البداية مابعد النهاية

البارت الثاني والعشرين

البداية مابعد النهاية

#الكاتبة_رقية_المندلاوي

.................................

..اجتي ركض تحضني..
حوراء:الف مبروك يكلبي والحمدلله على السلامه
رؤى:شكو على شنو تباركيلي !!

حوراء:انتي حامل بس الحمدلله الوكعه ماثرت على الطفل بس يمكن تصير مضاعفات بعدين المهم هسه انتي ترتاحي خل اجيبلج شي تأكلي من الصبح مماكله شي

..كعدتني يمها واني بقيت صافنه عليه..
رؤى:"معقوله هذيج الليله لهل درجه وصلت وصرت حامل بس شلون هو هيج سوه وباجر يكون عرسه " هم شكيد صارلهم على زواجهم

حوراء:تقريبا حيصير ١٠ ايام على زواجهم بس ليش سالين
..فكره تأخذني وفكره تجيبني معقوله الله عوضني بولدي المات لحظه افرح ولحظه اصير حزينه خايفه افرح يمكن يروح مني مثل اخو ..

حوراء:اكلي حبيبتي حتى تأخذين الدوه
رؤى:مشكوره حياتي تعبتج ويايه
حوراء:لا العفو شهل حجي احنه خوات
..اخذت الدوه ورحت لغرفتي تمددت حطيت ايدي على بطني فرحت هواي بهل لحظه حضنت بطني بحنان وصرت ابجي ..

رؤى:الف شكر الك يربي عوضتني ومخليت حضني خالي هل مره راح اكون حذره أكثر صحيح الي صار غلطه بس مو ذنب الطفل راح احميك ماما مني ومن ابوك ومن الكل مراح اخلي يصير بيك مثل اخوك اوعدك يروح وقطعه من امك

..غفيت بمكاني واني احمد ربي على هل هديه ودموعي ماتنشف .. كعدت ب٦ ونص نزلت حضرنه الريوك حسن باركلي بس عمتي محجت اي شي بس كالبه وجها علينه .. مدرتله بال اصلا جنت فرحانه وكل شويه احط ايدي على بطني واضحك .. حسن راد يروح بس حجه اول شي ويه عمتي وراح هي راحت لغرفتها..

رؤى:شبيها
حوراء:حجيت ويه رجلي البارحه كتله يحجي وياه حتى مضوجج وتشتغل بيج مو زين مصاير بيج شي من غسلتي الزوالي وصعدتيهن فوك
رؤى:لا الحمدلله

..بقينه هل يومين هيج اشتغل عادي وعمتي متحجي شي ويايه مرتاحه منه الصراحه ..
رؤى:صدك حور ماشوف موبايلج وينه
حوراء:رجلي كلي ماريد مشاكل وأخذه  
رؤى:جان حجه ويه أمه

حوراء:رجلي وأعرفه زين كلشي يسوي حتى يحل المشكله لو حتى على حساب سعادته بس المهم يسد السالفه

..اليوم بعد يرجعون من شهر العسل يوديه لبيت اهلها وبعدين يرجع للبيت صارت ب١١ الصبح يله رجع سلم على الكل وصعد فوك ينام .. كعد ب٨ بالليل ونزل كعد يم حسن بالاستقبال اني جنت بالمطبخ جاي اغسل المواعين ماشوف غير احد من وره يحضني ندرايت شفته مصطفى والإبتسامة على وجهه ..

رؤى:فززتني شصاير
..حضن وجهي بايديه
مصطفى:انتي صدك حامل يعني حصير اب متتوقعين شكيد فرحتيني أحله خبر سمعته اوعدج هل مره مراح اضوجج ولا اسوي اي شي يزعلج حبيبي راح اكون حذر بتصرفاتي وعد