بيننا مجرم

الجزء السادس عشر - بيننا مجرم

** بعد اسبوع **
.........................................
- ف مطار امريكا يستقبلون اهلهم -

ميثه : وين امايه و البقيه ليش تاخرو هالكثر
مايد : انتي م فيج صبر شو
مهره : ميثوه لو صبرت م تكون ميثه
ميثه : شفيكم علي صدق وايد تاخرو
الهنوف فجاه ركضت : امايييييهههه
زايد : دوكم الياهله زخوها فشلتنا
يو اهلهم صوبهم و سلمو عليهم و يلسو يسولفون وياهم
( كلهم يو من طرف ابو نهيان و ام نهيان عسب حفله نوره اللي بيسوونها ف الغابه )

* بعد ما ردو البيت و قسمو الغرف الطابق الرابع حق الكبار الا شيخه رقدت عند البنات لانها قريبه منهم و يحبونها *
- ف صاله البيت -

الهنوف : ياخييي هات الريموتت سير جوف المباراه ف غرفتك
زايد : مابا
الهنوف : زايددد بتعطيني مب كيفككك
زايد : قلت م بعطيج
اليده كانت نازله و سمعتهم : شكلكم من زمان م جربتو عصاتي
زايد نش من مكانه و فر الريموت
الهنوف : خلاص ماباه
زايد : لا والله ؟؟؟
الهنوف : هيه عسب يدوه تعصب علي صح
زايد : هيه تستا..
اليده : والله ان ما سكتو انتو الاثنين بدخل العصا ف عيونكم
الهنوف : لا خلاص سوري يدوه
اليده : شو سوري بعد
زايد : هههه يدوه يعني اسفه
اليده : جيه شو جايفني غبيه ترا اعرفف
زايد : ما شاء الله عليج يدوه تعرفين انجليزي
اليده : هيه طايحه من عينك ؟؟
زايد : لا حشى علي م قلت شي بس توني اعرف
اليده : ردو غرفكم يلا انا اقول
الهنوف : كله منك
زايد : شو سويت ان...
اليده ضربتهم بالعصا عالخفيف : يلا انا اقول يلا
و ركضو الهنوف و زايد فوق
ام نهيان وهي نازله من الدري : خليهم حليلهم اليهال
اليده : اي يهال كل واحد اكبر من الثاني ش هالمصاخه
ام نهيان : م عليج منهم امايه انتي ريحي توج راده من درب
اليده : يلا انزين
* ف طابق البنات و الهنوف تركض *
الهنوف وهي تتنفس بصعوبه و تضحك
نوره : ينت هاي
الهنوف : يدوه ضربتني هههههههههه
نوره : اويه اونه ليش ههههههههههههههه
قالت لهم الهنوف السالفه و كلهم ضحكو
** بعد يومين و تحديدا ف الغابه **
ام نهيان : زين كل شي جاهز هزاع ( بو نهيان ) ماخذ نوره يحوطها لين ما نجهز
ام راشد : غريبه وين اخويه حسن ( بو حميد )
حميد : قال انه نسى ياخذ هديه لنوره ف سار ياخذ لها
مايد : ليش كل ها التجهيزات والله لو انها حفلتي
راشد : خف علينا
الهنوف بصوت خفيف صوب البنات : والله لو خليتو سلوم ايب لها كب كيك و يقول لها هابي بيرثدي بتفرح اكثر من جي صدقوني
البنات : اويه ههههههههههههههههه
شيخه : هنوفه اصطلبي
الهنوف : انتي مب عايبتني من رحنا عنج استويتي ام
ميثه : حوه ليش م كانت ام قبل وانا شو
الهنوف : اقصد جوها جو امهات و سوالفها م قامت تتقبل المزح م حبيتج انتي اوت
فهد : ههه اوت
شيخه : زين جي الحين بيشقنا فالكلمه
ميثه : كله منج هنوفه
شيخه : صح
الهنوف : احسن...فهود انت كفو استمر
فهد : ههههه تب ( جب )
الهنوف : اويه !
شيخه و ميثه : ههههههههههه
سالم : اقولج امايه انا بخلص شغلي و بيي
شيخه : تمام حبيبي
حصه : اقولكم تحسون اخلي اللوحه جي ولا العكس
مهره : احس جي احلى
- خلصو تجهيزات و يلسو يتريون بو نهيان ايب نوره -
وصلو بو نهيان و نوره و فاجئوها و يلسو يغنون لها و يحتفلون و عطوها الهدايا و يلسو الاهل يسولفون و الكل ملتهي يسولف مع الثاني
دق فون بو نهيان و سار بعيد عنهم ومرت ساعات و هم يسولفون و مستانسين
- بعد اربع ساعات -
حصه : امايه جفتي ابويه ؟
ام نهيان : لا والله يته مكالمه و سار م سالت ليش ؟
حصه : برد و جاكيتي ف سيارته و السويج عنده
شيخه : شلي جايكيتي ف سيارتي
حصه : اوكيي
سارت حصه و خذت جاكيت شيخه و لبسته و ردت عندهم
زايد : الحين هاي الياهله عمرها 17 ؟
نوره : يدتك الياهله
اليده : شووووو
نوره : اوه اقصد انت اليهال
اليده : قليله ادب
الكل : هههههههههههههههههه
* بعد ساعات قررو يردون *
اليده : وينه هزاع ( بو نهيان ) و حسن ( بو حميد ) و سلوم شو ها المصاخه للحين م يو
وديمه : هيه والله غريبه وايد تاخرو
شيخه : انا اتصلت ف سلوم قبل لا يطلع قال بيخلص شغله و بيرجع بس م يرد
ام نهيان : ولا بو نهيان يرد
حميد : ولا ابويه
اليده شهقت : ليكون خطفوهم مافيا
الكل : هههههههههههههههه
زايد : يدوه متاثره من المسلسلات اللي هنوفه تحطها
الهنوف : انا شكو
ميثه : مهووس فيج
زايد : خسي
اليده : انتو اسكتو اسكتو اتصلو عليكم يمكن صار لهم شي
ام نهيان : اميه ش بيستوي لهم يعني
اليده : دقيي
ام نهيان : ان شاءالله
دقت ع اخوها حسن م رد و دقت ع بو نهيان م رد و شيخه دقت ع سالم بعد م رد
اليده : خطفوهمم خطفوهمم
حصه : يدوه ماشي مافيا انتي هدي يمكن مشغولين
اليده : لا لا صدقوني خطفوهم
ام راشد : حصوه خلي الشباب يدورون ف الغابه انا جفت بو نهيان سار صوب الغابه بس سلوم و حسن اخويه اللي سارو
نهيان : خلاص ماله داعي تخبرنا بندوره
سارو الشباب يدورونه ف الغابه و قسمو اعمارهم كل اثنين مع بعض
نهيان سار مع محمد ومايد مع زايد و راشد مع حميد والباقي الصغار مع بو فهد ( مكتوم ريل وديمه ) و بو راشد و الكبار مع بعض
يلسو يدورون مال ساعه و نص و م لقو شي و كانو كل شوي يتصلون ع بعض عسب يتاكدون اذا لقو ولا
* عند زايد و مايد *
مايد جاف حفره : تعرف لو اطيحك هني محد بيعرف
زايد : افاا اهون عليك
مايد : لا كسرت خاطري خلاص
زايد : تشم هالريحه ؟
مايد : يع شكلك مب متسبح من اسبوع
زايد ضربه ع راسه : شم عدل
مايد : ريحه لابتوب
تجدمو و كل ما يتجدمون الريحه تكثر لين ما لقو شخص طايح ف الارض و حواليه د*م
زايد : ول شو ها منو ها خيبه خيبه
مايد : لحضه لحضه لحضه جنه ابوك ؟
زايد : لا وين دور غيرها م خوفتني
مايد : زيود ركز نفس الملابس لا تستهبل مب وقتك
زايد ركز ع الشخص و ركض للصوب الثاني عسب يجوف ويه الشخص و طلع ابوه
زايد : ابويييي ابوي انت بخير ؟؟؟؟!
مايد : خالي انت بخير؟
زايد : ميود جوف النبض اتصل ع الاسعاف اتصل ع حد سوي شي

مايد قام و هو يرتجف دق عالاسعاف و عقب دق ع الشباب و قال لهم ايون و طرش اللوكيشن بعد ما يوم الشباب و الاسعاف و ودوه للمستشفى و وصل الخبر لكل العايله كلهم سارو المستشفى و يلسو يتريون و هم خايفين و شيخه خايفه ع ولدها اذا صار له شي لانه م يرد. عليها و حميد يحاتي ابوه لانه مختفي و م يرد عليه
لفت شيخه لباب المستشفى و جافت سالم
شيخه : سلووم حبيبي انت بخييرر
نوره ركضت صوبه ع طول
سالم : الحمدالله بخير...ها شحاله
شيخه : ماندري للحين يقولون حالته صعبه م نعرف... وين كنت انت
سالم : سرت بيت ربيعي عنده مشكله و حليتها
طلع الدكتور من غرفه العمليات . .