بيننا مجرم

الجزء الأول - بيننا مجرم

البارت الاول

حصه : نوره انتي شو م تفهمين اصحي شوي

!نوره : ش اللي م افهمه ترا قلت لج انا ش علي منكم راضيين ولا لا 

حصه : شو اللي ش عليج منا !! ابوي مش راضي فهمي فهمي لمره بس لا تعاندين و اصحي و خذي كلامنا بجديه

وديمه : الصراحه انا مليت من ها الموضوع كل ما اييلكم تردون ع نفس الموضوع

فهد ( ولد وديمه ) يصيح

وديمه : حتى فهود مل من سوالفكم هاي خلاص يا حصه هاي راسها يابس برايها 

طلعو حصه و وديمه و ولدها فهود و يلسو عند اخوانهم نهيان و زايد و نوره من بعد كلامهم زعلت كالعاده و طلعت من البيت, طبعا وديمه عمرها 23 متزوجه و عندها ولد عمره سنتين اللي هو فهود و من بعدها نهيان عمره 22 بين وديمه و نهيان سنه,نهيان و بعده حصه و بعد حصه, زايد عمره 18 اخر سنه ثنوي و بارد و كل حياته ضحك و اخر وحده نوره عمرها 17 بعمرها م تسمع لنصايح الغير و دوم تعاند و تحب ولد خالتها سالم, سالم بعمر نهيان يعني اكبر عن نوره بخمس سنوات الفرق بينهم كبيرر بس رغم ها كله انها تحبه و بو نهيان ( هزاع ) مب موافق ع الشي بس نوره م سمعت شور ابوها و كملت معاه !

نهيان : كالعاده رمستيها عن موضوعها مع سلوم بس ماشي فايده انا ماعرف ليش معورين راسكم و يالسين تهزبونها وانتو تعرفون انها م بتسمع نصايحكم

وديمه : انا بالبدايه كنت اهزبها بس جفت انه ماشي فايده ليش اعور راسي و طلعت من الموضوع بكبره بس تعال اقنع حصوه تطلع من الموضوع 

زايد : تراها اختكم شو اللي طلعت من الموضوع و م بعور راسي ها وانتو اخوانها و خواتها الكبار و جي م تنصحونها عيل لا تلومونها يوم انها م سمعت كلام ابويه و كملت وياه دام بس حصوه اللي تهزبها 

حصه : زيود مسوي طالع منها انت و ويهك بعمر م شفتك ترمس نوره عن الموضوع بعمريي

كلهم : ههههههههههههههههههههههههههه

دش بو نهيان الميلس بعصبيه: وديمه تعالي شلي ولدج صدعني مش مخليني ارقد صدعه صدعه

و فهود يصيح وياي عند امه

نهيان : كالعاده ابويه م يتحمل لا عياله ولا احفاده حتى اميه مش متحملنها 

دشت ام نهيان ( شما ) بعدها بثواني : نهيان قوم اخذ اختك من بيت خالتك شيخه 

نهيان : ان شاء الله اميه 

و سار نهيان ياخذها من عندهم 

حصه : يلا عيل بترخص و بسير ارقد لحد يوعيني 

وسارت حصه ترقد و بعد ساعين و نشت ع صراخ امها و هي توعيها و تقول انه ابوها ضرب نوره و من بعدها عرفت حصه عن السالفه وانها م سمعت رمسته و كملت مع سالم ولا جنه قال لها شي