى آخر مره هقولك .. دى حياتى انا وانا حره فيها يا سيف ... انا مكنتش بنتك علشان تتصرف كده
" سيف " لا انتى اختى ... والمفروض لما الاقيكى بتغلطى افوقك
" إلهام " اغلط مغلطش انا حره .. زى ما انت حر بالظبط .. وبعدين متتحمقش اوووى كده .. انا اصلا مش اختك وانت عارف ده كويس
" سيف " وقد شعر بالشفقه والألم تجاهها :- إلهام انتى اختى غصب عنك .. ومسمعكيش بتقولى كده تانى فاهمه ؟
اشارت بيدها له بلا مبالاه و صعدت الدرج :- مبقتش تفرق معايا على فكرة
تنهد بتعب و جلس على الكرسى بعد ان آلمه جرحه
وضعت يدها على كتفه بحنان فنظر لها بحزن ...
جلست بجانبه و ابتسمت بحنان .. ابتسم لها بحزن و اسند رأسه على كتفها ..
" سمر " بحنان :- متزعلش نفسك يا حبيبي .. انت بتعمل الصح .. خليك دايماً فاكر كلام سميه لما وصتك عليها .. ايوه هى مش بنتها بس هى حبيتها زى بنتها بالظبط
" سيف " انا مش عارف اعمل ايه يا امى .. انا تعبت .. بجد تعبت اووووى .. انا ساعات بفكر هو ياسين ازاى قدر يتحمل مسؤلية البيت كله .. دايما واخد باله من الكل .. بيهتم بالكبير قبل الصغير
" سمر " بابتسامة :- دايماً كان بيقولى زى ما انت بتقول كده .. كان دايماً يقولى انا مش هقدر يا ماما .. الحمل كبير اووى ومش هقدر .. كنت بشجعه لحد ما قدر .. وانت كمان ياسيف .. متفكرش ان مهمتك سهله
" سيف " لا يا امى .. انا مقدرتش احافظ عليها .. دى كسرتنا كلنا .. غلطت اكبر غلط ممكن اى بنت تغلطه .. راحت سلمت نفسها ل شاادى .. ياسين وقتها اضطر يدفع هو تمن غلطها
" ياسين " من خلفهم :- انا مدفعتش تمن غلطها يا سيف ..انا عملت كده واتجوزتها علشان كلنا عيله واحده ولازم نساند بعض فى المواقف دى بالذات .. بعدين انت عارف انى مقربتلهاش ..ده كان جواز لمدة شهرين بس علشان .. علشان لما تتجوز تانى يبقى جوزها عارف انها اتجوزت قبل كده
" سيف " انا مش عارف اقولك ايه .. بجد انت اعظم انسان شوفته فى حياتى
ابتسمت سمر بسعاده بينما قال ياسين بمرح :- متقولش حاجة ويلا علشان الواد ياسر مستنينا .. انا حاسس انه هيرتكب فينا جريمه انهارده
" سيف " ههههههههههههههه .. طب يلا
قبل سيف سمر من خدها و رأسها ...
" سيف " يلا باي يا ست الكل
" سمر " بإبتسامه :- ربنا يحميك يا ابنى و يباركلى فيك
" سيف " بحنان :- ويخليكى لينا يا امى
ابتسم ياسين بحنان على حنية والدته و حبها لسيف و إلهام رغم انهم ليسوا اولادها
" ياسين " بمرح :- لا انا اتأثرت اوووى يا جماعه .. خلاص الدمعه هتفر من عينى
ضحكوا جميعاً بينما ضربته سمر بخفه على كتفه
" سيف " بضحك :-وانت مالك انت يا رخم .. امى وانا حر ..صح يا سموره ؟
" سمر " بضحك:- اه صح
" ياسين " بمرح :- انا بس عاوز افهم .. هو انا اللى ابنك ولا هو ؟!
" سمر " انتوا الاتنين ولادى .. ومفيش فرق بينكوا
" ياسين " ربنا يخليكى لينا يا ماما
قبل كفها ورأسها ...
" سمر " ربنا يحميكوا يا حبايبى ويوفقكوا ياااارب
" ياسين / سيف " ياااارب
" ياسين " يلا يا سيف
" سيف " يلا
أنت تقرأ
رواية " حب من اول نظرة " ✨ ✓
Romanceرواية " حب من اول نظرة " ✨ بدأت فى الثلاثون من أبريل لعــــام 2021✨ Fri🥀30/4/2021✨ ✍🏻Rahma🥀Reda✨
