رواية " حب من اول نظرة " ✨ ✓

Part 7🌸

" آلاء " ياسين ... انت كلمت حسام واتطمنت عليه بعد ما وصل ؟
نظر لها ياسين بتعجب ودهشه ...
" ياسين " بدهشه وتعجب :- انتى مين قالك ان حسام سافر ؟؟
ابعدت عيناها عنه كى لا يعلم انها تكذب و قالت بارتباك :- هااا ! .. آآآآ .. آه .. كنت مع فاطمه فى المطار امبارح .. كانت بتودع مامتها علشان مسافره .. و .. وشوفت حسام هناك .. تقريباً كده كان مستنى حد ... سلمت عليه وقالى انه مسافر
" ياسين " بغموض وحذر :- قالك هو رايح ليه ؟
نظرت اليه بدهشه من سؤاله :- لاء .. بس اكيد حاجة تبع الشغل .. علشان وانا بودع مامت فاطمه شوفت ياسر واقف معاه
" ياسين " بهدوء :- تمام .. وانتى بتسألى عليه ليه بقا ؟
لم تعرف بما تجيبه .. اتقص له حكايتها مع حسام وتخبره بحبها له ؟! ام تكذب عليه ؟!
يا الله ماذا تفعل ؟!
" آلاء " بهدوء و حزن :- عايز تعرف انا كنت بسأل ليه ؟
" ياسين " ههههههههههههه طب ما انا عارف
نظرت اليه بفزع :- عارف ايه ؟

****************
فى قصر البحيرى ...
كانت سمر جالسه فى الصالون على كرسيها الهزاز مرتدية نظارتها وبيدها قطعة قماش تقوم بتطريزها
بينما كان سيف جالس على احدى الأرائك يتصفح اللاب توب الخاص به ..
.. وكانت ريهام جالسه على أريكه مقابله له و اضعة على فخذيها صينيه بها بعض الفواكه تقوم بتقطيعها ...
قطع صمتهم هذا صوت رنة موبايل سيف ..
" سيف " الو
" المتصل "..............
" سيف " وقف بفزع :- انت بتقول ايه !
نظرت له سمر وريهام بدهشه و فزع ....
" المتصل " ..............
" سيف " بغضب ونبره عاليه :- وهو انا باعتكوا معاه ليه ياشوية بهايم ... مش علشان تحموه ! ازاى تسمحوا ل ده يحصل ؟
" المتصل " ...........
" سيف " بغضب عارم :- ياسين هيشرب من دمكوا لو حصله حاجة
" المتصل " ..........
اغلق سيف الهاتف بعصبيه و غضب :- وربى ما هسيبكوا يا ولاد ********
" سمر " بفزع :- فى ايه يا سيف ؟ .. مين يا ابنى اللى كان بيتصل ؟
" سيف " وقد انتبه لوجود ريهام وسمر .. ظل يلعن نفسه فى سره على غبائه .. فهو لم يكن يريد لأحد بأن يعرف ...
" سيف " مفيش يا عمتو .. شوية مشاكل فى الشغل متشغليش بالك انتى
نظرت له سمر بشك وعدم اقتناع و حولت نظرها الى ريهام التى بادلتها بخوف على ان يكون حدث شيئ لحبيبها ...
ضغط سيف بعد الأرقام على هاتفه فأتاه الرد ...
" الشخص " الو
" سيف " بغضب :- ايوه يا ياسر ... احجزلى اول طياره على لندن بسررررعه و جهز نفسك علشان تيجى معايا
" ياسر " بقلق :- فى ايه يا سيف ؟ .. اوعى يكون ......
" سيف " ايوه يا ياسر .. لازم نسافر
" ياسر " بفزع :- ازاى ده حصل ! والحراسه اللى احنا باعتينهم دول لازمتهم اييييييه ؟؟
" سيف " معرفش .. معرفش يا ياسر .. اعمل اللى قولتلك عليه بسرعه واحجز تذكرتين على اول طياره رايحه لندن
" ياسر " حاضر يا سيف ... ياسين هايجى ؟
" سيف " وهو يصعد الدرج متوجهاً لغرفته :- لاء .. مينفعش يسافر اليومين دول .... لازم حد فينا يكون هنا
" ياسر " تمام

*************
فى لندن .... ( الحوار انجليزى وانا مترجمه )
يجلس رجل مسن تظهر على ملامحه القوه ...
" الرجل " Did you do what I asked of you, Johnny ؟
( عملت اللى قولتلك عليه يا جونى ؟)
" جونى " Yes, sir
( ايوه يا سيدى )
" الرجل " Okay, Johnny ... you can go now
( ماشى يا جونى .. تقدر تمشى دلوقتي )
" جونى " For your permission, sir
( بعد اذنك يا سيدى )
اشار له الرجل بأن يذهب .. وبعد ان ذهب جونى ....
" الرجل " Ha-ha-ha-ha, this is to let them know who they are playing with .... Well Yaseen .. I am waiting impatiently to see what you will do
( هههههههههههههه ده علشان يعرفوا هما بيلعبوا مع مين ، ماشى يا ياسين .. انا مستنيك بفارغ الصبر .. عايز اعرف هتعمل ايه وايه حركتك الجايه )
ثم نادى بأعلى صوته على احد رجاله :- Ethan ... Hey Ethan
( إيثان .. يا إيثان )
" إيثان " Yes sir
( أمرك يا سيدى )
" الرجل " Send to our men who are in Egypt and tell them to implement
( ابعت لرجالتنا اللى فى مصر وقولهم ينفذوا )
" إيثان " At your command, sir
( تحت امرك يا سيدى )
خرج إيثان لينفذ ما أمره به سيده ....
" الرجل " فى نفسه :- And show me what will you do ..... Yassin Al-Buhairy .. Mmmmmm, your end is in my hands
( ورينى بقا هتعمل ايه .. ياسين البحيرى .. اممممم .. نهايتك على ايدى )

********************

بعد ان خرجوا من الملاهى ...
" ياسين " ها يا طفله .. عاوزه تروحى فين تانى ؟
" آلاء " بمرح طفولى :- امممممم .. المول .. عاوزه اجيب لبس جديد
" ياسين " يا آلاء يا حبيبتي .. ارحمى امى .. مش كل ما تخرجى معايا تقولى عاوزه اجيب لبس .. ده انتى دولابك هيقع من كتر الهدوم و بعدين انتى اصلا لسه جايبه لبس امبارح لما خرجتى مع شمس
" آلاء " بغضب طفولى :- كده يا ياسين !! ده بدل ما تدلعنى و تقولى ماشى يا حبيبتي و....
قاطع كلامها صوت اطلاق نار و هجوم سيارات سواء اللون بها العديد من الرجال المسلحين ...
أمسكت به بخوف :- ي.. ياسين .. ايه اللى بيحصل ده ؟ فى ايه ؟
" ياسين " بخوف وقد علم من هؤلاء الرجال :- معرفش .. تعالى
ركبا السياره بسرعه و انطلق بها ...
فتخ هاتفه واتصل على سيف ...
" ياسين " ايه اللى بيحصل ده يا سيف ؟
" سيف " ياسين .. انت فين ؟ .. لوكس بعت لرجالته و أمرهم بالهجوم ( الراجل المسن اللى كان فى لندن )
" ياسين " كنت عارف انه هيعمل كده .. ابعتلى الحرس بسرعه آلاء معايا .. بسرعه يا سيف
" سيف " تعالى على القصر يا ياسين
" ياسين " مينفعش آجى .. كده هعرض حياة اللى فى القصر كلهم للخطر .. دول ماشيين ورايا
" سيف " طب هتعمل ايه ؟ .. استنى انا هجيلك
" ياسين " لاء .. متجيش .. افضل فى القصر و شدد الحراسه و الحمايه ومتخليش حد يخرج
" سيف " بس يا ياسين ......
" ياسين " انجز وابعت حراسه و انا هتصرف .. وإياك .. ايااااك تسيب القصر يا سيف
" سيف " حاضر
اغلق الهاتف و نظر من خلال مرآة السيارة فرأى اسطول من السيارات التى بها الرجال المسلحين يلاحقونهم ...
زفر بغضب و ضرب يده بقوه على عجلة القيادة .. نظر الى آلاء فوجدها تخبئ وجهها بكفيها وتبكى بقوه وخوف
" ياسين " وهو يعيد النظر الى المرآة ويزيد من سرعة السيارة :- آلاء
" آلاء " ............
" ياسين " طب ردى عليا
" آلاء " ببكاء :- انا عايزه اروح .. روحنى يا ياسين
" ياسين " طب اهدى علشان خاطرى
ظلت تبكى وتبكى الى ان قال بنفاذ صبر ...
" ياسين " طب ممكن تهدى شويه وتخلينى اركز ؟ .. بطلى عياط ومتخافيش .. مش هيحصل حاجة
سندت بكوعها على فخذها و ضغطت باصابع يدها على جبهتها علها تخفف الصداع الذى تملك منها بسبب كثرة البكاء ...
احمر وجهها و ضاق نفسها .. احست بدوخه شديده و أصبحت الرؤيه مشوشه .. امسكت بيده ..
" آلاء " بضعف :- ياسين
" ياسين " امسك بهاتفه واتصل بسيف :- ...
" ياسين " وهو يجز على اسنانه :- سيف فين الحراسه .. هنموت الله يخربيتك
" سيف " اهدى يا عم .. خلاص وصلوا اهم .. بقوا وراكوا بالظبط
" ياسين " نهااارك اسووووود .. انت سيبت القصر وجيت ؟
" سيف " لا انا فى القصر .. براقبهم من هنا .. اهدى بقا
ضغطت على يده بضعف :- ياسين
التفت لها :- اهدى يا حبيبتي خلاص الحراسه جت و....
لم ينهى جملته حتى رآها تفقد الوعى
" ياسين " آلاء .. آلااااااء

#يتبع.............

✍🏻Rahma🥀Reda✨