البداية مابعد النهاية
#الكاتبة_رقية_المندلاوي
.............................
..مسمعنه غير صوت علي نداريت شفته مفول عصبيه عيونه صاير حمره حتى البياض الي بالعين صاير احمر اجه بسرعه وكف كبالي ويحجي ويه نبأ
علي:اخخ لو مو مرت اخويه جان دفنتج بمكانج قبلما تكولين كلمه ثانيه عليها ديربالج تحجين عليه وحذرتكم الف مره لحد يتقرب منها بس انتو ميفيد وياكم الحجي ويمه انتي الردي هل شي وكتلج اذا اذيتوه بكلمه وحده اني حعوف البيت وهاي حسويه امشي رؤى حضري الجنط
رؤى:... اا... اي بس أهدى
..عاط بيه فزيت وماعرف الدرج شلون مشيته تعثرت مرتين واني اباوع عليهم من وره رسل لحكتني
رسل:فدوه رؤى احجي وياه شي هسه عمي يرجع وتكبر المشكله
رؤى:هو خلاني احجي مشايفته شلون عصبي اول مره اشوفه هيج
رسل:اعرف داده مو اول مره اشوفه هيج ليش اكلج خلي يهده
..نركع باب الغرفه وصار يحجي بصوت عالي وعصبيه
علي:ويييين الجنط مو كتلج حضريييييهن رسل حضري وياها بسررررررعه
..شنو شفت كبالي خليته بالجنط مخلاني احجي بس يسكت بيه رسل راحت تلم ملابس ليالي لبست صايه ونزلت مخلاني أبدل حتى
علي:يمه شوفي كبالج هل طفله بت منو وبعدين فكري الخلل بيمن ومنو ميكدر يخلف
..كلي نطلع وعمه تكله ابقى هو ميجاوبها اي شي شغل السياره
رؤى:زين مكتلي وين رايحين هسه احنه
علي:جنت متوقع هل يوم اني وهل مشكله لذلك اخذت حتياطاتي ومشتري شقه من زمان وماثثها كامل وانتي حسابج بعدين كل هل فتره مشاكل ومتحجين شي
رؤى:فهمتني غلط
علي:اششش خلينه ساكتين لتحجين كبااال البنيه وتخلينه نتعارك
.. الطريق كله يباوع عليه بعصبيه وبس يجر نفس ويستغفر وصلنه للشقه نزل الغراض وكال رتبي الملابس لحدما اجيب اكل بدلت ورحت أرتب الملابس
ليالي:ماما ليش اجينه لهنا وبابا علوش ليش عصبي
رؤى:ماكو شي ماما شكم يوم ونرجع انتي لتفكرين روحي لعبي
ليالي:بس فاطمه مو ويايه تعلمت العب وياها
رؤى:روحي شوفي افلام كرتون ماما وبعدين اخليج تحجين وياها بس لتجيبين طاري احد كبال ابوج هسه يضوج
..شغلت التلفزيون وراحت تشوف كارتون
.. نظفت البيت والغراض جان تراب شويه كملت وبقيت انتظره رجع وجان جايب مسواك ودجاج من بره اجه للمطبخ ويايه هو حضر الغده اني لميت المسواك ردت احجي وياه سكتت مو وكته هسه تغدينه وكملنه وهو راد يطلع
رؤى:وين رايح
علي:رايح للنادي
رؤى:لتروح الله يخليك ابقى
علي:رؤى صاير عصبي اذا مرحت للنادي وفرغت هل عصبيه مراح ارتاح
..باس راسي وراح رحت اكمل المطبخ واسوي العشه دك تلفوني جانت رسل
رسل:ها عيني حجيتي ويه حماي
رؤى:والله راح للنادي صاير عصبي والكلام ميطلع منه حتى خلي شويه يهده واحجي وياه عمه شلونه من طلعنه جانت تبجي بالي يمها
رسل:والله خيه عمه بس تبجي وعمي رجع وسمع بالسالفه صار يحجي على عمه وليث هسه مفول يريد بس يندل مكانكم حتى يسويه عركه ويه رجلج وصادق يهدي بيهم وميفيد
أنت تقرأ
البداية مابعد النهاية
Chick-Litالظروف وحدها من تحكمنا.. فليست للأحلام اي سلطه على القدر، الحب كذبه قالتها لنا القلوب لكي نقبل بالواقع الظالم..، فعندما يعطي القدر كل شي وفجاءه ياخذ كل شي هل يمكن استعاده ما اخُذ منا أم ستكون النهايه..!! فتاه عاشت باحلامها وحققت ماتريد وعندما وقعت ب...
