بيننا مجرم

الجزء سبع وعشرين - بيننا مجرم

قام حميد و سار زقر مريم

مريم : شي .. حميد تم مع مهره اتوقع الموضوع خاص

حميد : تمام

دشت مريم 

مريم : حصوه بغيتيني؟

حصه : مريم تذكرت تذكرت 

مريم : كنتي ناسيه ؟

حصه : هيه .... الحين اذا سالم انسجن حتى نوره بتنسجن ؟؟

مريم : والله جوفي ... بتنسجن هيه بس م بتاخذ نفس عقاب سالم 

حصه غمضت عيونها : يعني كم سنه ؟؟

مريم : يمكن سنتين او سنه و نص بالكثير

حصه : انزين هي م سوت شي

مريم : حصه ترا غطت ع الموضوعغ و كانت بتساعد سالم 

حصه : اوكي كانت بس م سوتها 

مريم : م يفرق هي قالت ف الفيد 

حصه : شو اسوي الحين ؟

مريم : والله اخاف اقولج انه لازم اسلم الفيد لهم و هم بيتصرفون مع سالم و نوره 

حصه : يعني مافي امل انه نوره تنجو من الموضوع ؟

مريم : للاسف لا 

حصه بدت تصيح 

مريم : جوفي حبيبتي .. كل شخص ياخذ عقابه ف هالدنيا و اذا مب ف الدنيا ف الاخره ... يمكن يوم تنسجن تتعلم ؟ يمكن تعقل ؟ يمكن تلين عليكم و تتحسن ؟

حصه : واذا استوت اخس ؟

مريم : ثقي فيني و صدقيني بتتغير هالشي بيفيدها و حطي ف بالج انه كل شي يصير خيره 

حصه : بس مريم هي اختيي

مريم : ادري .. بس مهما كان ترا هي رضت ف موضوع ابوج و انه حبيبها ذبحه عشانها .. المهم انا بخليج الحين بسير بطرش الفيد و هم بيتصرفون 

حصه : تمام 

سارت مريم عنها و طلعت عند حميد و مهره 

مهره : شو صار ؟

مريم : حليت الموضوع 

مهره : كيف

مريم : عقب بقولج 

حميد : اي موضوع ؟

مهره : ماشي موضوع بيننا .. تعال انت ليش كنت متضايق اخر مره م لحقت اسألك ؟

حميد : ماشي موضوع صار بيني و بين حصه 

مهره : ش الموضوع ؟

حميد : سر

مهره : وي مردها حصوه بتقول لي .. يلا قول 

حميد : ماشي قلت 

مهره : حميدوه بتتصفع 

حميد : اوهوو .. اعترفت لها و مادري منو قايل لها من قبل و كانت مفوله و دزتني و سارت 

مهره : شووو؟؟ اعترفت لهاا ؟؟ سو كيووت