البداية مابعد النهاية

بارت الواحد والثلاثين

البداية مابعد النهاية

#الكاتبة_رقية_المندلاوي

.................................

..طلعت من المعهد نجمدت بمكاني شفته كبالي احس كلبي حيطلع من مكانه يربي شلون عرف مكان شغلي
علي: ماشاء الله حلو عليج الحجاب
..حجه وعيونه تلمع ومن اشوف عيونه هيج احس ركباتي تخدرن ماكدر احركهن

رؤى:"يربي هذا شلون عرف اني هنا اكيد منى اووف منها"
علي:عادي نحجي شويه
رؤى:"لا رؤى لتنطي اي وجهه خلي يتخلى عنج" تاخرت على البيت
علي:بس عشر دقايق
..عفته ورحت للسياره صعدت واني لازمه دموعي حتى متنزل بس وجهه جان ازرك خفت اساله وندمانه لان مسألته بقيت افكر يربي شبي وليش هيج معقوله متعارك معقوله صاير شي محد صاير يكلي اي شي عبالك چاكوچ ميطلعوني الا من يحتاجوني

.. رجعت بسرعه للبيت صعدت أبدل واسبح نزلت جهزت الاكل وياهم لحدما ياسر وابويه هم رجعو من الشغل اكلت وغسلت المواعين ويه هاله بدلت لبست بنطرون ابيض وفوكاه قميص كابوي وتوربان ابيض وحذاء بيجي لبست ليلو فستان ابيض كصير كلت لهاله ونظوري يجون ويانه بدلو صارت ب٥ العصر طلعنه رحت اشتريلها كلشي تريده واشتريت لنفسي شغلات ضروريه رجعنه ب٧ ونص بالليل اشتروا شعر بنات وصارو يلعبون بالسياره فرحت من شفتها هيج ..
رؤى:"واخيرا شفتها تضحك بسببي كدرت اوفر الها الي تحتاجه من حب واحتياجات الف شكر الك يربي "

..بقيت اسبوع على هاي الحاله كل يوم اروح للشغل اشوف علي يريد يحجي ويايه اعوفه واصعد بسرعه للسياره ارجع للبيت اشم بقميصه وابجي..

شفته ردت اروح لزمني من أيدي..
رؤى:شجاي تسوي احنه بالشارع عيب
علي:مناويه تبطلين هل عناد وتخلينه نحجي
رؤى:ماعندي شي احجي وياك عوفني
علي:بس اني عندي امشي ويايه ترى ونوره لمحمد الحكج للبيت واجبرج تسمعيني

رؤى:"يربي شهل مصيبه الوكعت على راسي شدعي عليج منى " صدك تحجي انته شهل حجي تخبلت علي روح منا ماريد مشاكل يم مكان شغلي هسه شتحجي الناس من تشوفك كل يوم واكف هنا ترى جاي تأثر عليه
علي:كتلج امشي ترى أسويه وبعد ميهمني أحد اصلا وهاي الناس التحجي عليها متعرف شي بس الخريط المابي فايده

رؤى:"دخيلك ربي ماخلص من المشاكل لاحكتني وين ماروح" بس هد ايدي واجي وياك نكعد بكافي واحجي بس عندك نص ساعه
علي:سهله امشي
..مشيت كدامه بسرعه نعبر الشارع اكو كافي قريب
رؤى:بس ترى عيب الي تسوي ويايه
علي:الله كريم بعدين نتحاسب على الحلال والحرام
..شفت مابي فايده الحجي سكتت بس افر براسي وهو بتسم ماعرف بس احس شويه لانت ملامحي من شفته يضحك كرصت ايدي حتى اصحى لازم مانطي وجهه حتى ليتأمل

..رحنه وكعدنه بالكافي طلبت ليمون حتى ارخي اعصابي هو ضحك خنزرته بس بداخلي احس شي فرح من شفت ابتسامته اشتاقيت لكلشي بي واووف عطره بعده نفسه مغيره من اشمه ارتاح
.. طلعت من صفنتي على صوته..
علي:وين صافنه شربي الليمون واذا تردين ابقي صافنه عليه ترى ماعندي مانع أنه الج بكلشي