البداية مابعد النهاية

بارت السابع والثلاثين

البداية مابعد النهاية

#الكاتبة_رقية_المندلاوي

................................

..مسحت دموعي واني اصعد بالكوه اله كلولي مو هنا رجع للبيت اليوم ماكو مراجعين ..طلعت ورجعت للبيت
رسل:شبيج وجهج اصفر وباجيه صاير شي
رؤى:خلي البنيه يمج فدوه ولتكولين لأحد اني صاعده علي فوك
رسل:اي قبل شويه رجع صاير شي
..عفتها وصعدت جان يخلي مرهم لجتفه باوعت عليه بجيت كبل شافني كام و اجه عليه

علي:شصاير ليش تبجين
..اباوع عليه واني ابجي اريد تطلع الكلمات مني متطلع
علي:شصاير وياج احجي
رؤى:ليش محجيتلي ليش هيج سويت شلون تتصرف بهل طريقه علي مو وحش ولا انسان بلا رحمه وينه حبيبي علي الي عرفته وينه ذاك ابو الكلب الطيب
علي:فهميني شبيج
..حجيتله كلشي كلتلي ياه صفا هو راح وكعد انتجه بايده على ركبته ودنك واني بقيت واكفه وابجي باوع عليه

علي:والمطلوب مني شسوي هسه
رؤى:شلون تتصرف هيج لو صايرلك شي لو من صدك كتلته تصير مجرم وكدام الشرطه كل هذا صار انته شلون تسوي هيج نزلت من عيني هواي مو علي الي اعرفه
..صار عصبي واجه سحبني من زندي وقربني عليه وعيونه حمره من العصبيه

علي:ثبرتيني بنفس الجمله مو علي الي اعرفه ليش تردين ابقى مكرن لو رجع بيه الوكت هم نفس الشي اسوي اخخ لو مبقي شويه بعد جوه ايدي جان موته وخلصت منه واذا نسجنت عادي المهم اموته ترى الحجه عليها هي مرتي وعرضي شلون ابقى ساكت واني شفتج بهل الحاله ذاك اليوم ذاك الساقط بعده عايش يموت يعني يموت رؤى شايفه حياتنه شايفتنا شلون عايشين شو بس اتقرب منج شويه احس برجفه جسمج جوه ايدي عبالج مرتاح واني اشوفج خايفه وماكدر اسوي شي اخخخ بس لو يخليني احمد الزمه مره ثانيه ميطلع هل مره من ايدي

رؤى:كافي الله يخليك من شوكت صرت انسان همجي
علي:من يوم التزوجتي ودخلتي بحضن رجال ثاني واني مكدرت اسوي اي شي رحت عمان حتى انساج بس كل يوم اتخيلج بحضن غيري كل يوم اريد انساج مكدرت ملاكمه ولعبت رياضه طول الوقت وحتى بالليل صرت اشرب حتى انساج ماكدر اذا تردين علي القديم مراح تلكينه علي ندفن بيوم رحتي من أيده
..دفعني واخذ القميص وطلع كعدت بمكاني بالكاع وبجيت ياربي دخيلك تعبت ارحم بحال عبدك روحي حتطلع مني واني الفرح ميكمل ويايه

..الباب نفتح جان علي اجه كبالي كعد راد يحضني وخرته واني امسح بدموعي
رؤى:راح اروح لبيت اهلي من ترجع الإنسان الي اعرفه حتشوفني انتظرك
..تغير وجهه وصار عصبي
علي:ماكو روحه وكتلج علي ذاك تنسينه
..تقربت عليه وحضنت وجهه بايديه
رؤى:محتاجه حبيبي علوش محتاجه الإنسان الجنت اعرفه من طفوله فدوه رجعلي ياه عفيه لتحرمني منه هو العوض الي من ربي بهل دنيا