البداية مابعد النهاية

البارت الثامن

البداية مابعد النهاية

#الكاتبة_رقية_المندلاوي

...................................

سرى:مثلما جنتو تسوون بيه هسه اجه وكتج انتي حاجي كبالي وهاا فتحي سبيكر
رؤى:لا شنو سبيكر
صفا:الدنيا دواره ههههه يله
..اخر شي فتحت الخط

..صفا بسرعه اجتي فتحت سبيكر ..
رؤى:ياا
علي:شكو
رؤى:ماكو شي ليش متصل تريد شي

علي:لازم اخذ موعد حتى احجي وياج غير حبيبتي ومشتاقلج
رؤى:اله هسه
..سرى لازمه ضحكته وصفا تسكت بيه..

علي:شبيج ليش هيج تحجين اكو يمج أحد
..صفا تأشر 'لا'..
رؤى: ... هاا ااا لا بس اني بره ويه صديقاتي
علي:هنيالهن وياج واني من زمان مشايفج مشتاقلج شوكت اكدر اشوفج

رؤى:اح اح احمم عن قريب إن شاء الله بعدين احاجيك هسه اني بره
علي:فديت الخجلان بويه
رؤى:باي علووشي بعدين احاجيك صديقاتي يمي
علي:باي يروح علووشي

..سديت الخط وسرى طكتها ضحك وصفا تأشر باصابعها عليه
صفا:والله طلعت مو قليل ابو حسين
سرى:فديت الخجلان باعيه شلون صارت تشبه طماطه

صفا:اي طبعا هنيالنه بيج ويمج مو
..ظلن ينصبن عليه ساعه واني بالي مو يمهن..يمه ..
رؤى:كافي عاد يعني كرومي ميكلج هيج وانتي ثانيه ماكو واحد ممتغزل بيج جايين عليه اني وتنصبون

سرى:لا بس انتي تختلفين ..امم جملتج شنو جانت بله ذكريني انجلينا
صفا:'انييي مسحيل احب اني اختلف عنكم وخاصه علوش الفاهي' هسه تكله علووشي فوكاها هههه

رؤى:كافي بنات تعرفون بشنو احس بس عليكم الله لتنصبون عليه ترى والله بعد ماحجيلكم
سرى:ترى نشاقه حبيبتي

صفا:لضوجين طماطه وعد مراح ننصب ولا نضحك كولي
رؤى:من كلي هنيالهن لو يمج تمنيت صدك لو يمي اول مره افكر بشي بس ماكدر اكوله لساني هل طويل ميطلع من يحجي هيج ويايه علوش الي جان يحجي كلمه اريدها عشره هسه حرف ميطلع مني من يحجي ويايه اااااةةة

سرى:طبعا حبيبتي عنادج وسلوبج بالحب حيختلف بالنهاية انتي بنيه والخجل حلو للبنيه حلاتها بخجله
صفا:زين كوليله هل حجي وشوفي شراح يسوي

رؤى:اكلج استحي ميطلع مني هيج تكليلي احجي
صفا:هو مو يكول اسوي كلشي تتمني خلص كوليله اتمنى لو يمي انته لتكوليله مشتاقتلك وشوفي شيكلج هو اذا يحبج حيلكه الف حجه حتى يخليج تشوفينه ويعرف الي بينكم سر لحد هسه لذلك شوفي شلون راح يحاول