البداية مابعد النهاية

بارت السادس والعشرين

البداية مابعد النهاية

#الكاتبة_رقية_المندلاوي

.................................

.. نركع الباب .. شفت مصطفى صاير نار من العصبيه
مصطفى:جيبي البنيه
..كمت بالحيل الباقي بيه وحضنت بنتي ..
رؤى:وين تاخذها
مصطفى:ماريد اموتج البارحه كاتلج متملين
رؤى:مانطيك ياه اذا تريد تشوفها وتلعب وياه ابقى هنا

مصطفى:علمود ايناس متلعب وياه شكيد شفت ناس خبيثه بس مثلج ماكو لج البنيه متكدر تخلف ليش حارمتها حتى تلعب ويه الطفله خافي ربج
رؤى:انتو خافو ربكم بيه مانطيها اذا اطلع خبيثه من احمي بنتي عادي انت اذا نسيت اني مانسه شلون هي وامك رادو يحركوني والله ستر ومجنت قريبه على الدهن اذا نسيت اني مانسه شلون غسلو بيه البيت كله وهم كاعدين لك انته حتى بنتك مشايلها وتلعب وياه شميتها شفت شكلها ....

مصطفى:كافي اكلان خ... انطيني البنيه
رؤى:على جثتي اكتلني وسبني وشتسوي سوي بس تحلم اخليك تاخذ البنيه الها وتسوي بيه شي
..لزمني من شعري سحبني واني قويت على ليالي صارت تبجي
.. شكيد راد يأخذها مني توسلتله اخر شي عافني وراح ركضت قفلت الباب.. ورجعت حضنتها وبستها

رؤى:اشش ماما ماخليهم ياخذوج مني مراح ياذونج خل يكتلني كل يوم خل يسوي الي يريده بس مراح يتقربون منج يروح امج ودنيتها
..بقيت حاضنتها وابجي ياربي دخيلك يابو الحسن لتخليهم يسوون شي لبنتي هي بحمايتك
..صرت ابجي واقره على رأس ليالي المعوذات حتى نامت واني نمت وياه

..كعدت على ركع عمتي للباب وكملت يومي
..جنت امسح البيت اجتي ايناس سحبتني من أيدي ..
رؤى:شبيج مخبله هيج تسحبيني
ايناس:لتسوين نفسج غبيه وبريئه انتي تعرفين شنو السبب
..سمعت صوت ليالي تبجي .. ردت اروح الها لزمتني من أيدي

ايناس:متخليني العب ويه ليالي مثلما تردين بس حلعب بحياتج واخليج تمشين وتباوعين وراج وهاي حذرتج لتنسين كلامي
..عافتني وراحت واني مهتميت بحجيها

..بقينه هيج لأيام وهي كلما تشوفني تضحك ومصطفى صارت أخلاقه اسوء من قبل ويايه وحور رجعت وهي هم مصارت تحجي ويايه اصلا
.. صارت شهرين عمر ليلو اخذناها اني ومصطفى حتى نلقحها بعدما توسلتله شكم يوم حتى يرضى اخر شي قبل
..صخنت اليوم كله وظلت تبجي اني ايد عليها وايد على البيت محد شتغل واذا اكعد شويه عمتي تظل تتعارك ويايه وتبقى تحجي متاخذ حتى البنيه مني واني ماريد اتعارك جسمي تورم من الضرب تروح تحجي لمصطفى ويجي يضربني واذا اتمرض منو الها هل مسكينه

..عمتي اخذت ايناس وراحو لبيت اهلها وحور راحت لبيت اهلها كذلك مصطفى راح للشغل وحسن بالبصره اليوم يرجع
..بقيت بالبيت وحدي كملت الشغل ورحت أنام لبست ثوب كصير ونمت جانت الدنيا صيف
..تمددت سمعت صوت الباب يمكن رجعن عمتي وايناس رجعت نمت سمعت باب غرفتي نفتح .. فتحت عيوني
..نصدمت من الشفته صرت ارجف ومن الخوف كمت بسرعه هو اجه عليه بسرعه لزم ايدي حاولت اطلع من أيده ماكدر صار يضحك وخله ايديه وره ظهري وسحبني عليه صار يتقرب مني ..