بيننا مجرم

الجزء الرابع عشر - بيننا مجرم

طلعو من مطار امريكا و طبعا بو نهيان كان مضبط لهم كل شي المواصلات و السكن و الجامعات و كل شي ف على طول سارو بيت بو نهيان اللي ف امريكا

( بو نهيان باني كمن بيت ف دول مختلفه )

وصلو البيت اللي بيسكنون فيه و نزلو من السياره 

نهيان : من زمان عن هالبيت حصوه تذكرين ؟

حصه : هييه...........المهم يلا دشو 

ميثه : سلومم اخذ اغراضي

سالم : تمام شنطتج الورديه؟

ميثه : هيه 

دشو البنات البيت و الشباب طلعو الشنط و دخلوها داخل 

نهيان : الحين منو مع منو شي وايد غرف بس بنجمعكم مع بعض 

حصه : ويت انا ميثوه و مهور و العنود مع بعض و انتو اتفقو مع بعض

حمد : انا و نهيان و حميد و ميود مع بعض و سالم مع خلف و خليفه 

نهيان : هيه جي زين خلاص عيل البنات ف الطابق الثالث و نحن الثاني لانه كل طابق له صاله 

دشو الغرف و بدو يحطون اغراضهم و ينظفون الغرف 

( البيت عباره عن الطابق الاول صاله و مطبخ و غرفه عاملات و الطابق الثاني اربع غرف اللي خلوها للشباب بس استخدمو غرفتين و صاله و الطابق الثالث طابق البنات فيه اربع غرف و صاله و برع البيت شي قعده صغيره و زراعه )

سارو البنات صاله الطابق الثالث بعد ما خلصو ترتيب و يلسو

مهره : حصوه بيبون السيارات ؟

حصه : هيه باجر بيبون سيارتي و سيارتج و نهيان و حمد و سالم

ميثه : امايه تستهبل طلعت لي ليسن بس م خذت لي سياره ش اسوي ف الليسن اعلقه ف غرفتي ؟

العنود : مصخره جافتج ياهل 

ميثه : جب

دق فون ميثه و كان سالم يتصل

.......................................

ميثه : الو

سالم : تعالي تحت 

ميثه : ليش؟

سالم : انتي نزلي عقب بقول

ميثه : اوكيه 

......................................

بندت ميثه عن سالم و قامت

ميثه : انا بنزل 

حصه : وين وين

ميثه : سلوم يباني مادري ش سالفته 

سارت ميثه الطابق الاول و كان سالم موجود هناك 

ميثه : ها

سالم : اتصلي ف نوره م ترد علي

ميثه : وانا ش يخصني فيكم لا تتم تدخلني ف اموركم هاي تلقاها اخر شي ف سابع نومه