البداية مابعد النهاية

البارت الثالث

البداية مابعد النهاية

#الكاتبة_رقية_المندلاوي

            ..................................

علي:اووو ههههه ملقحه انتي خل اروح اشوف اخويه
رؤى:عليييييي
علي:خلص هاهي حبيت الطف جو
رؤى:يم اخوك اكو شي زين يصير

علي:والله حاجيته أكثر من مره وكتله يوخر منج بس هو ميفيد وياه الحجي
رؤى:تعرف شنو من اتحاشاه ينجلب مع أنو اعرف هو اخوك بس هل مره خلي اردله الكلمه عشره اني اله هواي نطيته مجال

علي:انتي صيري اعقل منه ياعيني عوفي شيسوي خل يسوي
رؤى:الكل تكلي الي انتي الفاهمه العاقله بس اله كلشي متحجون
علي:لخاطري لخاطر العشره البينه يمعوده مناقصنه وجع راس الله يخليج
..عفته ودخلت ..

علي:واحد اعند من من الثاني الله يصبرني عليكم
...نداريت عليه ..
رؤى:محد مكلك تتحملني روح أخذ اخوك للطب النفسي
..دخلت هو ضحك ..شفت هدى بوجهي..

هدى:هلا رؤى شسوين بالحديقة ويه علي وليش جاي يضحك
رؤى:روحي سالي شكو جايه عليه

هدى:شبيج عصبيه محجيت شي
رؤى:لتحجين احسن خليني افوت
..عفته ودخلت طلعت عصبيتي عليها خطيه

اليوم الثاني اليوم بعد سنويه بيبي كعدنه من ال٦ الصبح كلنه البنات والبارحه نايمه ب٢ رحنه للمطبخ احضر وياهم الريوك كملنه طبعا مخلص هسه نحضر بعد الثواب لبيبتي الصراحه اني اضحك واشاقه ويه البنات..

هدى:اكلج هاي سنويه بيبيتج اشوفج من بين الكل جاي ضحكين وعادي عندج
رؤى:شوفي حبي هداوي اني جنت بطن امي وبيبيتي توفت الله يرحمها يعني ماعرفه ولا كاعده وياه ولا ماخذه حنانه انسان مشفت منه شي ليش اطلع مشاعر الي مجاي احس بيه

ام صادق :بس مهما يكون هاي بيبيتج يمه
رؤى:اعرف عمه واترحم اله واحترم كلشي تسوو بس  انتي كوليلي اذا انسان متعرفينه توفه طبعا حتكولين الله يرحمه وتزعلين شويه بس مراح تاخذ منج أكثر من ٥ دقايق لذلك اني ماعرف اتصنع شي ماحس بي
...بعد محد حجه لان ماكو فايده ويايه

..حضرنه الجداري وسوينه الخضروات والفواكه وألمي والمواعين بعد صبينه الغده جانوا مسوين سمج ودجاج ولحم وتمن ومركه فاصوليا وقيمه ومركه سمج علوش يحب السمج هواي بكل أصنافها
أما اني اتخبل منه ماحب حتى الريحه بس تحملت بالكوه لحدما كملنه و مقبلات  وجابوا روبه وتمر يعني كامل كلشي وزعنه للجوارين كلهم وصارت بعد ب٢ صبينه غده النه كملت حسيت بدوخه لان منايمه البارحه ومن شدني من شعري لحد هسه يوجعني بس تحملت اغسل المواعين وياهن خطيه هن هم تعبن بس اشوف هدى عينه بس على علوش ومن تشوفه تسلم عليه بس هو يعوفه يكول مشغول ومدنك راسه ..