بيننا مجرم

الجزء الثامن عشر - بيننا مجرم

سكتو حصه و حميد عسب يسمعون الصوت و سمعو صوت خطوات تقترب

حميد : خلج هني

وسار حميد صوب الصوت و ضرب الشخص ع راسه و مسكه

الشخص : اييييي ( و بدت تصيح) والله م سويت شي لا تذبحوني

حصه شهقت : مهوور شو تسوين هني ؟ تعورتي ؟؟

حميد انصدم : السموحه والله بنت عمتي عبالي واحد منهم

مهره و هي ماسكه راسها : مب ايد عليك

حميد : اسف والله

مهره : حصل خير...الحمد الله اني لقيتكم

حصه : ليش يايه بروحج وليش يايه اصلا

مهره : مب بروحي مع نهيان بس ضعت لي نص ساعه ادوره و قلبي ف بطني كان معصب وراح وانا يلست ارمس ولا ارفع راسي و م اجوفه ... انتو ليش يتو ؟

حصه : شي ... ابا اسير المكان اللي توفى فيه ... نهيان وين دقيتي عليه ؟

مهره : قال يبا يسير المكان اللي توفى فيه بعد بس م يرد علي

حصه : المهم اذا م تبين تين ويانا ردي السياره

مهره : لا بتطمن ع نهيان اخاف سوو شي فيه

حميد : م بيسوون شي اصلا اكيد شردو من زمان

مشو لين ما لقو المكان و جافو نهيان يصيح ومن جافهم لف الصوب الثاني ومسح دموعه

نهيان : ش تسوون هني....(وجاف مهره) لا يكون انتي زقرتيهم انا قلت بندم اني يبتج

مهره : لا لا ... انا اصلا ضيعتك وهم حصلوني

نهيان : اسف م انتبهت كنت معصب...حصه ليش يايه هني

حصه : كنت ابا اجوف المكان

حميد : ترا قايلين لهم انه رادين البيت م نروم نتأخر

حصه : تبا ترد رد بروحك انا ابا ايلس شويه

حميد : ياي كل هالدرب وياج والحين يوم وصلنا ارد تستهبلين؟

نهيان : خلاص حميد وصل مهره بسياره حصه وانا برد حصه عقب

حميد : مب تنساها نفس ما نسيت مهره

نهيان : م عليك بردها

مهره : يلا عيل ( و جافت حصه و قالت لها ) انتبهي ع عمرج

( وسارو مهره و حميد )

حصه : منو بيذبحه يعني

نهيان : ماعرف بس بنعرف قريب م عليج

رن فون حصه و كان ( ساروه)

ساره : الوو حصووه

حصه : هلا

ساره : هديتي شوي ؟

حصه : يعني

ساره : يايه اخبرج انه توه رن فون مريوم اختي