البداية مابعد النهاية

بارت ثلاثين

البداية مابعد النهاية

#الكاتبة_رقية_المندلاوي

....................................

..رجعت للبيت انتظر احمد شوكت يجي صار كل يومين يجي أو ٣ ايام ..
رؤى:هلا
احمد:شبيج
رؤى:تعال ولك هاي سوايه تسويه انته
احمد:شكو ولج اخذتيني حاصل فاصل
رؤى:لتغشم روحك احجي على صفا
..رفع تك حاجب ..

رؤى:لتسوي هيج وديربالك تروح تسوي شي للبنيه اصلا لحد اليوم مكايلتلي لان تخاف منك ليش هيج تسوي مو عيب انته اخو امي وهاي صديقتي شلون ترضاها
احمد:معليج انتي بيه اسوي الي اريده ومحد اله  شغل بيه وبعدين اني مغلطت وياه ولا سويت شي يمس شرفها اني مجرد نعجبت بيها وتعرفت عليه
رؤى:وتروح تسوي هيج يعني تهددها وتجبرها تسوي الي تريده

احمد:ليش معاجبها اني يعني
رؤى:يعني اذا كلت لا تروح تهددها هم حتى تحبك
احمد:شنو شايفتني انتي ولج اذا معاجبه ليش باقي ويايه لحد هسه
رؤى:منو كال هي متحبك
..دنك عليه وبتسم
احمد:يعني تحبني
رؤى:يربي باع على شنو ركز هل فجل شوف أمانه الله هاي امنته يمك لتاذيه بيوم صدكني هي فطيره بس لسان

احمد:شبيج انتي ترى اني نيتي مو سيئه رايدها بالحلال بس انتظر فتره واتقدم الها خل تخلص هل سالفه اول شي
رؤى:صدك حمودي يعني تحبها صدك فرحتني خل اروح ابشرها
..ردت اروح لزمني مني ايدي
احمد:ولجن انتن النسوان ميوكف شي بحلكجن كبل كمزتي تردين تكوليلها عوفيه اني مخليه مفاجئه الها من اشوفها اكللها

..فرحتلهم كلش واخيرا صفاوي حترتبط ومن  شخص قريب الي
.. ماعرف تذكرت علوش بهل لحظه
رؤى:"لتفكرين بالأشياء الي حترجعج للبدايه انتي جاي تكملين حياتج لتخليه توكف مره ثانيه "

..اجه عيد ميلاد منتظر وصرنه نسويله الزينه اني سويته وصرت اتذكر ايامي ماعرف متقصدين هيج يسوون لو هم يردون يحسسوني اني ممكن ارجع منتهى اي شي
.. رحت اشتريت هديه ل منتظر وبدله لون وردي بسيطه ليلو واشتريت الي فستان بي ورود هم زيتوني والردن طويل ومن الخصر حزام

.. عزمنه بيت خالتي الي بغداد واهل بابا بس محد اجه من بيت عمي ابو صادق بس بيت عمي الثاني اجوي لبيتنه
بدينه بالحفله ومنتظر واكف والكل يضحكله ويغنوله شفت ليلو كاعده على جهه وحزينه
رؤى:ماماتي صاير شي ليش ضايجه
ليالي:مابيه ثي 
..نزلت دموعها

رؤى:كولي منو ضوجج ماعاش الي يضوج روحي كليلي انتي مو تكولين تحبيني لعد ليش تضمين عليه هيج حتزعليني منج
ليالي:ليث مسويديلي عيد مياد مثل منظر (ليش مسويتيلي عيد ميلاد مثل منتظر )
..حجت هيج بقيت ساكته ماعرف شجاوبها وشكللها معاشت مثل الاطفال البقيه كل من وره ذاك الحيوان حتى وهو ميت مخلصت منه..